طلبات مشروعة

بسم الله الرحمن الرحيم


الدار الوسيعة .. المرة المطيعة... الدابة السريعة

تلات جمل تدل علي سعادة الانسان .. اها وبدون مقدمات انا عاجبني الدار الوسيعة دي

يعني طبيعي الواحدة تميل للاستقلالية في حياتها الزوجية . ومن حقي بيت براااااااااااااااااي احس فيه

بالحرية .. فالعيش مع النسابة والاحتكاك المباشر بجيب كتييييير من المشاكل والكلاشات والنقة والجوطة

ووجع الراس .
المرة تُريد بيت ومطبخ وراحة بااااااال يعني مربوع صغير ما تقولوا لي فطيس خلاص قفلت مافي
ارض فاضية شوفوا حل انشاءالله تقتلوا حواشة ولا تمسحوا اب عشرين المهم الحل ولا تعالوا الميدان حق
الكورة دا , كورة شنو هو في كرة في السودان .. خليكم من الكورة ركزوا على رياضة المشي اخيييير

الكلام كتير بس اخير الاختصار











ا

[عبده مصطفي إبراهيم]

أم محمد ..مالك بتهبشي في موضوع الواطة...... دا ..عندنا ياسر مهدي
الحكاية دي بتجيب ليهو كاروشا...والزيو كتار
كان كايسة ليك حتة في فطيس... الا تشوفو البيوت الناس المشت منها للخرطوم
وديل كتار
وفطيس دايما ... حوشا واسع

سلام اخي الفاضل عبدو

والله يا خوي التهبش هنا واجب وطني , وبعدين اتعصرنا خلاص ..

وبيوت الناس الرحلوا الخرطوم ولا المغتربين كتيرة ومعروض للبيع في الفترة دي مافي , ونحنا بالصلاة على النبي دايرين ملك

انشاءالله نص مربوع ما طمعانيين كتير ..

طلباتك مشروعة وبسيطة في انو الواحد و الواحدة تكون عندها شخصية وبيتا الشخصي واستقلاليتها عن الاخرين وزي ما كان ابواتنا زمان ساهل عندهم البيوت والحيشان والواحد بدل واحد بكون عندهم تلاتة حيشان وبدل اربعمائة متر بكون عندهم اربعة الف متر ولكن صار هذا حلم في هذا الزمن الشين .
فيا ستي كان تفكري من زمان في واحد اكون وارث لية كم متر كدا او وضعوا كويس ومغترب في اروبا وبصرف بالدولار عشان بعدين ما تتبهدلي وتبهدلينا معاك ودميعاتنا اجن طافرات وتمقسينا كدا من الصباح ، علي العموم بما انوا البقي بقا عايني للمستقبل وبعدين بناتك او اولادك ما تديهم الا لواحدة كدا عندها بيت ملك او عندو بيت ملك عشان الجاك دا ما يجي لاولادك .

حلا للمشكلة نقترح عمل صندوق نسمية صندوق الاسكان وخمسمائة جنية شهري والبقع لية الصندوق نشترية قطعة ارض .

وبجيك لو لقيت لي حل للمشكلة وانا زاتي معاك

وفتشي

سلام اخي الفاضل ياسر مهدي

انت زاتك معانا يعني زيدنا وبقينا قوووووووم

وقصة واحد مقرش وعندوا دولا رات اها اخوي دقسنا والفاس وقع في الراس ...

وبعدين صندوق الاسكان فكرة بس المشكلة في القروش ولا الواطة يا خوي دايرين حل ونحنا لا واحد ولا اتنيين

وانت يا زوول ما تتطرح الموضوع دا للناس في اللجنة ووجهاء القرية امكن اشوفوا حل ويريحونا من
الهم دا

في اراضي قدااااااام المدرسة الثانوية تشمل الجينة الي الترعة ما تشوفوها لينا