وصول كتاب حكاية من الضباب..إلي الرياض..(توجد صور)

[عوض خضر]

اهم مافي خروج هذا الكتاب انه اعاد ربطنا ببعض من ناس الضباب الزمان

علي راسهم اخونا الدرديري عبدالرازق له التحيه فقد تفرقت السبل بعمال الضباب وعوائلهم

وانتشروا في كل بقاع السودان منهم من عاد الي موطنه الاصلي الشماليه 0 غرب السودان 0 ومنهم من استقر به المقام في المدن الرئيسيه في وسط السودان الخرطوم0 مدني 0 الحصاحيصا 0 سنار

والله ما شاء الله كنت فاكر ان الطيب صالح مات وماتت معه الروايات السودانية ولكن عوض خضر اعادها لنا والاجمل كانت الرواية من حلتنا وعيشنها في حياتنا

المهم يا عبده الكتاب معي هنا في الرياض حاول ان تعلن عليه مرة اخري
تلفون 0540984254
مصطفي عبد الله

[عوض خضر]

مصطفي الله يديك العافيه شكرا لهذا التقريظ الكثيف

عضوية المنتدي هنا وفي السودان تنتظر نسخ من الكتاب ولوقدرت تزيد لي النسخ التي ارسلت لي اكون من الشاكرين فقد وصلتني نسخه واحده

اعجتني طريقة اخراج الكتاب ايما اعجاب

في السودان الاخ عبدالمنعم الذي جمع هذا الكتاب بمثابره يحسد عليها وبقية العضويه محمد ابرهيم وفاء وهيثم ابوعاقله وعصام محي الدين ونسخ لعائلة المرحوم محمد الحسن عبدالماجد

اكيد سهيت عن بعض الاسماء وايضا نسخ للغربيه اخونا الاستاذ مامون عبدالله النور وابوعبدالرحمن وفي جده اخونا حسب الرسول ابراهيم واخرين

[عبده مصطفي إبراهيم]

الأخ عوض...........أرسلت نسختين من الخمسة العندي إلي عبدالمنعم ومحمد إبراهيم .....لأني لم أكن اتوقع ان اجد شخص
مسافر......كان خليت معاي كمية كويسة ورسلتها السودان مباشرة

النسختين بالسودان من يوم الخميس الفات وما عارف الحصل شنو
عبدالمنعم ومحمد مختقين ليهم ذمن

[عوض خضر]

الله يديك العافيه محمد ابراهيم شفتو كان داخل الصباح اما اخونا معروف فقد خفت صوته قليلا انشاء الله يكون الداعي خير

عوض خضر
الف الف مبروك
وقع الكتاب في يدي
مشاء الله
رايــــــــــــــــــــــ ـــــــــــــــــــــــــ ــع
اتمني تكون البدايه

[عوض خضر]

اشكرك عصام واتمني ان يكون مضمون الكتاب بنفس روعة اخراجه

[عبدالمنعم]

Originally Posted by عبده مصطفي إبراهيم

الأخ عوض...........أرسلت نسختين من الخمسة العندي إلي عبدالمنعم ومحمد إبراهيم
النسختين بالسودان من يوم الخميس الفات وما عارف الحصل شنو
عبدالمنعم ومحمد مختقين ليهم زمن

الإخوة عبده وعوض لكم العتبى حتى ترضو
علي النعمة أول مرة أشوف الكلام دا ... نعم إستلمت النسختين وسلمت ود إبراهيم نسخة وقد كانت فرصة سعيده جداً أن ألتقي بهذا الشبل لأول مرة ومن اليوم داك بقيت مشغول بالإيجار ... إيجار الكتاب ... شغال إيجار ساااااي والإيجار باليوم ... واليوم بالشي الفلاني (ما بوريكم بي كم) والناس واقفين صف... الواحد دورو يجي يستلم ويحجز تاني والدفع مقدم وممنوع الدين (بفتح الدال ما تقولو بقيت علماني) دي ما دعاية .. عضوية المنتدى بالخرطوم من يرغب في الإيجار يتصل يدفع الإيجار ويخُت أمنية ويستلم

[عوض خضر]

معروف الله يديك العافيه طمانتنا علي ان النسخه ادت المطلوب منها بشكل جيد

كان العشم في نسخة وكت مافي طريقة ليها نضطر نأجر من العم عبدالمنعم لكن تعمل لينا دسكاوند