الجعل : أولاد جعل

[عارف عبد الرحمن]

الجعل

تشكل المجموعة الجعلية قدراً كبيراً من سكان شمال السودان وغربه وأجزاء كثيرة من مناطقه الاخرى وبالأخص من أبي حمد الى الخرطوم , وهم ينتسبون الى ابراهيم جعل الذي ينتهي نسبه الى سيدنا العباس لذلك فهم يسمون ايضا عباسية ويطلق اسم الجعليين اطلاقا عاما فيشمل جميع ابناء ابراهيم جعل الذين ينتمون في جملتهم الى حسن كردم فيشملون :

أولاً : القبائل على النيل على الوجه التالي :

الجعليون ابناء عرمان : من العبيدية الى السبلوقة تقريباً .
الميرفاب : الى شمال عطبرة حول بربر والعبيدية .
الرباطاب : من بربر الى ابي حمد
المناصير : من ابي حمد الى اخر الشلال الرابع
الشايقية : من الشلال الرابع الى الدبة
الجوابرة : بنو جابر داخل بلاد النوبة ويعيشون بين الدناقلة والمحس
الركابية والجموعية والعوضية : شمال وجنوب ام درمان الى حدود الكواهلة والجمع غرب النيل الابيض الى الجنوب من بلاد الكواهلة

ثانياً : القبائل المقمسة بين النيل وكردفان على الوجه التالي :
البديرية : في شمال السودان وكردفان والشويحات والطريفية . وأما من ابتعد عن النيل فهم الجوامعة في اواسط كردفان شمال شرق الابيض .
الغديات : الى جنوب الابيض
البطاحين في النصف الشمالي من البطانة الى جانب الماجدية والكرتان والحاكماب والمناصرة والضباب والمقابضة والفضيلة والصنديداب والفاضلاب والسريحاب .

ويطلق الاسم إطلاقاً خاصاً على الجعليين الذين ليس لهم إلا هذا الاسم وهم أبناء عرمان الذين يمتد موطنهم من شلال السبلوقة الى عطبرة تقريباً وهم يشملون :
الزيداب , المكابراب , الكتياب , الشعديناب , المسلماب , الجبلاب , الكالياب , العمراب , الكبوشاب , والقنديلاب , المجاذيب , الحسبلاب , الجودلاب , الكراكسة , النافعاب , النفيعاب , السعداب , المحمداب .
أسماء ملوك الجعليين :
1) سعد أبو دبوس ( 20 سنة ) .
2) سليمان العدار ( 7 سنوات )
3) ادريس بين سليمان ( 35 سنة )
4) عبدالسلام ( سنة واحدة )
5) الفحل بن عبدالسلام ( 15 سنة )
6) ادريس اخو الفحل ( 6سنوات)
7) دياب ( 12 سنة )
8) قنبلاوي ( 3 سنوات )
9) بشارة ( 7 سنوات )
10) سليمان بن سالم ( 15 سنة )
11) سعد الثاني ( سنتان)
12) ادريس الثالث ( 20 سنة قتله ملوك الفونج )
13) سعد الثالث ( 40 سنة قتله بعض اهله الجعليين )
14) ابنه مساعد (13 سنة قتله الكواهلة )
15) محمد ( ابو المك نمر ) (13 سنة )
16) ابنه نمر ( 17 سنة انتى ملكه بالغزو التركي عام 1821م)

ويلاحظ ان الخلاف حول زعامة الجعليين بين السعداب ( ملوك شندي ) والنفيعاب ( ملوك المتمة ) , انتهى في نهاية المطاف بأن حكم السعداب شندي وما حولها , والنفيعاب المتمة وما حولها .
ونورد فيما يلي رواية اخرى عن نسب الجعليين ابناء عرمان بن ضواب بن غانم بن حميدان بن صبح ابو مرخة بن مسمار بن سرار بن كردم بن قضاعة بن حرقان بن مسروق بن احمداليماني بن ابراهيم ابن ابي ادريس بين قيس بن يمن الخزرجي بن عدنان بن قصاص بن كرب بن هاطل بن ياطل بن ذي الكلاع الحميري بن سعد الانصاري بن الفضل بين عبدالله بن عباس .


شاركونا و،أنتظروا فللقصة بقية

[عوض خضر]

متحرنك متحرنك متحرنك

[moawiah ahmed salim]

نحن اولاد جعل نقعد نقوم علي كيفنا !!!!!!!!!!

الاخ عارف شوف لي جعلين ود المراد العمراب ديل بقعوا وين لي وصفك دا ديل قالوا جدهم النبي ساي

[عارف عبد الرحمن]

ياخوي ناس ود المراد لا جعلية ولا حاجة ديل متسلبطين ساي .. ديل مراويد أنكشارية دهمشية زردية بعد اللفة وبعدها زقاق ضيق وحيطة قصيرة وكلب واقف عليها شنو ليك شدرة ولا ما شدرة..

[يوسف طه]

عارف عبد الرحمن حبابك عشره مشتاقين والله
نشكرك على المواضيع الشيقه والاسلوب السلس
يا اخوى ناس ود المراد جعليين عمراب يعنى عز الجعليين
ما زى ناس قريعتى راحت . واذا كان العمراب ما جعليين
معناها مافى جعليين من اصلو ونحن نسمى بعمراب الجبل
وننتسب الى عمر بن بلال والد الشيخ حامد اب عصاية سيف
(جعار المراره فى بطون السكارى ) دى قصتها بحكيها لاحقا
عايز شجره اكتر من كده .؟ طبعا ناس ود البدوى الشجر بتاعهم
فى نورى بتاع نخيل هههههههههههه لك الشكر ثانيه .

[عارف عبد الرحمن]

الحبيب يوسف حامد طه عمرابي ومن قلب الجعلتي ولك مني أجمل التحايا والتجلة .. وحبينا نطلعكم من القوقعة ونشوف منكم حاجة وعاطف قدر ليك .. وأنا لو كنت عارف الموضوع بجيبك جري كنت من زمان كشكشتك .. ولا تحرمنا من الطلة الجميلة ولك ولجميع الأخوة أجمل التحايا ودمت

[يوسف طه]

الاخ عارف جيتك صاد تانى لانو الكلام عن الجعلييين يعنى الكلام عن
الكرم والشجاعه والفروسيه والقيم والمواقف فهذا الموقف عن الحسن
ود ضبعه عمدة الجعليين يقال ان احد الرجال قد سرق بندقيه وامر المفتش
كل العمد والشيوخ القبض على السارق وكان من ضمنهم الحسن ود ضبعه
وعند القبض على اللص حضرت احدى اخواته وكشفت راسها امام الرجال
فنزل الحسن ود ضبعه من فرسه وغطى راسها وامر باطلاق سراح السارق
مما اغضب المفتش وهدد الحسن ود ضبعه باقصائه من العموديه لكنه لم يستطع
فغنت الفنانه حميراء ام قلب مستصحبه معها كل قيم ومواقف الحسن ود ضبعه
وخبر البندقيه القالوا دى بترميه ...
تلب يا الصقر فرق الرخم منى ...
وهناك قصه اخرى تقول انه دخل فى خلاف مع المفتش وخرج منه غاضبا دون استئذان
وتحدث الناس فى وجود المفتتش عن رجولة وشجاعة الحسن ود ضبعه وانه لا يلتفت
وراءه ابدا حتى ولو اطلق عليه الرصاص فلم يصدق الخواجه هذا الكلام وبالفعل امر
المفتش احد العساكر باطلاق النار فى اتجاه الحسن ود ضبعه ليتأكد من شجاعته
وبالفعل لم يلتفت الحسن ود ضبعه خلفه بل واصل مسيره .
وايضا من قصص الحسن ود ضبعه انه رأى احد الرجال يسقط فى البئر فذهب اليه
ولم يستطع انقاذه لوحده فطلب منه الرجل الذهاب الى الحله ليخبر رجالها لكى يساعدوهو
فى اخراجه ولكن الحسن ود ضبعه رفض ذالك وقال ( انا ما بودى الخبر الشين فج لى معاك )
وبالفعل تلب الحسن ود ضبعه فى البئر مع الرجل . عليك الله فى رجاله اكتر من كده .؟

[عارف عبد الرحمن]

حرم مافي أكتر من كدي .. دا شنو يا ود حامد السويتو دا خليت جلدي أقوم كل صوفة براه .. حرم بلدنا كما رجالها السمحين ديل كان زمان أتودرنا .. بلد لها أرث وتاريخ وبطولات وشيم وأخلاق .. تنعدم في بلد تاني .. سودانية حقتنا برانا .. وحقو المواقف الشجاعة الزي دي أدرسوها الطلاب عشان تعرفهم بتاريخ أجدادهم وتوريهم معني البطولات .. بارك الله فيك الأخ يوسف وأخوك نهم مابشبع زيد كمان وكمان .. بعدين خلي عاطف أورينا الشوايقة بطولاتهم ..

[عوض خضر]

عارف ازيك تكس يرجع انت فتحت باب يؤدي لصراع عرقي مامطلوب رغم ان الذين تحدثت عنهم ينتمون لنفس المجموعه اي المجموعه الجعليه بس في ملحوظه عايز اقول ليوسف ما قدانا بحكايتك دي زولكم المحامي بتاع الحركه الشعبيه ومازلنا نذكر فيصل القاسم وهو يصيح بملْ فيه انه يقول لك جده حمد اب عصايتا سيف ماذا لديك لتقوله عارف ارجو شاكرا استعدال المسار عاطف خرم تخريمه خصص فيها الموضوع نريد ان نعرف اكثر

بشكل علمي عن العرقيات التي كونت السودان الحديث