قصة قديمة

[عارف عبد الرحمن]

أم محمد شحتفتي روحنا .. الحكاية دي رسالة في جوال ولا رسالة من تحت الماء .. كدي في الاول ورينا مضمون الرسالة شنو .. بعدين صدقي أبو محمد ما أظن قاصد حاجة .. أمكن الراجل عجبو أسلوب الرسالة وقام ختاها في المسودات عشان عاوز استخدمها في يوم تكون في مناسبة وارسلها ليك .. شفتي كيف انت ظالمة الرجال ..

هووي يا أ خووي عارف الكلام دا واضح وانا كان عارفاك متابع كان سليت روحك سل , وبعدين تعال هنا رسالة شنو

البرسلها لي وفيها رسالتك الاخيرة وما الاخيرة , الشي دا فيو رد لموضوع , اسكت ساي , التفاصيل كتيرة وانا في الاخير كلفتها

سريع لانو خفت ياسر مهدي يكون داير مربوعو دا انشاءالله يا يا سر نشوفك في المربوع رقم واحد.........

وانتو بري بري منكم ذي ما قالوا الرجال ضل ضحى....

تحومي وتلوصي ساكت ما الدار خلاء وزي ما قال الشاعر بلدا مافيها التمساح اقدل فيها الورل ودا كلوا بسبب العطل في الذي اصاب اشتراكي في المنتدي ففي الايام السابقة لم استطيع ان اشارك وفقد الصلاحيات نتيجة لخلل ما .
اول بالتبادي بدور اسعلك سعال شنو الوداك تفتشي وتقلبي في موبايل المسكين دا ؟
واحتمال جاءات بالخطا ودا وارد في الزمن العلينا دا .
واحتمال المسج دي كانت قديمة من زمن بعيد شديد .
ومن هنا انا اشيد بي ابو محمد الذي امتص قضبك وثورتك الغير مبررة ونعم الرجل هو واتمني لكم دوام الاستقرار والسعادة .
بس خلي الفتيش والبحيت دا .
ومشكورة للسرد الرائع والامتاع .

[نضال احمد]

سلااااااااااااام
غايتو اي بوست سيدو يغيب مفروض طوالي نسبلو
لكن ام محمد شكلها الرسالة داخلا عليها دخلا شديدة
يا اختي ولا يهمك قالوا اللوم بجي بالغفلات وحاتك انت دي وان شاء الله تاني ما تتكرر
ثم يا ياسر مهدي الظاهر والله تعالي اعلم شريف نجيريا كانت ليهو اليد الطولي في تهكير حسابك الايام الفاتت دي فاعمل حسابك من هنا ولي غااااااااااادي

[عارف عبد الرحمن]

( حبيبتي يا اللماصة .. وجضومك زي القزازة .. المكحلة من طاجن عواسة .. يالجنك كواسة .. يالدايسة قلبي دواسة ).. مش دي الرسالة الكانت في جوال أبو محمد .. ولا غيرا .. ما فيها شئ بزعل بس أنت حساسة زيادة .. بتعرفي اللماصة ؟

هههههه اللماصة دي ما باقي الكسرة معها موية ولا دا الموص, ولا ايمكن العجين الخمير

انت الكلام دا جايبو من ياتو تكل ,

المهم في الموضوع انا بعد ما كتبتها سبحان الله حسيت براحة , وانت اقعد نكت

واضحك ,
ويا نضال اديك العافية الشئ ماساهل علي لكن نقول شنو في رجال الزمن دا

الاخ ياسر انا التبحت ما بخليو يعني اقول ثقة لما الاقي هناية داخلة بالباب

يا خووي هوووي الحرص واجب .. ولفت النظر كويس ....... وانا من اليوم داك ولا رسالة

تذكير الصلاة ما شوفتها في جوالو , اسكت ساي هو داب فتيش , فتيش شديد ما خلاص

ابو ا لزنان دخل الراس........