هجم البرد علينا

هجم البرد علينا من جميع الاتجاهات

وانخفضت درجات الحرارة بصورة ملحوظة الايام دي

وما ببالغ لو قلت شلاليفنا اتشغغت وضربتا الغبشة

والضحكة بقت صعبة وتجيك بالكطاعي ومقتضبة

والواحد لو ماشي من بيت لبيت الا اشيل معاهو البطانية

والوضو مسيح ساكت

والحمام من الجمعة لي الجمعة وبعد سخين الموية

بس اوصيكم بالحاجات الدافية

والليمون والحمضيات لو في طريقة

والمسيح بي زيت السمسم

والجرسلين

وابعدوا من الموية بقدر المستطاع

حتي تنقشع الموجة دي

[عبده مصطفي إبراهيم]

أجمل تعليق لقيتو لموجة البرد الجاتكم دي يا ياسر
"بشرى للسودانين.. الآن درجة الحرارة في نيويورك بلغت 7 درجات وفي الخرطوم 10 درجات.. ولو شدينا حيلنا يمكن نلحق بامريكا".

لدي أعتقاد شديد أن درجة الحرارة العندكم لو 10 ...البرودة حقته عندنا بنصلا لو درجة الحرارة انخفضت لأقل من صفر
البرد في السودان جاف....وبمش طوالي للعضام
غايتو الله يعينكم
مافي شي بدفي في الشتاء غير الملابس الجلدية.......وجلد الضحية ضربتو بيهو الجامع جير
....
أعانكم الله ....وازرعو قمح.....