إستقبال الرئيس...في حاجة غلط

[عبده مصطفي إبراهيم]

واحد من الإتنين.........يا الرئيس معتوه يا المستقبلنو معتوهين
إين الإنتصار .... وهل لازال سلفاكير حشرة
وماذا سيفعل الرئيس بحليفته...قدام نفس الناس دي....بترولهم ما ح يمر ولو ادونا نصو

وين الخطا مواطنين بستقبلوا رئيسهم ودا الحاكم 23 سنة معقول بالسهولة دي انسوا العشرة .

بعدين المافي شنو كل شي موفروا ليهم .

العلاج اي مكان تلقاء وبارخص الاتمان .

الشغل الا تقول ما داير .

والمواد الاستهلاكية مدفقة في الشارع تخم بس .

ومشروع الجزيرة مخضر ويانع .

والمسؤلين بخافوا الله خوف شديد .

.
.
.
.
.
بس وريني وين جاي كان اجرلي حافلة هسي امشي استقبلوا .

دا البشير البريدو
ومتمني احضر جديدوا
يالله حضرني

[عوض خضر]

هههههههههههه

اخونا ياسر مهدي جديدو ياتو الجديد ولا الفاتن

انت عارف ياعبدو صادف في لمتنا يوم عودة البشير من اديس ابابا

انو معانا واحد كان شغال مع الجماعه ثم تركهم دون رجعه بعد ان تبين له ماوراء الاكمه

وقعد يضحك ضحك شديد لما شاف الغبار عاكل جنب المطار وحقيقه لم نكن منتبهين للامر

كانت الضمنه عندنا غبارها ايضا عاكل

المهم لم تسائلنا مندهشين عن سبب ضحكه قعد يصنف في التجمع قرب المطار اشار الي الكثيرين وقال ديل طبعا

طلاب الخلاوي ومشوا جابوهم بسيارات رسميه وهؤلاء طبعا من داخليات الجامعه وجبه او 50 الف تفي بالمطلوب

وهؤلاء نظاميين بملابس مدنيه وبعد داك تفاقم التنظير قال احدهم عند حضور مسئول النظام قادر يحشد اي جمع عايزنو

وضرب مثل عند حضور رفسنجاني الي الحصاحيصا اذا لم تخني الذاكره ولكن احد رموز ايران زار الحصاحيصا

قال كل الريفي مشي الحصاحيصا وقسم الامر لاسباب عده

فمنهم من كان لديه هدف في الحصاحيصا فظل يؤجله الي ان حانت فرصة السفر الملح والفطور فهب لتنفيذ مآربه

ومنهم من هو جالس في المنطقه جعله الملل يتآكل وعندما لاحت فرصو السفر الملح وكسر الروتين لم يتواني في ذلك

ومنهم من هو يتلقي الاوامر وينفذها طالب نظامي وغيرهم

خلاصة القول ان اللمه الزي دي ساهله لمن هم في سدة الحكم

ولكن جعلهم علي قلب رجل واحد هو من اصعب الامور

والله يكضب الشينه