ظاهرة خطيرة

انتشرت في الاونة الاخيرة ظاهرة الاحتيال من خلال الرصيد فيقوموا يحولوا ليك رصيد مضروب يعني فاضي رسالة بس بانو جايك رصيد بمبلغ كذا وهو رسالة فقط يعني ركبوبك ماسورة او ادينا قروش وبنحول ليك رصيد بمبلغ كذا وكلوا احتيال وغش نرجو وضع الاحتياطات والحذر حتي لا نقع في ما لا يحمد عقباة وتكون فقدت قروشك في لحظة .

وانتشرت هذة الظاهرة كثيرا وحتي الاعلام الولائي حذر منها نرجو التنبية لذلك

سبحان الله الاحتيال والنصب بقي اشكال والوان

يحولوا ليك رصيد , والواحد ينتبه انو الرصيد المحول ما بضيفوا لي رصيدك

لانو هم اصلا ما عارفين رصيدك كم . ( الواحد هنا ينتبه طوااالي )

ولا مكالمة دولية ومجرد ترد يكون رصيدك راااح سرقة ممطورة المتلقي هو المتضرر

ولا فزت وربحت معانا بقت معروفة ومكشوفة
ولا رقم من البنك الفلاني ودا كلوا نصب وغش وغيرها يعملوا فيها شيوخ دين استدرجك
وكلوا نصب

الانتباه .. والناس تكون واعية وصاحية وكل ما الناس تكتشفهم بغيروا الاساليب

ربي يجزيك خير علي التنبيه وفي ميزان حسناتك

والله ام محمد الاحتيال بقي عالمي وتقني ومتتطور وكل مرة بظهر بصورة جديدة وحديثة ويواكب العولمة والحداثة ربنا يعميهم مننا وما يعتروا فينا الناس ديل اقوموا يسحبوا قرشتاتنا الفي جيبنا ديل بتاعة فتة الفطور وباقي المواصلات اخلونا نشحد في نص السوق لي البوصلنا البيت .

واوصيك اعملي حسابك من دهيباتك وقريشاتك لمن تجي السودان اقوم واحد اكون عندو جهاز كاشف للدهب شايلوا في جيبوا يعرف عندك دهب اقوم اعمل فيك مقلب واملصك دهيباتك المحوشاهم وتجينا خالية الوفاض بعد غيبة طويلة