|
|
07-11-2011, 08:09 AM
|
#1 | ||||||||||
|
يا حلاوة
استنكر السودانيون ببريطانيا إقامة الحزب الشيوعي السوداني عزاءً بكنيسة شيرلاند رود للفقيد المحامي الصادق الشامي الذي توفي ببريطانيا قبل أيام، وأبلغ مصدر «الإنتباهة» أمس أن السودانيين بلندن غير راضين عن خطوة الحزب الشيوعي، ووصفوها بأنها إهانة للقيم والمُثل والأعراف السودانية، وأشار إلى أن السودانيين سيتلقون التعازي في الفقيد بقاعة أبرار بوسط لندن، رداً على سلوك الحزب الشيوعي. ( انتهي ) عجباً عجبا .. الجماعة منعنشين ما عارفين أفرقوا بين الكنيسة والمسجد ..ما في واحد أوريهم الكنيسة عليها صليب وديل الضااااااااااااااااااااال ين يعني المرحوم دا ما في دعوة رحمة بتصلو .. أما المساجد عليها مآذن بها هلال كبييييييير .. وبأذن الله الرحمة واصلة .. خلي أهلوا يصلوا عليه صلاة الغايب .. أخونا عبده الله أديك طولة العمر في العمل الصالح .. ما تشوف ليك بلد مسلمين كان يوم جاء تلقي من يصلي عليك ما مشعشع أقصد متشعون ؟؟
|
||||||||||
|
|
07-11-2011, 09:23 AM
|
#2 | ||||||||||||
|
المدير العام
|
الأخ عارف...في حاجة قد تكون غايبة عن الكثيرين....لم تعد الكنائس ...كنائس لقد هجرها الأغلبية...بعضم ..رضي الله عنهم ...واخرين ما مأخرهم دخول الإسلام إلا عمايل المسلمين عندكم هذه الكنائس التي أتحدث عنها ليس فقط في بريطانيا بل في جميع الدول في إمريكا عرف ناس أبويمن...دربها بدري وإشتروا منها وحولوها لاسواق وكذلك في بعض الدول الاوربية... هنا في بريطانيا ... بدأ المسئولين عنها الإستفاده منها بطرق اخري....تحويلها لصالة يتم إيجارها للبرامج الترفيهية....وغيرها هذا لا يبرر ما فعله هولاء...ولكن علها تكون بداية لتحويل الكنيسه الي مقر دائم تستفيد منه الأقليات بدل ما تسكنه .... اسراب الحمام ومن ناحية دينية....كما قال احدهم....في اوربا صقل ديننا والحمدلله فالدول الاسلامية التي تدعوني ان اشوفا واعيش فيها بعيده عن الاسلام وانت ادري بذلك خليني في محلي دا....اعرف رسالتي في الحياة...والمجتمع يتيح لي أن أؤديها بحرية
|
||||||||||||
|
|
|
07-11-2011, 09:50 AM
|
#3 | ||||||||||||
|
المدير العام
|
في يوم كنا عاملين برنامج للأطفال...عايزين نشوف مواهبهم....والحق يقال لم اكن مسئولا عن إيجار الصالة...المهم تم البرنامج...وكان برنامج موفق جدا بعد يومين لاقيت واحد من مجلس البلدية "باكستاني"...وهو متابع لبرامج الاقليات ...قال لي شفت الكنيسة العملتو فيها برنامجكم داك...قلت ليهو ياتو كنيسة...بعد شوية الكلام وقع لي اها قال عارضنها للبيع....وانا شايف جاليتم...دي بتستحقها سكو الحكومة لا اريد ان ادخل في تفاصيل اكثر...فقط اردت أن أوضح لك...ما الت اليه الكنائس هنا وكفا....... بس يا ريت يا عارف كلم ناسك ديل يساعدونا بوقف التطهيرات العرقية ما بتشبه الاسلام .......... معليش لتسيس الموضوع لكن اعتقد دا كان الغرض منو ولا ما كدا
|
||||||||||||
|
|
|
07-11-2011, 10:57 AM
|
#4 | |||||||||
|
زائر
|
Quote:
حدود فاصلة شديد...بقت في تعايش سلمي بين الاديان زي دة http://csadmin.islamonline.net//arch...yman01a,32.jpg |
|||||||||
|
|
|
07-11-2011, 11:56 AM
|
#5 | ||||||||||
|
أنتوا ياجماعة الموضوع قلبتوا سياسي وانا بتكلم عن الموت ؟؟ والفااااااااتحة وربنا أجعلوا من أصحاب اليمين .. وانتوا لافين شمال ؟ بعدين ياعم عبده ياتو جماعة انت بتتكلم عنهم عشان أكلمهم .. اوعي تكون فاكرني دستور يا اولاد ماما .. ما كان مرقت من السودان ؟ بعدين يا ود الخليل انا بقول الكابتن دا مات وما لقي مكان يعملوا فيه العزاء غير كنيسة ؟ تقوم تجيب لي صورة البشير مع مسيحي ؟ الموضوع في واحد من الجماعة أياهم مات .. وقام الرفاق مشوا الكنيسة وشالوا الفاتحة .. الكترابة الفاتحة حقتهم بأشارة علي الكتفين ثم لأعلي ورسم أشارة الصليب المعقوف ؟؟ يعني اي حاجة اتعملت ما ليها علاقة بكلام ساسة ويسوس .. عجبتني المفارقة وصار الموت يفتقد للقدسية والاحترام .. وعشان بتمني ان اموت في بلد مسلم مابين مكة وفطيس .. علي الاقل ألقي لي مسلمين يحترموا أنسانيتي واسلامي واصلوا علي في مكان طاهر ونفس تتمني لي الرحمة والثبات .. بس في الكنيسة بقولوا شنو ؟؟!!!!!!!!!!!!!!!!!
|
||||||||||
|
|
|
07-11-2011, 01:16 PM
|
#6 | |||||||||||||
|
المدير العام
|
Quote:
بعد الكلام الكتبنا كلو دا....وبرضو مصر علي تفاصيل صلاة المسيحين نحن نقول ليك الناس دي هجرت الكنائس تقول لي كيفية صلاتهم الناس ممكن بكل بساطة أجروووو صاااااااااااااااله في كاااااااااااااانت كنيسة ............... طيب ما ممكن....تمووت في حتة مسلمة بين فطيس ومكة لكن موتة ذي حقت الصحفي محمد طه ...لا إحترام إنسانية وكمان فيها تبشيع بالجثث..... ما تركز علي إنك تموت وين ركز علي السترة بس والبتمني ليك الرحمة..دا كان طالع في ترعة الكنار ولا برج إيفيل....الإتجاة واحد
|
|||||||||||||
|
|
|
07-11-2011, 01:37 PM
|
#7 | ||||||||||
|
برضو انت ماقادر تفهمني ..ولا انا ما قادر افهمك .. المهم أنت بفهمك وانا بفهمي .. بس موتة زي دي الله لا موتني ليها .. ولا موتك ليها .. موت آخر زمن الفاتحة في قصر أفراح ولا قاعة مناسبات ولا باقي كنيسة .. اعوذ بالله من دي فاتحة !!!!!!!!!!!!
|
||||||||||
|
|
|
07-11-2011, 07:24 PM
|
#8 | ||||||||
|
زائر
|
الاخوه الاعزاء جمعيا لكم التحية والتجله والاحترام في الحقيقة استوقفني هذا الخبر في جريدة الانتباهه صباح هذا اليوم وكان بجواري زميل ... سالته ان يجد تفسير لهذا الامر فصمت ولم يجب سؤال لم نجد له اجابة الا من خلال رد اخونا عبده بالفعل اخي عبده يجب ان نصصح ونجتهد في توصيل الرسالة والفهم للاسلام الصحيح لدي هؤلاء القوم مؤكد ما يقوم به بعض متعصبي الراي اثر كثير عن فهم ديننا الحنيف احسست بانه الوقت والزمن المناسب ليتمدد المد الاسلامي بكل معانيه السمحة هذا هو دوركم اخوتي ................... |
||||||||
|
|
|
07-11-2011, 09:40 PM
|
#9 | ||||||||||||
|
المدير العام
|
الأستاذ الطيب.....نصحح ونجتهد...في توصيل الرسالة هذا التعبير...تجمد أو دخل في بيات شتوي ليهو ذمن عندما تكونت المناطق المغلقة بالجنوب...ومنع المسلمين من الدخول إليها تحول معني الرسالة...وتحولت النظرة الي الجنوب المسيحي...الي ذات النظرة التي كونها المسلمون عندما حكمو أسبانيا 800 عاما "ديل إسلامهم نسوي بيهو شنو...خليهم في حالهم دا" هذه هي الإيدولجية التي تؤمن بها كل التيارات الان....وترك الناس رسالتهم في الحياة وركزو علي البترول دا يمرق كيف والبشيلو منو... هذا الرمية ممكن تتعتبرها مدخل لما تطرقت له جريدة الإنتباهه....وبرضو عارف مقتنع إنو الموضوع ما موسيس فنحن خير أمة إذا أدينا الرسالة "وإن تتولوا يستبدل قوماً غيركم ثم لا يكونوا أمثالكم" فالأمر لا يعتمد علي الوقت المناسب أوغيره .. قد تختلف طريقة توصيل الرسالة حسب الموقع ولذلك قد لا يفهم داعية قاعد في دولة مسلمة "نقول مسلمة"...تصرف داعية تاني قاعد في دولة غير مسلمة فهل أدت الإنتباه رسالتها....حتي تلتفت الي نقد الأخرين "هناك حكمة بريطانية تقول: العقول الكبيرة تناقش الافكار والعقول المتوسطة تناقش الاحداث, اما العقول الصغيرة فتناقش الاشخاص! نسال الله ان يعيننا على الارتفاع من مستوى مناقشة هوية المفكر الى مستوى مناقشة الفكرة! "
|
||||||||||||
|
|
|
07-12-2011, 01:29 PM
|
#10 | ||||||
|
زائر
|
الاخ عارف وصلت معلومتك لكن فى ايه فى القران الكريم بتقول (اينما تولوا وجوهكم فثمى وجه الله) يعنى ما فرقت كتير فى كنيسه فى اى محل مافى مشكله اهم شى النيه وبقول ربنا انظر فى القلوب وليس فى المكان وطبعا احسن مكان مكه بلاشك وربنا اثبتك فيها ودعواتك ومشكور على معلوماتك الثره |
||||||
|
|
 |
|
|
 |
 |
 |
Linear Mode
