|
07-15-2010, 05:58 PM | #51 | ||||||||
زائر
|
ساجور ما انفكّ فى رحم الغيب ما انفكّ ما باح الغيم بي سر الضيم والناس نضيم فى الفارغة ساجور ما انفكّ سؤال فى القمر الخنق فى الحلة ما اندق صفيح ما انشدّ بليلة بليلة وفال ما اتغنى مديح وما فكّ ضفايرك للريح والناس بتصيح فى الفارغة |
||||||||
07-22-2010, 09:54 AM | #52 | ||||||||||||
المشرف العام
|
حنيني ليك وليل الغربه أضناني وطيف ذكراك في دمع القلب بكاني واقول ياريت زماني الفات وتاني ونعود تاني من تاني والقاك ياوحيد عمري وتلقاني تلقي الريد معاي وفي لحظه مانسيتك ماتنساني لا بنساك "ولابقدر "ولاعايش بعد حبك ونعود تاني تاني من تاني واهرب من خيال طيفك في عيني بلاقيه واعيش أيامي بالذكري الم و افراح
|
||||||||||||
07-22-2010, 09:59 AM | #53 | ||||||||||||
المشرف العام
|
طوريك فى الطين مرمية وكوريتك يابسة ومجدوعة لا غيبتك كانت مرضية ولا فوتك كانت مبلوعة *********** اللهب الضوى الليل قناديل فى عيون النجمة القطبية والتعب المد ضراع النيل سجادة فقرا مزاورية سائلين عنك ويوماتى رحيل لموانى المدن النفطية شقيش ما تقبل يا ابو الحيل فى قلوبنا مواجعك متكية **************** وابعتلك شال الحب مرسال تايهين فى بحرو مراكبية بكتب على صدر الموج امال اطفال عمال ومزارعية كيف حال يا ابوى كيف حال يا خال بتمسى بيوتنا الكاكية حزنانة بتبكى مال الحال والزمن السابكم ايدية
|
||||||||||||
07-22-2010, 01:55 PM | #54 | ||||||||||
|
أخونا الزمااااااااااااااااااااا ااااااااااااااااااااااااا ااااااااان معاوية أحمد سالم وين بالله أنت الظاهر باضت ليك في أقفاص أنت وأخونا الأمير وبقيتوا تقال تظهروا متاوقة .. والله أولاد المدرسات من الله خلق المدارس مدلعين وما بلعبوا بالطين وكمان جدك الحسين وما تعمل لي فيها مسكين ..الظاهر قاعد تعيش في الرواية عشان تكمل الباقي .. طيب وين الأمير ؟؟؟؟؟؟
|
||||||||||
07-31-2010, 11:55 AM | #55 | ||||||||||||
مشرف المنتديات الأدبية
|
لا وحبك - حسين بازرعة - عثمان حسين أداء سميرة دنيا http://www.youtube.com/watch?v=YRyOQCir3Fk لو خلاص أنكرت حبي .. في النهاية لا وحبك لن تكون ابدا نهاية انت عارف نظرتك كانت بداية وما بتغير حبنا السامي وشاية .. * * * * * انت وحدك يا حبيبي اخترت قلبي وقلت حابك كنت تتمني اصف حسنك واستجلي شبابك رحت تغريني بي حنانك مرة تأسرني بعتابك كل يوم تزرع حياتي بالامل ويهون عذابك .. * * * * * عشت في قمة شعوري وقلت فيك اجمل غنايا فجأة يتبدل مصيري القي احلامي سبايا ؟!!! لا . . . لا . . . لا لا وحبك يا وحيدي مستحيل درب النهاية حبنا اقوي من الدنيا وأطول من سنينا فيهو من وطني المسالم كل طيبة وأغلي زينة فيهو من عاطفتي معني الالفة والعشرة الامينة يسعد العشاق مداها وتفرح الدنيا الحزينة وبرضو يحصل تنسي عشك في النهاية لا وحبك لن تكون ابدا نهاية
|
||||||||||||
07-31-2010, 11:19 PM | #56 | ||||||||||||
|
العزيز عارف قبل ما احرقني كلامك حرقني حنين معاويه بس الدرش حاصل وهاك النوجعك http://www.youtube.com/watch?v=0OnOdV_16qc
|
||||||||||||
07-31-2010, 11:56 PM | #58 | ||||||
زائر
|
الاغنية جميلة حقيقة للفنان الراحل العاقب محمد الحسن .. تسلم يا محمد احمد سالم..الله يديك العافية |
||||||
08-01-2010, 07:00 AM | #59 | ||||||||||
|
تسلم يا أمير الحسن .. وهديتك مقبولة وحلوة جداً كمان .. بس بعتبرها رشوة عشان أسيبك وأتنازل وأسلم وارفع الراية البيضاء .. ما بخليكم والله يا ولاد المدرسات .. وبطلوا دلع وأظهروا .. ولله المنتدي بقي زي حصة الرياضيات .. دخلو ملل والواحد أجي اتصفح بسرعة وازوغ .. الحكاية عاوزة بهارات وقدحة ومتبلات.. عشان فتح الشهية .. وين المواضيع السخنة والكلام الكان في البداية .. ولا ديك ام فريحة وذهبت الفكرة وباخ الحماس وتلبد الراس وفقد الحرف الأحساس ..؟؟؟
|
||||||||||
08-08-2010, 06:32 AM | #60 | ||||||||||||
مشرف المنتديات الأدبية
|
إهداء للجميع بدون فرز [MEDIA]http://sudanyat.org/files/sit_al_ainien.wma[/MEDIA]
|
||||||||||||
|
|
|