الترابى يهاجم مؤتمر الحركة الاسلامية السودانية ويتبرأ منه

http://www.sudantribune.net/local/ca...es-3-97ee9.jpg

وجه الامين العام للمؤتمر الشعبى حسن الترابى انتقادات حادة لمؤتمر الحركة الاسلامية المحسوبة على النظام الحاكم فى السودان قائلا ان ولاة الأمر الحاكم اقاموا مؤتمراً أسموه الحركة الإسلامية ليحتكروا تلك الصفة لأنفسهم وعزلوا رموز الحركة المعهودين مكبوتين أو معتقلين،مشيرا الى ان الحكومة تظل محتكرة لحزب المؤتمر الوطني ومعه سواد ممن اسماهم المنافقين والمستوزرين من قوى سياسية وآخرين يبتغون المنافع.


وقال الترابى فى رسالة مكتوبة وجهها لقيادات التيارات الاسلامية التى وصلت من خارج السودان للمشاركة فى مؤتمر الحركة الاسلامية بالخرطوم امس قال انه يتبرأ من المشروع المدّعى أنه للحركة الإسلامية بالسودان، وأضاف " لا نعرف لها علماً وهدى فكرياً ولا خلقاً ولا سياسة مما ينسب حقاً إلى الإسلام".

وحث الترابى قادة الحركات الاسلامية للاعتبار من التجربة السودانية التى اصيبت فى مشروعها ومثالها ما أدى إليه نكوص تلامذته عن هداية الدين حسب قوله ولفت الى ان بعض أبناء الحركة آثروا التعاون مع العسكر برغم الجبروت والظلم والفساد والبغي بمبرر الحفاظ على الكسب ومحاولة إصلاحه ، وبأثر فتنة الترهيب والترغيب من السلطان. وأشار الترابى الى تدهور أمر السلطة في السودان ، بانفصال الجنوب عن الشمال ، بينما لازال يتمرد ويقاتل الغرب والشرق والجنوب الجديد.

وقال مسؤول العلاقات الخارجية فى حزب المؤتمر الشعبى بشير ادم رحمة ان رسالة الترابى موجهة الى قادة الحركات الاسلامية الخارجية وأكد لسودان تربيون امس تسليمها للضيوف دون ان يستبعد وصولها الى بقية اعضاء المؤتمر وأكد رحمة الترتيب لعقد اجتماعات بين الترابى وقادة الحركات الاسلامية الزائرة للخرطوم

وأشار الترابي الى ان وصول الاسلاميين للسلطة تحت عباءة عسكرية بدلا عن الانتخابات كان اضطرارا ، خاصة وان القوى الدولية والقوة العسكرية كانت تأمر علنا بإقصاء الاسلاميين من الحكم كل ما عقدوا ائتلافا مع الحاكمين مسميا تحالف التيار الاسلامى مع الرئيس الاسبق جعفر نميرى ورئيس الوزراء السابق الصادق المهدى بينما كانت الحركات الإسلامية في المغرب العربي وتركيا وآسيا تُصد بالقوة و لا تُفسح لها حرية الاقتراب من الحكم بالسياسة .

وبرر الترابي لجوء الاسلاميين للحيلة الانقلابية في عام 1989 قائلا بان الثورات الشعبية في السودان تحدث فوضى بسبب سعته وتباين شعوبه وانفتاح حدوده وأضاف " لذلك حركت الحركة انقلاباً عسكرياً اخفت من ورائه لسنة ونصف صفة التغيير الإسلامي المنشود، ثم لم يظهر قادتها إلا بعد ست سنوات في القيادة السياسية للقوة الحاكمة."

وأرجع الزعيم الاسلامى اسباب خلافه مع نظام البشير إلى ان العسكر عارضوا حرية الرأى والصحف والأحزاب ، وحاصروا حرية الافراد باعتقالات قائلا ان الروح العسكرية رفضت التجاوب مع تلك القيم مضاف اليها قضايا ذات صلة بالشورى وانتخاب الوالى علاوة على تمادي حكام النظام فى الفساد حتى انهم شهروا كأفسد حكام الارض، وفق تعبيره.

ومن مسببات الخلاف ايضا حسب ما ورد في خطاب الترابى تراجع النظام على واجبات قبول اللاجئ المستأمن والدفاع عن قضايا المسلمين وأضاف " كان واجباً روعي لأول الأمر ولكن هؤلاء انقلبوا عليه وأسلموا اللاجئين الإسلاميين لمن قتلهم مباشرة وطردوا غالب الآخرين ." وذلك في اشارة منه إلى طرد أسامة بن لادن وغيره من الجماعات الاسلامية المتطرفة التي كان النظام يأويها. كما أوى السودان خلال التسعينات غالب قادة الحركات الاسلامية على رأسهم زعيم حركة النهضة التونسية راشد الغنوشى ومنحه الترابى وقتها جواز سفر سودانى .

واعتبر الغونشي حصوله على الجواز الدبلوماسي السوداني امرا يفخر به على مر التاريخ وقال انه لاينسى استقبال السودان له في اوقات الشدة والمنافي و وصف الغنوشى فى كلمته امس امام المؤتمرين السودان بأنه بلد الثورات والشرارات الاولى لرفض الظلم بعد خروجه فى ثورتي اكتوبر وابريل وطالب الغنوشي القيادات الاسلامية السودانية بالتكاتف والوحدة من اجل مواجهة التحديات.

وقطع الترابى بأنه خرج مما اسماه بغى السلطان حتى لا يكون النموذج الإسلامي في الحكم جبروتاً عسكرياً فاسداً خواناً للعهود بطرد اللاجئين المسلمين ويسكت عن القضايا الإسلامية...

وأضاف "خرجت قيادات عليا من الحركة الإسلامية هي المعروفة في العالم من حصار المؤتمر الوطني ليتمايز مثال الإسلام عن النظام.."

منوها الى محاولات حركات إسلامية من خارج السودان للصلح والاستقامة بين من هم في السجن ومن هم في السلطان لكنها "أخفقت، وظلت السجون والاضطهادات السياسة متوالية على كل المعارضة خاصة الحركة الإسلامية الأصل وأشبعوا قياداتها سجناً وصحفها إيقافاً وتنظيمها ودعوتها كبتاً إلى اليوم."

وكانت الحركة الاسلامية قد وجهت الدعوة لزعيم حزب المؤتمر الشعبي إلا ان الحزب اعلن لرفضه المشاركة في مؤتمر الحركة الاسلامية.

وقال الترابي في خطابه انه يتبرأ من "هذا المشروع المدّعى أنه للحركة الإسلامية بالسودان، وإننا لا نعرف لها علماً وهدى فكرياً ولا خلقاً ولا سياسة مما ينسب حقاً إلى الإسلام."

[عارف عبد الرحمن]

نحن زاتو بنتبرأ منوأنو بني آدم .. ترابي مين يا عم .. بلا خم بلا لخمة .. الراجل ما عزموهو عشان كده مسكين بقي مهمش .. التسوي كريت في القرض تلقي في جلدا.. قالوا علي صحيح جربان وانتوا سبب جربي يا خلان .. قال أتبرأ قال .. عاد كيف ما بتبرأ عشان البلد حقتك وضيعة ملك خاص .. وانت ابو الفهامة والدين حقك براك .. كنت داير تجي تصنقر وتكشر بهبالة وتعمل فيها زول زيك مافي تستاهل يا غبي أفندي

قالوا يا ابو عبدالرحمن

كلام منقول علي زمة الحضور


الجماعة جوا للشيخ في البيت

سالوهوا : يا شيخنا الجماعة ما عزموك

قال : ديل يهود وعلمانين وشيوعين

واشار اليهم بالجلوس

فهتف الحضور : هي لله هي لله لا للدنيا ولا للجاه

وامر باحضار الغذاء والمطايب

واطلق ابتسامتة المعهودة

[عبده مصطفي إبراهيم]

غايتو إذا الترابي قال عن الحركة الإسلامية في السودان كدا " لا نعرف لها علماً وهدى فكرياً ولا خلقاً ولا سياسة مما ينسب حقاً إلى الإسلام".
يكون أول مرة أتفق معه.... بالرغم إنه هو من علمهم السحر
ولا أعرف هل الله هداهو هو وشافهم غلط.... ولا فعلا مزقو المبادئ والافكار والاخلاق وإتو بالشي الحاصل دا
مؤتمر الحركة الإسلامية ... الذي لا يعترف بغلطاته..وإخفاقات النموزج السوداني.... فهو لا مؤتمر ولا حركة ولا علاقة له بالإسلام خاصة إذا غض الطرف عن
ما يحدث من إبادات جماعية..... لمسلمي دارفور وكردفان...
وغض الطرف عن القروض الربوية ...التي أهلكت السودان
وغض الطرف عن ..وعن...وعن
النيل من الترابي... لا يعني إن غيره كويس... فكلهم... من طينة لم ولن تفيد الإسلام شي...

تحية للمشاركين في الموضوع رغم اختلافى معهم لكن لا يعنى أن مداخلاتهم منتهية الصلاحية.....؟
مؤتمر الحركة الاسلامية رغم عدم متابعتى له بالصورة المطلوبة لظروف الشغل لكن لكن هوحشد من المؤتمر لشد الوجه ونيل الرضا من الشعب السودانى الذى مزقه الفقر والحرب والمرض (ثالوث الهلاك)
كيف ينعقد مؤتمر يسمى مؤتمر الحركة الاسلامية في الخرطوم في ظل غياب الحركة الاسلامية ........؟
لايوجد في المؤتمر الوطنى من هو متحرك اصلا ؟ ناهيك عن حركة كاملة والشاهد على ذلك الامين العام المختار ؟
الموتمر الشعبى هو الذى يقود الحركة الاسلامية في السودان والشعب السودانى والسواد الاعظم منه مع القيادة الحكيمة حسن عبدالله الترابى ويتراضى على ذلك ؟
موضوع الدعوة اثير بعد ان طلبت القيادات الاسلامية مقابلته لعلمها ان الحركة والصحوة معه ؟
كلام ياسر عن الشيخ مجافى للحقيقة ولا يوجد سند في اطار الكراهية فقط؟
اما عارف عودنا الخروج من النص وكلاموا شبة طبيعى بالنسبة لى ؟
عبدو معيار الجودة في الحركة الاسلامية مواقف ومبادى ؟
بجيكم ....تانى؟

صدقني يا ابراهيم

لا هلال ولا مريخ نافع ولا سوف ياتي لنا بكاس في يوم من الايام في ظل العقلية والفهم بتاع اللاعبين الموجودين الان .

لا وطني ولا شعبي ولا امة ولا اتحادي والبقية معاهم - سوف ياتونا بجديد ويحكمونا حكم رشيد كل شي في السودان امنيات في ظل الفهم السائد الان والسادة المتحكرين في الكراسي والزعامات الحزبية الاخري مالم نتحرر من كل الاوهام الحزبية ونلتجي لله اولا ثم نري اين مصلحتنا ومن يحققها لنا سوف لن ينعدل الحال ونظل ندور في حلقة مفرقة .

شوتا خارج المرمي

شوف لينا كرت زيارة النجي نشوم هواء معاكم

[عارف عبد الرحمن]

قلت لي عمك جاب الأكل واطلق تلك الابتسامة البلهاء .. هاءهاءهاء هاء .. دا صدي التكشيرة .. لكن ضحكتني .. يا ابراهيم .. ياعم بلا لمة ترابي مين الماسوني القمئ .. ترضي ان رضيت وان لم ترضي انت حر .. دافع عنه كما شئت دا أمر يخصك .. بس برضو لينا رأي وبالاسلوب البعجبنا .. اخد راحتك تب واسهب في الحديث وزيد الشعر بيتين وتغزل ما شاء لك الهوي ما بقول ليك غلطان .. تلك رؤاك وتفكير ينسجم معك .. بس سيبك من الكلمات المطوطحه اللزجة .. انا ياخي حر اكتب عن كل فرد بلغته التي يفهمها .. الترابي ليست هناك حروف نتنه معفنه عشان اختار اقذرها واقذفه في ام رأسه .. كده كراهية ساكت .. شنو ليك تقدر تغير حاجة وتخلينا نحب الترابي ؟؟؟ هات من عندك وخلينا نشوف بضاعتكم امكن نلقي لينا خانة معاكم في حب سي الترابي .. قلت لي ضريو الغداء وحلو بالتكشيرة .. دي نفس شنو دي !!!!!!!