|
|
06-26-2011, 11:42 AM | #1 | ||||||||||||
مشرف المنتديات الأدبية
|
حليــــــــل ايام زمـان
حيل ايام زمـان وكت الزمن زين وحليل ايام زمان والناس حنينين ايام نحن دابنا صغـــــــار بطينين شايلين النبل فوق طيرنا جــارين كنا لا بنعرف جروره و لا سداد دين و لا بنعرف عشــــانا يجيبو من وين الريال واب خمسي واب قرشين حليلن عليهن نبكي والدمعات يسيلن قبيل كانن يقدلن فوق عديلن مع التعريفي و المليني جيلن قبيل ليهن حساب و الشوره هيلن مبروكات و ربي مقوي حيلن يمشن في ملقة العيش يكيلن يجيبن تور و بقرة و بي عجيلن
|
||||||||||||
06-26-2011, 02:48 PM | #2 | ||||||||||
|
أنت ياعبدالمنعم الزمن داك كنت حاضرو ..؟ تارنك عجوز كده ولابد ساي .. الصلعة دي تارنها ما ساكت .. صلعة معتقة وقديييييييمة دفعة حسن بابكر الله يرحمه
|
||||||||||
06-26-2011, 05:28 PM | #3 | |||||||||||||
مشرف المنتديات الأدبية
|
Quote:
أسكت ساي كنت حاضرو وبس علي اليمين كنت بشيل ريال من الصباح وأمشي السوق أشتري اللحم والخضار 100 قرن بامية بي قرش والطماطم شرّاكة كل نفرين في صندوق- قبل الصفيحة-وكل مكونات القفة وأرجع بالباقي ههههههه مبروكات و ربي مقوي حيلن
|
|||||||||||||
06-26-2011, 05:30 PM | #4 | ||||||||
زائر
|
التحية للاخ عبد المنعم وكذا جميله بوحيرد وشكلنا حا نتعلم كسرة الشوايقه وللعلم يا عبد المنعم زوجتي شايقية يا اخونا عارف خلي الطابق مستور انا دفعة عبد المنعم وانت مش كنت بتنهرنا وتنزلنا من الكراسي في النادي عشان نقعد في الواطة والله مش كده يا عوض خضر |
||||||||
06-27-2011, 08:05 AM | #5 | ||||||||||
|
كده يا استاذنا .. طبعاً أنت ومنعم ما صغاااااااار وجهال .. البيجبكم جنبنا شنو ؟ أنتو اولاد متين .. ما ياهو دا القاصدو يا أبو صلعة من زمن محمد ود عبدالرحمن .. الله اديك العافية وتدافع عن المصلعين أقصد المظلومين . لك التحية
|
||||||||||
06-27-2011, 10:08 AM | #6 | ||||||
زائر
|
الزمن الجميل
فيالزمن الجاي صعيب وحنين فيالخرطوم اذا نامت عليك عيون عيون الحق مابتنوم .... ياحليل زمان وسنين زمان ياحاجة لو تزكري ييا حليل زمان ... كانت جميلة بين السوق والطاحونة والشريك لى الطير جميلة والحمام فى الكنار جنب المحطة والقطار ماري كان حلماً جميلاً ياليتهو يعود من جديد |
||||||
07-06-2011, 04:01 PM | #7 | ||||||||
|
والله يااخونا الطيب عراف دا كان بخوفنا خوف في الميدان كان يحدر لينا سبب بلاسبب بس شايفنا شفع صغار |
||||||||
|
|
|