|
|
03-13-2012, 03:21 PM
|
#21 | ||||||
|
زائر
|
بسم الله الرحمن الرحيم الليلة قمت بدري وشفت ليك وشي في المرايا لقيت وشي مخطوف وعيوني صغار يا ربي دي مكتب شنو ما لي ما ل الحالة دي كنت مرتاحة النهار كلو ماسكة الرموت من قناة لي قناة كان كدي ابو محمد بعملها بالجد كدي النقوم اشوف لي حل وبي وشي مشيت المكتب ولقيت ليك الدنيا التقول الناس نايمة في المكتب يا ربي الحل شنو دايرة لي راحة انشاءالله يومين , الوضع داير مكرفون , ياناس معليش المكتب فيو صيانة شوية , وما في فائدة , يا ناس الكمبيوتر فيو عطل , ولا فائدة , يا ناس انتو قفلتو الشارع ودى الشارع الرئيسي , وما في فائدة , يا رب الهمني الحل وجاتني فكرة وقلت استغل ثقافة الثورات وقلت ليهم هو سؤال واحد لي الحكومة صدقت لي علي المكتب بي سرعة ؟ انتو عارفين دايرة تشغلنا كدي قوموا اي واحد اشيل ليو خشبة ولا كرتونة ويكتب عليها أ رحل .. أ رحل ..أ رحل , كلامي دي دخل بى جاي مرق بي جاي اجي.. اجي سجمي شربكت شنو دي وجات الفكرة وقمت غيرت ليك اللوحة وكتبت عليها مكتب ام محمد صغيرة, لجمع متوسطة, والتبرعات كبيرة شديد كان في الحصاحيصا تشوفها وبين قوسين للمستشفى وفصل الكمبيوتر وعينكم ما تشوف الا النور ولا واحد في دقيقة الساحة فاضية. |
||||||
|
|
03-14-2012, 04:00 PM
|
#22 | ||||||||||
|
الحمد لله الجات منك والبركه في محمد وبما انو المكتب حا يكون في اجازه العموله الوصلتك من العبد لله وابو محمد عاوزنك تحوليها لي حساب مستشفي فطيس عشان المكتب يكون شغال برضو وقروشنا ما تقع واطه وبعدين الله كريم و شكر الله سعيكم والواحد يقوم يرجع تاني للبنسلين بتاعو يا تمرجي وعقب كان حييين بنتلاقي في مكتب تاني
|
||||||||||
|
|
|
03-15-2012, 08:19 AM
|
#23 | ||||||
|
زائر
|
المكتب في اجازة وانشاءالله يفتح في اقرب وقت بس خلي عينك علي شاشة منتدي فطيس وبس طبعا المكاتب موجودة لكن لا جانب مصريين وبكرة لما الواحد يمشي لمكتب المصري كان المصري قال ليك عندك ألم لا تعرف تقول عندي مقص ولا عندي قلم ......... خليك على المحلي احسن........ هاك دي يا د: هيثم بعد تعليق اللوحة والجماعة فص ملح وداب , التقول اتبخروا عديل اقوم اشوف ليك شئ ابيض واقف بعيد جنب عمود الكهرباء طرف السوق قمت مشيت ليك عليو تنقش .. تنقش .. تنقش وصلت العمود اشوف ليك د: هيثم واقف ولابس ابيض في ابيض وشايل ليك السماعة والمهم شايل الشنطة , طبعا بعد المكتب دي ام محمد بقت انسانة مادية جدا , العين في الشنطة بس , والسبب سمعت الزول دا قال داير اتبرع , قمت سلمت عليو , رد التحية با حسن منها اها يادكتور واقف هنا في حاجة وانا همي كلو في الشنطة ....... د : هيثم انتو المستشفى بي وين ؟ نعم .. نعم .. نعم د: هيثم أنا قلت ليك المستشفى بى وووين ؟ أجي أجي ماشاءالله المستشفى يمينك طواالي شايف حلاوة قطن ديك ؟ د: هيثم شايف خلاص امش عديل كل ما تقرب حلاوة قطن تبقى حلاوة حلي د: هيثم جزاءكم الله خير الجزاء ام محمد : أجي بس كدة وأنت ذي القلتو دا مع السلامة. |
||||||
|
|
|
03-16-2012, 07:55 AM
|
#24 | ||||||||
|
زائر
|
ام محمد لك التحيه وانت تمتطين صهوة يراعك بمواضيع شتئ متعدد المزاجات جاده وهزليه متلمسه مواضيع اجتماعية وسياسيه احيانا مقوله (المراه شريك في ثلاث - الضره الاولي والضره الثانيه والضره الثالثه ) عندي سكرتيره من الجماعه القرب يفوتهم القطر حاولت معاي كتير ولقتني ضارب طناش قامت سمعت بمكتبك ده ادتني صوره وسيره زاتيه ورقم تلفون وايميل وطلبت مني اوصلهم ليك وعايزه صوره وتلفون وايميل من ابو محمد وعلي عجل الغيره يا ام محمد ما تشيلك لو سمحتي بسرعة رسلي المطلوب |
||||||||
|
|
|
03-16-2012, 01:21 PM
|
#25 | ||||||||||
|
ام محمد جمعه مباركه ومقبوله ان شاء الله عاوز اتم ليك القصه لما مشيت منك وخليتك واقفه جنب العمود اياهو وتوجهت تلقاء المستشفي من حلاوه حلي لي حلاوه قطن من حلاوه حلي لي حلاوه قطن ومرات بتتقلب حلاوه مولد المهم وصلت المستشفي اول حاجه لقيت لي مكتب قلت يكون دا الدكتور لقيت ليك مكتوب عليهو مكتب ام محمد لخدمات الزواج تاني زواج المره دي ما عندها شغله غير الزواج لاحقانا في المستشفي برضو قمت عاينت كويس لقيتها العلاج مش الزواج قلت الحمد لله تطور ملحوظ والمكتب دا اكيد حا اكون شريك اصيل فيهو لكن برضو حا يفشل ماديا لانو اي واحد بجي عيان اكيد حانشوفو مجان ولدواء مجان برضو بس نشوف حق الزول البينضف وربنا يتقبل والليييييييييييلا الدكاتره خلاص اتخارجو شوفي ليك طريقه مع المحامين تحيه ليك استازي الطيب المحامي
|
||||||||||
|
|
|
03-16-2012, 02:13 PM
|
#26 | ||||||
|
زائر
|
الأخ : الطيب لك التحية اولا سكرتيرتك دي لو حاولت معاك ولا حاولت معاها كلو واحد أنا في حوجة للبايركس في 12 حسب كلام د: هيثم وانت عندك واحدة بقوا 13 ديل عندي فيهن رأي , ديل انشاءالله للاعضاء المتكييين فوق . اما انت فهاك دي في واحدة خريجة يعني مناسبة من فطيس , بس عندها عيب واحد البنت دي من اول يوم في الجامعة بتقول أنا من مدني واي زول ادخل معاها في نقاش تقول انا ما عندي وقت لي اسألتهم فطيس دي وين وجنب وين , واسمها فطيس دي معناه شنو ما فيها اي كلام الا دا , وكان انت ما شايفو عيب نقول مبروك . اما ابو محمد خليو اصلو هو مع الاعضاء المكوعين فوق , وانا قلت ليو ضيعت عليك فرصة , لان الفُرص ما بتجي الا مرة واحدة في المنتدي |
||||||
|
|
|
03-16-2012, 05:46 PM
|
#27 | ||||||||
|
زائر
|
اما ابو محمد خليو اصلو هو مع الاعضاء المكوعين فوق , وانا قلت ليو ضيعت عليك فرصة , لان الفُرص ما بتجي الا مرة واحدة في المنتدي ام محمد الرد الذكي ده ما علي انا لو سمحتي سريع الصوره والاميل والتلفون بعدين الخريجة ده اذا كان بتنكر بلده بعدين حاتنكرني انا زاتي اما السكرتير بتاعتي ده اشعلقت وحلفت ما تانزل من مكتبك ده الا بالعريس الختتو في راسه |
||||||||
|
|
|
03-16-2012, 07:05 PM
|
#28 | ||||||
|
زائر
|
الاخ الطيب ابو محمد قال بعد الشافو في العالم بره ما اظن تاني يرضي بي ناس قرعتي راحت ديل أقل حاجة كان فكر في الموضوع مضيفة في الطيران التركي . اما انت والله كنت عارفة العرض ما بعجبك يعني ما بتجي من ام درمان رجعة خلف صعبة , وانا كنت جاهزة بالعرض التاني عروس مغتربة ( من ناس الشهادة العربية) بس عندها شروط . 1/ شغالة 2/ بيت لحالها ( ام محمد والبنات في بيت تاني) 3/ توب سوداني مافي 4/ اهل العوض تستقبلهم بره . في حاجات تانية لكن الاربع ديل لا تنازل |
||||||
|
|
|
03-16-2012, 07:18 PM
|
#29 | ||||||||
|
زائر
|
ام محمد بطريقتك ده حق الايجار ما حا تقدري تدفعه للمكتب بتاعك ده عروضك يا اقصي الشمال او اقصي اليمين لو كانت صاحبة العرض ده شهادة عربيه من تنمبول فمرحب لكن ناسك ديل ذي انصاف المتعلمين لا لاحقين فوق ولا قادرين يتكيفوا مع التحت عموما لدينا عروض كتيره من الجنسين سوف نمدك بيهم وابقي عشره عليهم السكرتير ده عرفتي تتفشيها من ابو محمد لكن قطع شك بلقليه مقاسوا لكن من خلال مكتب تاني مو مكتبك والسلام وابقي عشره |
||||||||
|
|
|
03-16-2012, 08:58 PM
|
#30 | ||||||||
|
زائر
|
سلام ام محمد طبعا كنت اتابع الموضع لانو في واحد من الاعضاء حاول يدردقني علي المكتب بس ما اديتو فرصة لكن داير ارعرف هو قدم طلب هناي عرفتيهو مش كدا |
||||||||
|
|
 |
|
|
 |
 |
 |
Linear Mode
