نادي فطيس الماضي المشرق.... الحاضر المظلم.. و المستقبل المرجوء

[بشير محمد ابراهيم]

كانت الاندية تمثل الحراك الانساني من مختلف اوجهه. كان نادي فطيس احد المؤسسات الثقافية و الاجتماعية والرياضية المتفردة في حقبة السبعينيات والثمانينيات, نشانا وترعرعنا في كنف هزة المؤسسة العظيمة, اهتممنا فيه واهتم فينا, كان منارة في القرية لكل ضال عن صديق, كان متنفس للصبا يزخر بكل المناشط الرياضية و يعج باجتماعياتة و دوراته الثقافية من ندوات ومهرجانات ونشاطات اخري تسحر زوار القرية وكانوا يبدون اعجابهم علي الملا و الخاص.
نادي فطيس الزي عاصرته وعمرته اجيال واجيال, ما هو دوره الان؟ قد يجيبني احدكم بان فيه الديجتال و( هندي وللا نرجع)....وجب القول ان حاضره غامق اللون لزلك اعزائى الكرام وجب علينا تفعيل هزه المؤسسة لكي تعود ناشطا تربويا و توعويا بما تحمله هتين الكلمتين من ثقافي اجتماعي و رياضي.

[احمد البدوي]

اي البشائر انت يا بشير عشان نعرف نتعاطى معاك

[عبده مصطفي إبراهيم]

لا إختلاف ان هم حاضر النادي......يحمله الكثيرون......ولكن الأغلبية بالخارج....والموجودون غلب عليهم الأمر

فثقافة التغير عندهم إنذوت جانبا.......أو بالأحر......أقتيلت......بفعل فاعل
فلك التحية اخ بشير
ونتمني أن يكون هنا الإنطلاقة لإحياء ذلك الصرح بمقوماتة الثقافية والإجتماعية التي
لا تعترف بالفلم الهندي جزء من التطور

[ودالشايب]

اتمني وهدا اقتراح ان يربط النادي بالشبكه العنكبوتيه هل تعلمو ان النادي حتي الان لايوجدبه جهاز كمبيوتر

[عارف عبد الرحمن]

أولا لن أطيل في الحديث عن الماضي .. لان بالتأكيد الكل عايش الفترة المشرقة والمزدهرة والمتطورة التي شهدها ذلك الصرح .. والكل ساهم في ذلك دون أستثناء .. ولن ترجع تلك الفترة فذاك مستحيل بل المحال عينه ..
أما الحاضر فحدث ولا حرج النادي باي باي .. أنتهي .. راح شمار في مرقة .. أنا كنت العام السابق في السودان .. وشفت بعيني وما كلمني زول ,أسم نادي بس ,والله لولا وجود سلام وجبار وصلاح علي .. لدخلت غريب وخرجت غريب .غريب اللسان وحتي الوجدان .. ما نادي برقان ؟؟؟؟؟؟؟؟من وين جات الناس دي ؟؟ مافي زول من الحلة موجود في النادي .. مجموعة شباب ماعارفو جا من وين مسيطرين علي النادي .. تلفزيونات تعبانة وطول الخط أغاني الكليبات ..والفاظ بزيئة وأشكال كيف ماعارف كأنهم عصابات .. وطرابيز المناشط ولا واحد من البلد مافي .. كأنوا البلدعدمت ناسا..الشجر انتهي .. النادي غرفو مهملة .. غرفة السكرتارية رغم المبني الجديد من الاساس الي السقف متصدعة أما باقي المبني مهمل الصالات وخلف الشبابيك براز وبول .. الباب الخارجي بتاع الحوش مفتوح علي طول .. وستات الشاي وبتاعين الكوارو داخلين خارجين عادي ... والكل أعاين والأمر لا يعنيه من قريب أو من بعيد .. سلام وجبار طرحروا علي الكبار أنهم أجوا النادي بدون أشتراك وأواصلوا نشاطهم عسي أن يكون وجودهم دافع لحضور الناس وأوري أنو دا نادي فطيس وأكون في النادي شيئا من شكلو القديم .. ولكن لاحياة لمن تنادي .
شباب الحلة ما يهمهم النادي ومايجري في النادي كل واحد جالس في بيته وتركوا النادي يعيث فيه الغثاء ما شاء لهم ..وعلاقتهم مع النادي فقط اذا في كورة مشفرة .. تلقي كميات من البشر لاتصدق انو ديل كانوا موجودين في الحلة.... وميدان كرة القدم مثل النادي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
ودا واقع مامتوقع معاه مستقبل يعيد ولو جزء من تاريخ النادي وصورته الزاهية التي كانت بالأمس .. ولو قدر ورجع 8%فقط من أمسه الرائعة لكان ذلك أنجاز وأنجاز كبير .. أنا ما متشائم .. لكن دا الواقع .. وربنا أكذب الشينة ..وأرجع النادي خرابة ومبولة سوق زي زمان .. أتمني صادقا أن لايكون ذلك وربنا أقدر سلام ,,,
لو البلد فيها شباب قدر المسئولية .. شبا ب متفتح يعرف رسالته جيدا .. ممكن تكون هناك برامج تنهض بالبلد عامة .. مش شغل مناسبات يا أخونا محمد مختار ...فلابد من نظرة ورؤي جديدة والاستفادة من الطاقات والحيوية وتفجيرها في مايفيد البلد .. والله أطري بالخيرأخوانا محمد الخليل ونجم الدين موسي وبقية عقدهم الرائع الذين قاموا بتشجير شوارع الحلة والأشراف عليها وبالنظافة .. وبالمناسبة أخونا نجم الدين وين بالله لو واحد عارف مكانو أوريني ليهو ... اتمني أخي عوض أكون أفدت ولو بالقليل ... عشان ماتظن أني عامل نايم ومتجاهل..........

[عبدالمنعم]

Originally Posted by عارف عبد الرحمن

وبالمناسبة أخونا نجم الدين وين بالله لو واحد عارف مكانو أوريني ليهو ... اتمني أخي عوض أكون أفدت ولو بالقليل ... عشان ماتظن أني عامل نايم ومتجاهل..........

1. الأخ عارف أمشي قوقل واكتب (نجم الدين موسى عبدالكريم) بس وشوف النتائج ... مع شكري

[عوض خضر]

حبيبنا عارف والله هذا الكلام المنتظرنو منك ولمعرفتنا الوثيقه بمدي ارتباطك بالنادي نريد سرد ولو موجز لماضي النادي لجانه فترات توقفه عودة الحياه للنادي الانجازات والاخفاقات وانا اتكلم عن الماضي البعيد الذي لانعرف عنه الكثير