اشتات زكريات عشوئية (1)

[كمال الخليفة]

السلام عليكم اهلنا ناس فطيس
في راسي كلام كتير وما مرتب لكن أود اشارككم به ولاني ما مواكب للاحداث قد امر بعزيز رحل عن دنيانا دون الترحم عليه فامل ان اعذر في ذلك ، البداية لأول من عملني حروف الضاد استاذي / عمر العوض وقديما قيل من علمني حرفا صرت له عبدا فالتحية له اين ما كان ، الغريبة درسني بتنوب ، والله الكلام المرتب كده ما بخلي الزول يفض حاجة عشان كده ح اتحرك عشوائ ، التحية لاسرة محمد الحسن نصر واسرة جبريل ومساعد واسرة فتح الرحمن وادم هارون ولاحقا ناس اسحاق فلقد كانوا نعم الجيرة والاهل ، من زكريتنا في فطيس كان الشكل بيكون بعد النتائج ومن حسن حظي بستلم النتيجة بدري ( الخمسة الاوائل ) ونكب الجاز ونمر بالسوق يدكان محمد صالح يدونا الحلاوة والبلح ، وعلي ذكر السوق اذكر دكان حدباي وود النضيف وقهوة العزيب طبعا محمد العزيب كان حارس احسن من المعز ووحيد احسن من كرومي وعلي ذكر الكورة لا انسي ادم باك الحكومة وعمر سعيد الفنان الذي له طريقة متفردة في تسديد ركلات الجزاء والفنان دفع الله مصطفي ما تقول لي وارغو ولا سادومبا كان لعيب بحق وعبد الملك جناح ولا احلي .
فطيس انذاك كان بها حراك كبير فتم تاسيس النادي وكانت في قلب المنافسات الرياضية طبعا ح ينط لي واحد ويقول لي انت من زمن تاسيس النادي بقول ليه بالنسبة لنا بدانا التعرف علي النادي بعد جابوا التلفزيون وكان الدخول بقرشين وكانت حكاية المسلسلات دي في القمة مسلسل فارس ونجود والرجل الخارق ، ولن انسي معسكر الشباب الذي شيد المدرسة الثانوية ، والله كان مستوى الفهم لديهم عالي لابعد الحدود ، كان العالم صغيرا والسفر الا للضرورة لذلك كانت رحلاتنا في الاعياد مع السادة الختمية للخرطوم حدث بارزوهام ، وعلي ذكر الختمية لا انسي ضارب النوبة السر وزميلي شفيفه يوسف ، وعلي ذكر السفر كان بص الفنقلن المرسيدس حكاية وسائقه حسن بابكر وكان لا ينزع العمامة وكان لغزا .
لا انسي ان اذكر صديقي الطيب حسين ووالده عمنا حسين والحاجة مكة والذين كانوا يحتفون بنا عند ذهابنا لمنزلهم فلهم التحية مثنى وثلاث ورباع وربنا يرحمهم ويدبهم طولة العمر ان كانو احياء.
طبعا السن ليها حكمها لذا امل من اولاد الدفعة والمعاصرين انعاش الذاكرة
على امل ان نلتقي طبعا لسع في محطات كتيرة واسماء لها ايقاع ونواصل