إعادة تأهيل مكتب فطيس لأسباب مجهولة

بسم الله الرحمن الرحيم عرفنا كلنا مكتب فطيس وكم منا إنتظر صرف المرتب "الفردي" وكم عشق الأشجار وطاف بها كما الزرزور وكم منا مني نفسة بمقيلة نص النهار في أشجار الصراية الظليله وكم منا إستكانت نفسة عصرا إلي غروب الشمس والكل يذكر مكتب فطيس بكل النواحي الجميله واسرة شادول تلك التي ظلت طويلا وعمنا أحمد الشهير بالفجيجة مازال رغم الجفاف الذي أصاب المكتب كان عازما علي الإقامه فية
في السنون الأخيرة تدهورت حالة المكتب وتعرض للسلب والنهب وحوادث الزمان ولكن فأجاتنا الحكومة بقرار من نافع علي نافع بصيانة المكتب وتعين مفتش وإعادة تأهيل المكتب ولكن لية والسبب شنو مامعروف_____
تحياتي ولي عودة

[عبده مصطفي إبراهيم]

دا خبر جديد لنج.... ونافع علي نافع زاتو ... أمر بذلك
ومكتب فطيس بس ...أم كل المكاتب
حكاية تعين مفتش دي ... دايرة ليها وقفة.... لانو لا توجد إدارة للمشروع
ويفتش شنو.... وبأي حق إذا كان المزراع بيزرع الداير يزرعو وبطريقتو البطريحو
وفي الزمن المناسب ليهو
ذمن المفتش إنتهي.... إلا يكون داير يفتش جيوب الناس

ومنتظرنك تجيبي الخبر الأكيد

يقال وعد الحر دين علية .عند آخر إنتخابات لسوداننا كنا نقرأ قائمة نوايا المرشحين وكأن جلهم يحلم بإعادة مشروع الجزيرة وقد كان وعد السيد عمر البشير في ذلك شبة الحلم لإعتقادي أن المشروع الله يرحمو ولكن هاهو ذا يفأجينا ويبدأ بإعادة إنعاش جميع مكاتب المشروع في إطار إعادة هيكلتو واعدا بإعادة السكة حديد بس دي قوية شديد لأن كل الصلب بتاع السكة قد سرق سرق ...... وحيتم تعين مفتش يعني يامزارع إنت أتلم علي كيفك هي؟ يعني ياحلمان علي كيفي أنا ماعلي كيفك . أها معناها حتعود بس حيعود الوطن كما كان حنشوف
‏______
جاياكم راجعة تاااااااني تحياتي