جنينا رسمي وشعبي

بسم الله الرحمن الرحيم

ونحنا صغار بسمع اهلنا الكبار , بقولوا المرة بعد تتزوج وتلد بتجن والجن دا بسبب الاولاد وبقولوا للواحدة كان ما ولدت لسة ما جنيتي

وانا عندي قناعة تامة بكلام اهلنا الكبار ديل مابقولوا كلام ساكت ..

في دراسة دنمركية جديدة اكدت الكلام دا وعملت دراسة على 366 الف امراة اجهضن او انجبن بين عامين 1995 الي 2007 معدلات اللواتي انجبن

طلبن استشارات نفسية اكتر ممن اجهضن .

واشار الاطباء الذين نشروا دراستهم الطبية الي ان المشاكل الاكثر رواجا بين المجموعتين كانت القلق , والاجهاد الحاد والاكتئاب ..

وذكر ان الامهات الجديدات يواجهن خطرا متزايدا لمشاكل عقلية .

ويقول الخبراء ان التغير في معدلات الهرمونات ونقص النوم , وامور اخري مرتبطة بالا نجاب قد تثير مشاكل عقلية لدى الامهات .

الكلام داراسة غربية معتمدة رسمية في جا معة ارهورس الدنمركية يعني جنينا رسمي وشعبي

اعملوا حسابكم بعد دا كان قتلنا عديل بنطلع براءة

.

هو المابجنن شنو

بقت في الوليدات بس

وحات المطرة الشايلة دي

بقينا نتكلم بلا شغلة

ونشاكل بلا شغلة

ولو جيتي للحق

جنينا جن كلكي

بس فاقدين الربيط

السلام عليكم
لكِ التحية أم محمد
موضوع جميل لكن في اعتقادي أنه لا يمسنا نحن كمسلمين بصلة
وهذا كلام منافي تماما لما جاءت به ديننا ،،،
أولا : ذكرت أن الدراسة هي دراسة " دنماركية " دي براها تحتها خطين .
ثانياً :
لو في كلام ذي ده معناه قصاد كل بيت دايرن "مستشفي التيجاني الماحي " هههههه
للناس الما عارفين "التجاني الماحي " دي مستشفي أمراض نفسية

وعليكم السلام منذر مصطفي ومشكور

الناس ديل ما قصروا عملوا دراسة وديل ارقامهم بس نحنا كان عملنها , اكيد شئ عجيب

وبعدين الناس ديل بتمشي عيادات نفسية وتكشف بس نحنا كدي الناس تجرب تمشي المستشفي

وشوف كان اجي زول راجع ...

سلام
أم محمد، منذر،ياسر
والله الموضوع ده مابين الميثولوجيا الشعبية وعلم النفس التجريبي والإحصاءات العلمية محتاج فعلاً تدقيق وإعادة نظر
ثم انو موضوع مسلمين ده أنا ما معاك فيهو لانو التقليد الديني ده ما بيعصمنا،، ولا بيبقي سياج حامي ضد الامراض نفسية أو جسدية
وارجو انو الموضوع ده يكون بذرة لإستفاضة بشكل أعمق