Go Back   منتديات قرية فطيس > الأقــســــام الــعـــامــة > منتدى الحوار العام

Reply
 
Thread Tools Display Modes
Old 06-30-2013, 07:10 AM   #1
 
محمد ابراهيم احمد ابراهيم
مشرف قسم العلوم والتكنلوجيا

تاريخ التسجيل: Mar 2010
رقم العضوية : 34
المشاركات : 1,108
بمعدل : 0.22



محمد ابراهيم احمد ابراهيم is offline
Default رايكم شنو

الجمعه الفائته كنت حاضر التنوير بعد صلاه الجمعه بفطيس حيث تحدث بعضهم عن تقليل التكاليف والمنصرفات فى بيوت العزاء وبصراحه هذا الموضوع حديث الساعه بفطيس وكان هناك راى ان يكون الاكل فته عدس وشوربه وإرز، نسباً للظروف الصعب التى لا تغيب عنكم وتانى حاجه حركه اعمدة الاكل اختفت بقو ناس معينين بجيبوها وقال حسن شيخ الحله ناس ام دونه والمربيعه وتنوب ......... الخ ديل ما ضيوف اما الناس الضيوف البجو من بره يعنى ناس الخرطوم ....... الخ ديل نعمل ليهم اكل خاص، وانتو عارفين حسى البكيات بقت تكلف ممكن 18 مليون واكثر قليل لماذا هذا يعنى( ميته وخراب ديار)
ايضاً تحدث قاسم الشيخ الزين والاستاذ عبد الله ود جده والاستاذ عبد الماجد وقالو خلاص الجمعه الجايه نجى ونشوف راى الناس شنو ....
تخريمه
والله لو شفتو الاكل ولا عرس شى محشى ولحم وبطاطيس وطعميه وحاجات وحاجات وكمان ما باقى الا الحلو( ارجو الحلو) والحفله بس الناقصه.
ماهذا الذى يحصل والله حسى لو قلنا دايرين نعمل مشروع فى فطيس ينقصنا الماااااال
(إن الله لا يغير ما بقوم حتى يغيروا ما بأنفسهم )
........... صدق الله العظيم......................




رايكـــــم شنو

  Reply With Quote
Old 06-30-2013, 09:09 AM   #2
 
عمار محمد حسن الامير
زائر

رقم العضوية :
المشاركات : n/a
بمعدل : 0



Default

التحية لك الاخ محمد والله سبقتني علي الموضوع الذي اثار ضجه في الجامع وفعلا الوضع صعب وانا شايف (في ناس بتطفئ نارا عديل ) وعندي كم اقتراح كده
- ممكن الناس تشارك بالمال زي ما قالو في الجامع (تكون حاجه بقيمة عمود الاكل لا اقل )
- استمرار عمود الاكل (في حالة ناس العزاء استلمو العمود ويتم تقديمو في صواني عشان ما اتبشتن ساي )
- الناس تقيف مع ناس العزاء فى اكرام الضيوف وتمشي تاكل في بيوته وتشارك بما تستطيع من مال

  Reply With Quote
Old 06-30-2013, 01:28 PM   #3
 
عبده مصطفي إبراهيم
المدير العام
 
عبده مصطفي إبراهيم's Avatar

تاريخ التسجيل: Feb 2010
رقم العضوية : 1
السكن: أوكسفورد....بريطانيا
المشاركات : 2,315
بمعدل : 0.45



عبده مصطفي إبراهيم is offline
Default

التحية لك اخ محمد ويبدو أن الأمر قد تعدي حد المعقول
ويجب ان يكون هناك ... نقاش مستفيض في هذا الأمر حتي تصل الناس
إلي إتفاق يضبط الصرف في كل المناسبات
ويحدد أليه واضحة تحترم التعاليم الإسلامية السمحة
ولا تتعدي علي معني التكاتف والتعاضد
ولا تهمل الواقع الإقتصادي
....................
قد لا يختلف الناس كثيرا في أن البذخ والتبذير...أمور لا تتماشي مع الواقع
إن كان في فرح أو ترح
ولكن هذه التصرفات ... تراكمية يفرضها المجتمع قبل أن يكون هناك خيار اخر
وهذه ثقافتنا (السترة والفضيحة متباريات)
فتجد القادر وغير القادر يتحاشي اللوم حتي لو يؤثر علي مدخراته
سهل جدا الحديث عن هذه الظواهر ...ولكن تحتاج الي عزيمة للتخلص منها
لأن وجهات النظر فيها أكيد ... بتكون مختلفة خاصة في التفاصيل
فإن كان أحدهم يعتقد أن ناس أم دوانة وتنوب والمريبية ليس ضيوف
فيمكن ان يكونولشخص اخر ضيوف.
.............
أكيد هناك تجارب في المناطق التي حول فطيس ... ممكن الناس تستفيد منها
والتوصل للحلول لازم يطلع من الناس القاعدة هناك
لأنها أدري بكل ابعاد المشكلة
...........
ونسأل الله أن يوفق الناس في ما فيه خير للناس



و


التوقيع
  Reply With Quote
Old 07-03-2013, 09:30 PM   #4
 
رشا محمد
زائر

رقم العضوية :
المشاركات : n/a
بمعدل : 0



Default نحن برضو لينا رأي

الأخ محمد السلام عليكم جميعا
أها اسي موضوع العمود إختفي حتي النسوان مابجيبن عمود وفهمن إنو يوم التفريقة الأكل بكون راااقد أها راقد دي ذاتها المشكله إنتو ياناس الميت ديل سوو البسيط والباقي بتمو ناس الحله بس لا أنا أسوي وأسوي زمان كان الناس مابتأكل الصدقه وقالوا زمان بحمرو اللحمه بالطش الكبير زول بجي عليها ماف اسي عينك ماتشوف إلا النور بعدين جد في ناس يستاهلو الخسارة شنو بيض وقيم ولحمه وشعيرية في صواني البكاء والشي المؤسف كتير جدا الجثمان ما إتستر تلقي الجماعه ضبحو إستعجال شديد ،،
‏_____
قدة كدا
لو أي زول بعد الدفن مشي بيتو وجاب العندو مالوا

  Reply With Quote
Old 07-18-2013, 06:52 PM   #5
 
mohammed alsir saad
زائر

رقم العضوية :
المشاركات : n/a
بمعدل : 0



Default

والله يا جماعه ناس الحله أساساً أصحاب واجب أذا كان المشاركه بالعمود أو بالماده بس بالماده أفضل نسبة للاكل عند ناس الفراش متوفر جدا ...

  Reply With Quote
Old 07-25-2013, 06:46 AM   #6
 
ياسر مهدى
زائر

رقم العضوية :
المشاركات : n/a
بمعدل : 0



Default

اري ان تكون جميع الوجبات قتة ( شوربة عدس - وشوربة خضار ) + الشاي والجبنة

  Reply With Quote
Old 07-29-2013, 02:04 PM   #7
 
wafa dafallah
زائر

رقم العضوية :
السكن: الخرطوم
المشاركات : n/a
بمعدل : 0



Default

انها مبادرة طيبة ومحاولة للتخفيف من أعباء المناسبات الاجتماعية بما فيها بيوت الاتراح ولعلكم طرقتم هنا عدة محاور من بينها أعمدة الطعام التي كان يجلبها اهل القرية لبيت العزاء وان كانت عادة جتماعية تؤصل لمعنى التكاتف والتعاضد الاجتماعي الا انها بدأت تخبو كما ذكر البعض ومرد ذلك للظروف الاقتصادية الصعبة التي أثقلت كاهل الجميع لا تقصيراً منهم . أما بالنسبة للمظاهر البذخية التي بدت واضحة في بعض المناسبات فلا بد لنا من وثبة جادة لمحاربتها تحقيقاً للتوازن الاجتماعي المطلوب
,,,,,,,,, والله ولي التوفيق ,,,,,,

  Reply With Quote
Reply

Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump


All times are GMT. The time now is 08:40 AM.


Copyright ©2000 - 2024, Futeis.com