الهمس جهراً ... حديث في المسكوت عنه

[محمد ابراهيم احمد ابراهيم]

احباب المنتدى السلام عليكم ورحمة الله تعالى وبركاته

من عنوان البوست يوحى لك بان الموضوع حساس اى نعم حساس وفى منتهى الخطوره

بناء البيوت والحمامات والمخازن واى شى فى شوارع فطيس منذ زمن بعيد كنت افكر فى هذا الموضوع لان ما يحصل فى شوارع فطيس شى يؤلم بالجد كل يوم تجد هناك تعدى فى الشوارع لم نفهم ماهذا العبث ما هذه العشوائيه وما هذا وما هذا وما هذا كفى بالله عليكم كيف لفطيس ان تصبح مدينه والناس يقطعونها يوما بعد يوم وكل شخص تقول ليهو دا شنو دا البتعمل فيهو بزيد فى الشارع اقوم بكل رجعيه فى الفهم يقول ليك خلى داك اكسر الحيطه فى الشارع انا بكسر وكانه يريد ان يوصل لك الخطاء يبرر بالخطاء ماهذا الفهم انا قبل يومين كنت فى فطيس وفى رمضان الناس شغاله تزيد فى الشاراع ماهذا توقفت اتابع وبزهول شديد شارع عرضه كان 20 متر بقى 5 امتار ما هذا وفى فى الليل كنت ذاهب الى صلاة التراويح فقد التقيت بعضو من اللجان الشعبيه وتبادلنا الحديث فى الحله قمت قلت ليه دا شنو البعمل فيهو فلان دا فى الشاراع قال والله يا محمد نحن مشينا ليهو اتكلمنا معاهو ولاكن دون نتيجه وبعد ذلك مشينا الى الوحده الاداريه طابت وقلنا ليهم اليحصل فى فطيس جبنا ورقه من الوحده الاداريه وسلمناها الى فلان بكل تحدى قام قطع الورقه ورماها فى ناس اللجان وللمعلوميه هذا الشخص يمتلك اكثر من 1000 متر وربنا يزيدو ولاكن لماذا وكفى وكفى

وكفى وكفى

[عبده مصطفي إبراهيم]

الأخ محمد...لك التحية دائما...وأذكر اننا تحدثنا في الأمر من قبل
ولمست فيك روح الشباب الغيور علي البلد...الباحث عن إبقاء فطيس في مكانتها
التي دئما ... فوق
هذه الظاهر...لا أحد يستطيع أن يحدد بداياتها...ولكن بلا شك..أي طفل ممكن يتنبأ بنهاياتها
الظاهرة متوقعة ... وسوف تستمر الي الأسوأ وذلك لضيق مساحة فطيس عامة
والتوسع الأفقي....لا يجد إلا ان يتجني علي الشوارع...لان الأطراف محكومة بي ترع وحواشات
ولكن أعتقد أن هناك قانون.....وقانون قوي جدا يحمي الشوارع
وإحضار ورقة من وحدة إدارية يعد قمة الإستخفاف بالظاهرة
ولا عجب ان قام الشخص المعني بتمزيقها .... فهي لا تعني له شيئا
لانها غير مدعومة بقانون وحجة
إن كان فعلا هو يحاول "يحاسي" جارو....فهنا تكمن المصيبة
نتمني أن تكون هناك أليه ... محكومة مقيدة بقانون...تبدأ بتداول أم هذه الظاهرة في منابر
جامع كان أو زاوية...ومحاولة الخروج من المأزق الذي ادخلنا فيهو التساهل
....وكل عشمي أن تكون شبابية ..حتي تكون رسالة واضحة ....خوف من المستقل
والله يكضب الشينة

الناس ح تتكلم في الموضوع وح يتنسي لانو اذا ادخلو شباب الحله او حتا انت يامحمد انت في نظرم لسه شافع وقليل ادب واصلا اللجن جعجاعه ساي لانو الماطلع في الشارع فيهم اخو او ولدو طالع بس الجمل مابعرف عوجة رقبتو اصلا ده كابوس لابد يتحقق (مدينة فطيس تتحول الي قرية الصفاء