عوض خضر

الليل عوض خضر نائم ولا شنو للان ماظهر ولا مشغول ماعارف اظهر يازول

ولا تخاف اكيد جايب لينا اخبار ومواضيع جديدة

[عوض خضر]

شكرا لكم شكرا لكم شكرا لكم

اصبت بوعكه صحيه اقعدتني عن كل شئ

هنا يوجد نوع من النزله الاسيويه اذا اصابك

فستظل تترحم علي ايام الملاريا طويلا

فهي تؤثر حتي علي الجهاز العصبي وتجعل المرئيات غريبه

عندما تذهب للمستشفي لديهم حقنه كانها السحر بعدها بربع ساعه تحس بانك لم تصاب بشئ

ولكنها تبقي مسكنا انا الان تحت تاثير هذا المسكن فقررت انتهاز الفرصه للمرور قبل النوبه القادمه من البرد والحمي

ياسر مهدي ومصطفي يسال منكم الخير والتحيه لجميع الاعضاء انشاء الله حتي السبت سنواصل

مع انها تخيف عبده ومعروف

[عبده مصطفي إبراهيم]

سلامتك الف سلامة.........وإنشالله أجر وعافية
دا كلو عشان .....إتغابيتو العرفة في ......اللالوب والقرض والقنقليس والدوم
"أعشاب بلدنا"
هههههههههه

سلامة ليك وان شاء الله ماتشوف شر واجر وعافية مع تمنياتي لك بوافر الصحة والعافية ولكل سمار المنتدي

[عبدالمنعم]

(كفارة البيك يزول والمرض ما بكتلو زول ) وإنشاء الله أجُر وعافي

[عوض خضر]

الاخوه الكرام الله يديكم العافيه

وتعالوا نردد مع حميد

الله يبعد العارضي تجينا

[نضال احمد]

عوض خضر الف سلامة يااااااااااخ وابقي عشرة علي القرض والكركدي
اهل الدار جميع من كُربة صارو حزانا
وكل الناس جميع اتلخبتت أوزانا
النمات وحاتك جاطت علَيْ أوزانا
إلا المولى الكريم باقيلنا فيكا عزانا
*********
نصبح من صباح كايسين خبير نرقدبو
يايا رب يا كريم زيح المرض من دربو
باكر من صباح للنزلة يعلن حربو
ينهض ينبري زايل سقامو وكربو
********
(إن سلم العضم عقب اللحم ح يعود)
داعينلك دوام دعواتنا واصلة طرود
تتعافى الجسوم سآئلينو رب الجود
لا نسمع مريض لا يقولو كان ميرود
*********
في آخر دعانا تبلغ تمام الصحة
يتعافن جسومك من غير تعب لا رحة
وباكر لو سمعنا يا خلي جاتك قحة
واجب علي ود سعود يقيل وزير الصحة

[مأمون عبد الله النور]

الأستاذ الفاضل : عوضين حبيبنا
ياخوي سلامتك .. وكفارة حقيقة .... أجر وعافية وماتشوف شر
طمنا عنك ... النزلة ما بتشوف ناس هناي ديل مالها... يقطع سنينها وأيامها النزلة دي

[عوض خضر]

جميله الله يديك العافيه

حقيقه مازلت وانا اكتب اضحك علي هذا النم القطع الاخضر الرائع

اشكر لك المرور الرائع