صلاة النبي

[عبدالمنعم]

أكبر تواجد بالمنتدى كان: 21 بتاريخ 08-07-2010 الساعة 05:06 PM

المتواجدون الآن: 12 (الأعضاء 8 والزوار 4)

عبدالمنعم, الطيب الاحيدب, اسامة ابراهيم, بقايا جروح, عارف عبد الرحمن, عاطف البدوي, عبدالعزيز خيرالله الحسن, عبده مصطفي إبراهيم

صلاة النبي عيني باردة ربنا يزيد ويبارك لكن حكاية الأعضاء: 221, الأعضاء النشطين: 59 دي مزعلاني شديد خلاص لأنو في بعض المواضيع المشاهدات 60 والردود 3 بس والواحد مايقدر يعرف ليه مافي تعليق على المواضيع ثم إنو ذاتو يعني الحكاية دي ممكن تسبب الكسل وتقتل حماس ال 59 النشطين ديل
ويا عبدو وراك والزمن طويل .. حاول شغل لينا خدمة (الأعضاء الذين تواجدوا خلال 24 ساعة ) عشان نعرف البجو ويمشو بدون مايتركو أثر ديل منو؟

الاخ عبد المنعم لك التحيه انا من قبيل مبسوط للحاصل دا والليله معاك للصباح خاصه ناس السعوديه لانو اجازة اليوم الوطني للمملكه يعني الجماعة مرطبين ساي الليله وملاحظتك التانيه في محلها وفعلا عدم المشاركة ولو بتعليق بسيط محبط بعض الشي وبخلي الواحد ذي البكلم نفسو ما بعرف هل ما يكتب بلقي صدي
عند الناس ومرضي عشان يستمر ويطور ولا مؤذي وغير مقبول عشان يستعدل ويصلح فالمسالة جد مهمه ومحفزة مهما كان التعبيربسيط لكن ما تكشفوا حالهم خلي الطبق مستور عشان ما يطشوا العافيه درجات البعاين اسي ساي بكره بشارك

واللة ياحرش اصبت لب الموضوع ويا منعم متابعتك تزيد من همة الاخوان لاكن انا اري انو المنتدي في هذا الشهر منور
وجزاب كمان. بس يامنعم
تخريمة (كمل لينا القصة شعتفت روحنا)

اسف اقصد يا عاطف ماتقوم تطفش كمان

[عبدالمنعم]

Originally Posted by عبدالعزيز خيرالله الحسن

تخريمة (كمل لينا القصة شعتفت روحنا)

يا عبدالعزيز الطلب دا مفروض يكون هناك عشان نعرف المتابعنا منو ... سأواصل وسأزيد الجرعة شوية عشان خاطرك

[صادق محمد عوض]

انا لا انكر ان التشجيع محفز لرفع الهمة والبحث عن الاحسن.... والتجويد وكده.... لكنني لا اكتب الا لانني اعبر عن ذاتي.... يكفيني ان يمر من يمر وبكون ممنون وشاكر لؤلئك الذين يعلقون ويضيفون.... ولو كل الناس علقت علي موضوع واحد لاصبح الامر مملا..... والنشيط نشيط من يومو..... ما دايرلو شكرة..... وكل اناء بما فيه ينضح..... في ناس المنتدي ده عندها قشره وانا بعرف كمبيوتر وكده.... وفي ناس هم الحياة وزحمة الشغل مخلياهم خارج التغطية.... وفي ناس خاينة خايفة تقعد متسايفة وتاكل متضايفة.... يعني ياااااااااااااااااك وزغبير..... أما الزبد يذهب جفاءا ويبقي ما ينفع الناس..... والله انا حتة انو النشيطيين بهذه النسبة مضايقاني ونفسي كل الناس تطل ولو بعد حين لانو العدد المسجل ده لو بس بيمر ويعلق ولو لماما لكانت الفائدة اكبر والافكار اغزر..... لكن يبقي لكل واحد ظرفو.....

[عبده مصطفي إبراهيم]

سك شديد يا منعم..........اها جبنا ليك الجماعة الدخلو في خلال الاربعة وعشرين ساعة بس عدد الزوار ببدأ من تركيب الهاك
ونتمني أن يتواصل الناس...........
والله يدي العافية

[عبدالمنعم]

Originally Posted by عبده مصطفي إبراهيم

سك شديد يا منعم..........اها جبنا ليك الجماعة الدخلو في خلال الاربعة وعشرين ساعة بس عدد الزوار ببدأ من تركيب الهاك
ونتمني أن يتواصل الناس...........
والله يدي العافية

تشكر يا معلم

[عبدالمنعم]

Originally Posted by صادق محمد عوض

انا لا انكر ان التشجيع محفز لرفع الهمة والبحث عن الاحسن.... والتجويد وكده.... لكنني لا اكتب الا لانني اعبر عن ذاتي.... يكفيني ان يمر من يمر وبكون ممنون وشاكر لؤلئك الذين يعلقون ويضيفون.... ولو كل الناس علقت علي موضوع واحد لاصبح الامر مملا..... والنشيط نشيط من يومو..... ما دايرلو شكرة

شيخ الصادق أنا معاك وكلامك مظبوط بس مناقشة المواضيع تضيف لها الكثير من الألق وتعدد الآراء يقود لإضافات جديدة يستفيد منها كاتب الموضوع وجميع المتداخلين عكس المطالعة فهي ممكن تكون من أي كتاب أو مجلة أو من مواقع الإنترنت المختلفة

[صادق محمد عوض]

كلامك صح بس ده بيخص المواضيع الاصلا للنقاش .... اما الاخري او المواضيع العادية فانها لا تحتاج لردود......