السقوط المذل

لماذا يخيم الحزن دوما علينا اليس من حقنا ان نشجع ام نترك التشجيع ونترك الكرة ونتفرغ لشئ آخر خلاف الكرة لماذا السقوط المذل في كل المحافل أهو عدم دراية منا أم غباء يجتاح لعيبتنا ويفترض أن من يلعب الكرة أن يكون خريجاً جامعياً اهي تلك مشكلتنا ام في ماذا تكمن المشكلة ؟

ابو وعوده المشكلة في نظري في شداد القام بالغاء الروابط والناشئين دا بدون وجود مدارس سنيه

عشان كدا حنظل مع ناس منير امبده وهليفه بالهاء علي لسان كامبوس وقلق واكرم وهيثم والعجب تاني امكن فيهم كم سنه

[محمد ابراهيم احمد ابراهيم]

المشكله فى التخطيط السليم

صدقوني مشكلتنا تكمن في نوعية اللعيبة وليست إدارة ولا ماديات ولا غيره فعليك أن تنظر إلى نوعية اللعيبة كلها ماركة مسجلة يغلب عليها الغباء

[شرف الدين الناجي]

والله ابووعوده معرفتي بالحاجات دي تعبانة شديد لاكن عمنا حسن نمر قال أحسن نجرب ونجتهد في رياضة غير كرة القدم
مشكور ...

[عبده مصطفي إبراهيم]

والله إنه السقوط المذل............يا شماته أبله ظاظا فينا
ولكن
لست من المستغربين جدا........لان فساد المؤسسات الكروية هي السبب
فقبل ان نعلنها ثورة كروية كان يجب ان نقوم بتطهير الإتحاد العام من الفساد الإداري
ومافي شيء مرجع البلد لي ورا غير الفساد الإداري في مؤسسات الدولة
والله يكضب الشينة

ابوعوووده كيف حالك..

والله طرحت موضوع فعلا مدخلنا في اضافرينا ومحرجنا شديد .
في الوقت الذ كان فيه كل سودانى محب لكرة القدم يمني نفسه بأن يفتخر يوما بها ويعتز بها في كل بقاع الارض.
واكيد مشكلتنا في ادارت الانديه ماسكين في لعيبه من سنة أسكت سنة حفرو البحر ، شقالين يبلعو وبس.
مافي فكرة تطوير وبحث عن لعيبه شباب وصغار في السن واجسامهم قوية .
بعدين فكرة المحترفين الافارقه دى فكره سجم وخربت الدنيا وقفلت الباب أمام اللعيبه السودانين وعقدتهم عديل كده.
وحلنا الوحيد هو احالة كل الادارات ومعظم اللعيبه الحاليين للصالح العام ونبداء صفحه جديده .

[يوسف طه]

ابو عوووووده حبابك عشره المشكله زى ما ذكرت
فى اللاعبين زمان الرشيد بدوى بيقول اثناء التعليق
( برشم كالعاده لياقه ذهنيه ضعيفه ) اذن الراجل لخص
المشكله لكن يا ابو وعوده لو قلنا ناس ابو الهل ديل
فاقد تربوى ناس المريخ عذرهم شنو ؟؟

اخي يوسف شكراً على المرور لكن لا يوجد فرق شاسع بين الاثنين فكلاهما طين في طين وربنا يعين

الدافع الوطني
او الوطنيه
هو السبب


وده ما عندو حل