زلط فطيس.....هل سيصبح حقيقة (توجد صور للمسار)

الظلط حا يكون في شهر ابريل بس ده كل الحكاية
شيلو الصبر وما في داعي للتفاؤل اقصد التشاؤم

[عبده مصطفي إبراهيم]

Originally Posted by ابو مجدل

الظلط حا يكون في شهر ابريل بس ده كل الحكاية
شيلو الصبر وما في داعي للتفاؤل اقصد التشاؤم

أبو مجدل ...كذبة أبريل الناس بقولوها أول يوم في أبريل ما من هسه
أعتقد ... الفرصة ضاعت علي ظلط فطيس ... بعد ما زار الرئيس طابت ورجع
لأنو دي الزيارة الناس كانو منتظرنها عندما قالو جاي يفتتح مشاريع في المنطقة
ولكن والله أعلم
يبدو أن ملف الظلط بدأ ينزلق من ميزانية 2013 برضو
عشان كدا .. مافي ليهو خبر تب
والله نتمني أن نتفائل.... وكان في اي حاجة الناس تعملا عشان تتفائل ما كان قصرت منها
لكن معطيات الواقع بتقول غير كدا
ونتمني كلامك إكون صاح
عشان ما يجي محمد عبدالمنعم يضحك لينا صحكتو الطويلة ديك وهو مليان أسي
والله يكضب الشينة

ا

اها يا اخوانا البتاع دا الليلة 27/1/2013 جاء ولا فات ولا مات ولا شنو بالله ؟

اسي غلبنا التعبير والله حال البلد خلانا نشوف الزلط ولا شي هو صحي نحن عاوزين زلط ؟

[عبده مصطفي إبراهيم]

الأخ عاطف لك التحية دوما
غايتو بديك خبر من الضل ...ولا تسألني من المصدر
متوقع وصول المهندس الذي سوف يختار مسار الظلط المناسب
وأنتظر شوية ..

وان شالله يكون بداية خير

إن شاء الله الحلم يصبح حقيقة

[عبده مصطفي إبراهيم]

جزء من رسائل... علي صفحة المنتدي بالفيس بوك
من عبده مصطفي الي ...الاستاذ كمال يوسف 07 فبراير 2012

"الأستاذ كمال يوسف ....لك مني كل الإحترام والتقدير...
تم نشر الخبر في المنتدي وممكن تقول الحلة كلها اصبحت ممنونة
لكل القائمين علي المشروع
ودا عمل إن أريد به خيرا فجزاءه عند الله اكبر
ودي الزول بلقاها من الأيادي البتترفع بالدعوة
وكنت أتمني حضور اللقاء التنويري يوم الجمعة الاول من فبراير ولكن
لظروف خارجة عن الإرادة أبعدتني عن القرية...
وكما هو واضح قد تم تدشين العمل ... ودي محمدة
بالرغم الخلافات التي حصلت بشأن المسار
وكنت أمل ان يتم توضيح للناس عن اسباب اختيار المسار
إن كان هندسيا أو غير
وان يتم وضع منشور كامل للمشروع يطلع عليه العامة
يتم تحديد فيه المسار واين ومتي ينتهي العمل
وما هي الفوائد التي يأتي بها الزلط
حتي تكون الناس علي بينة من الامر
واتمني أن يحدث ذلك حتي لا تضيع حقوق الناس

ونتمني من الله ان يوفق الجميع لعمل الخير"

من الأستاذ كمال يوسف إلي ناس فطيس 19 فبراير 2013

"احب ان اوكد لكم بان العمل سوف يبدأ قريبا انشاءالله وسوف ينتهي خلال ثلاثه اشهر انشاءالله اما تحديد المسار تم تحديده بواسطة الراي الفني علي حسب الملف المرفق"
يمكن قراءة الملف المرفق من الرابط ادناهو

بدء العمل في طريقي ام عضام – الصفا بمحلية الحصاحيصا


ودائما للحديث بقية

[عارف عبد الرحمن]

حكاية شئون هندسية أو شأن هندسي دي ما بتدخل الدماغ .. المسار الاول برضو كان في فنيين علي مستوي أعلي من الفزاري دا .. ومن الوزارة الام .. الورقة التي كانت مع كمال ظهرت في السوق جنب ستات الطعمية قبل ان يعرف الناس أن هناك زلط أو غيرو .. أسألوا حسن شيخ الحلة وان احدهم أخرجها علي الملاْ وقال ياناس فطيس نحن زلطنا جبناهو فتشو زلطكم وين .. القضية ما قضية زلط .. أو مسار القضية أستغلال بشع لأسم فطيس وتسيير الاجندة الخاصة جداً .. ودونكم رجب الذي ضحك علي جلابيب فطيس وركبهم الزلط بدل أجيب الزلط .. هناك من يستغل حجم البلد .. وتم تغيير المسار بفعل فاعل وامر سياسي .. وكذب من قال غير ذلك .. هناك احدهم يريد تكبير كومه ويجمع أكبر عدد من الحلال دار السلام الجزولي حلة الخضر المريبيعة ويبدو في الصورة أحدهم يسمي بود نايل وكم حلة لأشياء في نفس يعقوب . أنتخابات مجالس محليات لجان تنسيق ولجان شعبية وصور شعبية بالاضافة لأضعاف صوت فطيس الواهن أصلاً ..
أخي عبده الرابط الذي أستشهدت به زي منتدانا دا ممكن تقول ما تريد وتود .. قبل فترة سمعت بواحد وزير شئون هندسية من طابت بولاية الجزيرة أسمه مين كده كامل لا حول له ولا قوة .. جاء فطيس يبدو في مناسبة في ود فرج الله لتطلع الاشاعة انو الزلط تقوموا من النوم تلقوه زي الفل ؟؟؟؟؟؟؟؟؟؟؟؟؟؟؟؟ أتصلت وسالت وعرفت ان الامر حتي وان تم .. لا يتم الا بعد تصديق وزارة المالية علي قيام المشروع .. ووزارة المالية مفلسة وجزلانها كفؤاد ام موسي .. منين نجيب الترااااااااااااااااب ؟؟؟؟؟؟ كلنا عشم أن يقوم الزلط بعيداً عن الأمور التي لا تخدم المنطقة وتولد الحساسيات .. والنشوف آخرتا