|
|
05-23-2012, 06:01 PM
|
#11 | ||||||||
|
زائر
|
جميلة جدا مداخلات الإخوة والأخوات فقد سري مروركم وسرتني ضربة البداية عمنا عوض ..... فالجميع قد سرد بعض من مسببات الهجرة أو كما ذكر مديرنا الغربة والهجرة .. وإن كان قد تساويا في الوقت الراهن ... سيان عند اهل الضرائب وحسنوات مكتب المغتربين واللائي لي عودة في الحديث عنهن ؟؟؟!!! الظروف الإقتصادية التي مرت بها البلاد والتي كانت من اهم أسبابها حس بوجهة نظري الحرب التي دمرت إقتصاد السودان كلياً فقد قرأت ذات مرة أن الحرب ف يالثمانينات كانت تكلف خزينة الدولة يوميا ما يقارب العشرين مليون دولار.... في تلك الظروف والحرب تنهش في الإقتصاد الذي كان يعتمد على مشروع الجزيرة في كل شئ من الإبرة والخيط حتى الدبابة والكلاسنكوف ...... أول من عاني هم أهل الجزيرة نفسهم .. لأن الدولة حرمتهم من قوتهم ومن خيرات أرضهم ... فكم شاهدت المزارعين يضربون في مزارعهم لانهم سرقوا جزء من قمحهم الذي تعبوا فيه بمالهم وراحة جسمهم .. فلك أن تتخيل أن تسرق من مالك أو قل من مزرعتك من اجل لقمة لعيالك ....يسدوا بها رمق جوعهم ........ قل المال وقل العطاء في الجزيرة فتدفق أبناءها أولاً نحو المجهول ... (لا أنسى هجرة أهلنا في شمال السودان فهى الأولى سواء كانت للداخل أو الخارج )وتلك أيضا لنا في عودة شيقة بإذن الله .... اعود لبداية الهجرة أو قل التهجير نحو الخارج أن شئت ذلك ولم تعجبك الهجرة . في البدء لم يكن الهدف حسب تصوري أن الشباب قد هاجر ليكون نفسه بل هاجر لينقذ ما يمكن إنقاذه فيماتبقى من أسرته وأسرة عمة وخاله وعمته وخالته ووووو ناس الفريق في بعض الأحيان ......... لأن الوضع أضحي لا يضاق .....فكم رأينا في فترة التكاتف والتكافل الإجتماعي أن المغترب كان ياتي ببكسي محمل بالشنط ووووووو وكان بالنسبة لنا ما نراه شيئا لا يصدق ... (ما أحلى حلاوة لبن وريحة الهبهان والقرنفل التي كانت تأتي مع مهجري السعودية بالذات ) وريحة ون مان شو .......ووووووو فقد كان المغترب بسبب تلك الظروف مسؤلا أن لم أكن مخطئ عن كان ناس الفريق وبعض الفرقان المجاورة .... طبعا تغير الحال الآن وله مسببات أيضاً أعود لتعداد أسباب الهجرة مرة أخرى .. وأواصل |
||||||||
|
|
05-24-2012, 03:32 PM
|
#12 | ||||||
|
زائر
|
اخي جنوبي الهوي تحية وتقدير بس يا خوي عندي كم كلمة واقفة لى في حلقي دا انت يا خوي شغلك دا دايرو فراج الطيب ( لسان العرب ) وكدة ولا نضمينا البنعرفو , عشان ما نجوط الموضوع ونمشي سييدا كدي قول النضمي كتير في الغربة لاكن ما عارفين النظام بالظبط |
||||||
|
|
|
05-24-2012, 06:53 PM
|
#13 | ||||||||||||
|
المدير العام
|
رسالة ...........تحكي جزء من واقع الإغتراب ............................................. معذرة.. لو معاك منى الكلام حـــــره .. معليش الخطاب كاتباهــــــو مضطرة حـــــــــــرام والله مننـــا إنت تتبرا .. خمسة سنين تفوت تجى فيها فد مرة وراك أنا كم شقيت وعشت فى مرة .. وتعبـــت مع البطان الهم للعيون غرة بيخاف الغرق الغاص ورا درة .. قالو أدب الصغار والعقــــدة من خدرة حليلى أنا الزمن ضى فاطرى ما انفر .. وخمسة سنين غياب مابتحمل...ن حرة أنا الحاضنة العذاب وآمالى محتضرة.. وإنت الفى النعيم ما خات حساب بكرة مسكينة التقول فى الإغتراب سترة .. وتتناسى القروش فى يوم تكون ضرة حليل زمنك وكت عايشنا بالأُجــرة .. يا ريــــت لا عرفـــــــت ولا مرق برة الكاتما فى جواى كتير متملك الجوف والعصـب وما كت دايرة أقولو ليـك لكن لسان الحال غلـب ما بنسى يـوم ودعتـنا وسافـرت فى غـرة رجـب خلـيت وراك الـدار حـزين يتباكـا والدمع انسكـب أعذرنى والله العظيـم لو ما الضـرورة أنا ما كـتب وأنا خايفـة فى بعـدك يكون الضاع هو ضعف المكتسـب اليومـة داك ناس البلـــد هنونى شايقيــــــى وعرب قالو لى مبروك خير وجاك يكتب سلامــــتو الإغــترب قالو لى دوب نجم السعد طلاكى من بعـــــد إحتجــب يا دوبا بالك يستريح وتنسى العـــــــذابات والتعــــب فضّلت أحسب فى الشهور قاعدالى فوق نيران لهــب صابرة وحريصة على العيال لا بيقو للريح فى المهـب سديت خانتك مــن مشيت قايمـابو واجبــــى كأم وأب والأســــرة يضنيها المسير .. وتتهاوى لو ما فيها رب والله ما بنــــكر جميلك برضـــــــــو لينا ثناك وجب موكب هداياك ما انقطع .. كان سترة فى الزمـن الصعب لابسين وماكلين والنعيم كايلنا فى يوم ما نضب وعايشين معيشــــــــــــة المترفين .. طولنا والطبع إتخرب البيت مفرش بالحرير ومليانة إيدى بالدهب لكن خسارة على محل عاش سيدو خمســــــــــة سنين عزب الشى المهم ما قلتو ليك وليهو إنت ما ظنيت حسب كبرو الصغيرونين خلاص .. خايفالم الطبــــــــــع الكعب وصولوها مرحلة الخطر والأمن ما زال مستتب وانا كتّ قادراهم زمان لكـــــــــــــن بعد كبــــــرو اتغلب حصلنى قبل الجد يفوت دوبنهم فوق العتب قبال نحصـــــــــــــــد الخير ندم .. ومابيجدى كان لمت وعتب ....................الشاعر :- حاتم حسن الدابي...................
|
||||||||||||
|
|
|
05-24-2012, 07:29 PM
|
#14 | ||||||||
|
زائر
|
زمان الناس هداوة بال ...... وانت زمانك الترحال ........ قسمتك يارقيق الحال ....... مكتوب ليك تعيش رحال ........ غريب والغربة اقسى نضال ......... غريب والغربة سترة حال .......... كما ذكر الأخ عبدو مصطفى فإن الحديث عن الهجرة والإغتراب يحتم علينا التفرقة بينهما فالهجرة بمعناها اللغوي تعني ان تهجر المكان بلا عودة تبقيك في ذاكرة المكان والمهاجر من نأى بنفسه وأحلامه بعيداً عن وطنه باحثاً عن أرض اخرى تحتوي أمآله وألآمه أما الإغتراب فيعتمد في أساسه على فكرة العودة بعد فترة زمنية محددة وغالباً ماتكون أسبابه إقتصادية بحتة يكمن سبب الخلط لدينا مابين الهجرة والإغتراب في أننا نحن السودانيون نبدأها بغربة غير محددة الملامح أي بلا رؤى وأهداف واضحة لذا فإنها تنتهي بهجرة قد لايكون بعدها عودة !!! فالواقع المعاش يبين ان المغترب السوداني وإن كان يزور السودان كل عامين أو ثلاثة عبر عطلات قصيرة الا أنه يصنف في خانة المهاجرين إذ أنه يظل خارج الوطن اكثر من نصف عمره وبذا تكون غربته قد تحولت تلقائياً الى هجرة !!! لأننكر ان بلادنا ظلت على مر عقود من الزمان سيئة الأوضاع سياسياً وإقتصادياً وبات الواقع المعاش صادماً للشباب المتطلع وهذ ما حدا بالجميع لسلك دروب الغربة والسعي في فجاج الأرض بحثاً عن وضع أفضل......... ليست هنا القضية!!! وإنما القضية متى نضع حداً لهذا الترحال ؟؟؟ والسؤال لماذا يتمسك الكثيرون منا بأهداب الغربة ولو حققوا أكثر أهدافهم وغاياتهم هل حقاً لإننا إستمرأنا حياة الغربة ولم نعد نقوى على العيش في بلادنا ؟؟؟؟ ........................ لي عودة بإذن الله.................. |
||||||||
|
|
|
05-26-2012, 08:10 AM
|
#15 | ||||||||
|
زائر
|
هههههههههه أختي ام محمد التحية لك وانت ترسمين البسمة على شفاه القوم يا بت الناس اكتبي باي كلام يعجبك ياخي مداخلتك بتهمنا الفكرة ليست في اللغة وغنما في محتوى الكلام كان بالراندوك أكتبي لينا (الراندوك لغة شباب المجاري) وما تأخذينا أختي الفاضلة ... عبده سلمت للأبيات الجميلة مولانا وفاء دائما كتاباتك جميلة سلمتي كثير أختي وااااااصلوا |
||||||||
|
|
|
05-26-2012, 03:17 PM
|
#16 | ||||||
|
زائر
|
اخي جنوبي الهوى شيل شليتك عاد تاني الا شوف ليك طريقة توقفني بيها .... اها الغربة دي ماتقول اسبابها شنو سبب واحد معروف كان سياسي وكان غيرو في النهاية السبب واحد لقمة العيش حصل لقاك زول ماشي سياحي غايتو ناسنا ديل معااايش... نقطة انتهى .. نجيك في المغتربين ونقول ياما في الغربة مظاليم , وتختلف مرارة الغربة من شخص الى شخص . شوفتو النسوان اللا بسات الدهب من احفظ مالك ولا زنقة زنقة , الدهب دا في الغالب رصيد للاسرة يعني لاسمح الله مرض احد افراد الاسرة وانتو عافين عدد كبير ما عندهم تامين صحي , ولا قطعة ارض ولا نقول بيت , وممكن كمان الكفيل في اي وقت يقول ليك باااي بدون انزار مراااج كدا , يعني الزينة موقتة . كتير من الناس يحكموا على المغتربة من المظهر الخارجي فقط , وبعضهم ينظر لها بانها خاملة وتنعم بالراحات و طوول اليوم نايمة ولا ماسكة الريموت وتشاهد في المسلسلات والا في الانترنت . ما عارفين انو دور المرأة مضاعف فهي كتيير تقوم بدور الاب , الاب الغائب طوول اليوم فمعظم الرجال دوامين او ساعات العمل غير محددة التربية اعتماد كلي , الدراسة في كتير من الدول معتمدة على المنزل , ولو كانت المرأة عاملة تتضاعف اعمالها ولا ننسى التعب النفسي والقلق على الاهل في السودان في الحالة العادية او الامراض والوفيات. المرة في الغربة قاعدة بنص قلب , وام تكشوا وام شعيفة الناس في السودان خلوا اكلها بسبب المغتربين , لاكن في بعض المغتربين قاعدين اتغدوا وتعشوا بيها , عشان اقتصدوا ووفروا . نظرة بعض الناس للمغتربين تزيد من معاناتهم |
||||||
|
|
|
05-27-2012, 10:10 AM
|
#17 | ||||||||
|
جنوبي الهوي كلام ام محمد دا خلاني افكر انو نحن اصلا مامتخصصين يعني عشان نبحث في اثر الهجره ومسبباتها بشكل اكثر عمق لكن لو كل واحد شخصن كلامو ( الغريب في الامر الشخصنه هنا مطلوبه ) يعني تحدث عن تجربتو اسبابها وماَلات التجربه بنلقي نفسنا في النهايه وصلنا لي نتائج نقعد نلخصها وبيكون الكلام اكثر عمقا بدلا من ترديد كلام عام قد يبدو مفكك الاوصال يعني في كل تجربه في مراحل مرحلة اتخاذ القرار نفسو مع اني اظن ان الكثيرين اتخذوا قرار السفر قبل سفرهم بفتره طويله وكانوا ينتظرون ان يقوم الاخرين بمساعدتهم علي السفر كما حدث معي مثلا ثم مرحلة ملاحقة الاهداف الاساسيه للبيت الكبير اي سد الفجوات المتمثله في اكمال دراسة الذين مازالوا في مراحل الدراسه المختلفه ومصروف البيت الشهري ثم ملاحقة الفواجع والافراح والمرض ثم مرحلة هموم الاسره الصغيره الزواج العيال دراستهم بيت للاسره الصغيره طبعا دا كلو بصب في انو السبب الاساسي ضيق ذات اليد بعدين هناك في مرحله مهمه مرحله يتقدم فيها المغترب في السن ويقل الطلب عليه في سوق العمل ويكون هو لاهنا ولاهناك لسع في بعض متطلبات عودته لم تكتمل والعيال لم يكلمو بعد فيبقي عالقا طبعا في العاده بتكون امراض عديده عرفت طريقها اليه ولكن الاهم في نظري ان المغترب يتحول الي اله العمل النوم وبالعكس يؤدي فروضه الاجتماعيه علي مضض |
||||||||
|
|
|
05-28-2012, 05:47 AM
|
#18 | ||||||
|
زائر
|
ما بين كلام عوض خضر وحال البلد تكمن المشكلة |
||||||
|
|
|
05-28-2012, 05:29 PM
|
#19 | ||||||||
|
زائر
|
لقد أصبت أختي أم محمد بحديثك وبالذات في دور المرأة في الغربة .. دور كبير وأحسبه عظيم جدا ولو قورن بدور المرأة في السودان لكان هناك فارق كبير .. رغم أني لم أعايش تلك التجربة لكن من خلال علاقاتي أفهم أن لها دور كبير وكبير جدا فهي فعلا تلعب دور الأم والأب معاً بالذات في بلاد الخليج .. ويتخلف الحال طبعا في بلاد أوربا وامريكا لأن الحياة هناك مختلفة بنسبة كبيرة بين المنطقتين ... وسبل الراحة أوفر ... أيضاً الأستاذ عوض أشرت لنقطة مهمة وهي شخصنة الموضوع ... هي نقطة رائعة فعلا .... لكني افكر في موضوع العودة أكثر من موضوع الهجرة لأن الهجرة فعلا كلنا متفقون بأنها أتت لأسباب متشابهة بين الكل 100% .... وانت ذكرت بعض المشكلات التي يجب أخذها بعين الإعتبار لرب الأسرة (العمر - الصحة ) فكثير ما قرأت بان هناك أسر فضلت البقاء في مكان هجرتها بعد وفاة رب الأسرة بسبب خوفهم من العودة وصعوبة العيش في السودان وتفككت مث لهذه الأسر لدرجة مخيفة .................. هنا يمكن حديثي ..... كيف العودة ليك ياوطن ....... وتاني برجع ...... |
||||||||
|
|
|
05-29-2012, 04:03 PM
|
#20 | ||||||
|
زائر
|
اها اول مرة اصبت لي في شئ يا جنوى الهوي اها قمت جيتك راجعة تاني الاغتراب زمان وهسة المغترب زمان ياهو كلام ياسر مهدي الفوق دا المغترب ليو شنة ورنة , وفي سنة واحدة البيت والعربية والعطايا والهدايا ويمسك ليك الحلة التياب والجلاليب والعمم والطواقي والناس تقول فلان جا الرحمة جات و دا كان الاغتراب والشنطة ام لباب اما في وجود زي ما بقولوا وجود شماعة الازمة الاقتصادية دي , اصبح مغترب اليوم كان عندو ما يعادل مليون جنيه اقول ليك اخير انزل بيو واكسر بيو حاجز الغربة ام سنين دي , وزمن الهدايا ولى وانتهي , والواحد اشيل اجازة ستة شهور من الشهر الاول اقول ليك الكفيل اتصل علي وقال تعال , يعني ابقى في الطريقة التخارجو بيها , والجماعة المنتظرين كلامو كتار بعد ما يمشي استلم التحويلة والاغتراب بقي خشم بيوت. لذلك بعض الناس ونسبة للاغتراب ما زي زمان اتخذوا قرارهم وبقلب قوي ورجعوا السودان واستقروا , وفي ناس عندها النية بس دايرة العودة تكون مدروسة دراسة جيدة خوف المصير المجهول . الحمد لله الاوضاع تحسنت لحد ما في السودان وقرار العودة النهائية معتمد علي ظروف الناس وعشان الوالدين والابناء والسودان والاخوان والاخوات والاهل والاحباب وشوق الناس لي جزورها واصوالها , اكيد دي كلها اسباب كافية للعودة وانشاءالله عائدين انشاءالله عايدين أ خوانا المغتربين يالله |
||||||
|
|
 |
|
|
 |
 |
 |
Linear Mode
