اضحك سااي(مساطيل)

واحد الدنيا ضارباهو ومعصلجة معاهو
جاتوليلة القدر كان فى نفسو يقول عايز ابقى زي
صلاح ادريس من اللخمة قال عايز يكون زى ادريس صلاح ..
اصبح من الصباح لقى عربة كارو بى حمار واقفة جنب الباب

مسطول دخل مطعم .. قال للجرسون:" عايز واحد
".. فول .. بس يكون من غير سلطة
الجرسون قال ليه:" السلطة الخضراء
.. العندنا شطبت
"..ما عندنا غير سلطة طحينة
المسطول قال ليه:"ما فى مشكلة .. طيب أعمله من غير
".. سلطة طحينة

واحد مسطول بيشرب سجارة وبيرجع البيت يفتح الباب بالمفتاح و يرقد ينوم
مرة كان مقرش اشترى سجارتين
ولع واحدة ونسى التانية لما رجع البيت عاوز يطلع المفتاح طلع السجارة التانية
استغرب و قال ياربي أكون أنا شربت المفتاح

اتنين مساطيل قاعدين في الاستاد،واحد بيقول للتاني : تلف الميدان في كم
التاني قال ليهو : في سيجارتين


مسطول سألوه: ليه بيختو اللبن في الشاي. قال ليهم : عشان التفل يرضع

اتنين مساطيل بيتشاكلو، هل السطلة بتخليك تشوف الزول اتنين وله تلاته. مشوا لي جزار مسطول عشان يحل الخلاف، قال ليهم : والله ده حسب الصنف، بس انتو السبعة جايين ليه

مسطول دخل قفص الجداد، لقى كل جداده مبيضه بيضه واحده، قام مسك واحده من الجدادات وقسما نصين وقال لي باقي الجداد: من باكر، لو كل واحده فيكن ما باضت خمسه بيضات، بقسما نصين زي اختكن دي.
تاني يوم جا لقى الجداد كلو بايض خمسة بيضات إلا واحده بس لقاها بايضة تلاته بيضات، داير يمسكا ويقطعا لقاها بتبكي وبتقول ليهو : استر على ، انا ديك

مسطول دخل الصيدلية وقال للصيدلي : اديني سندويتش فلافل
الصيدلي قعد يجوط معاهو قالو : ياخي دي صيدلية ما مطعم. بعد شوية دخل مسطول تاني وشاف الجوطة قال ليهم في شنو
الصيدلي حكى للمسطلو التاني الحاصل، المسطول التاني قال للصيدلي : خليك منو واديني سندويتش شاورما

اتنين مساطيل في الخلا، واحد فيهم قال للتاني : دايرك في كلمة على انفراد


واحد جا لقى جماعة بسطلو بي مزاااااج زعل من الحكاية دي ، قال ليهم : حرام عليكم
ردو عليهو : وعليكم الحرام ورحمة الله ....

واحد مسطول كان ماشي بالعربية قام صدم عامود ، عاين وراه و لقى دم على العامود . نزل ربط العامود بي شاش و مشى .

اتنين مساطيل عايزين يهربوا من مستشفى المجانين، قالو نعمل خطه، لو السور طويل نقصره شويه ونهرب، ولو السور قصير نهرب على طول، راحوا ملقوش سور خالص، قالوا يلا نرجع الخطه فشلت