|
|
12-12-2011, 12:23 PM
|
#1 | ||||||||||
|
مهزلة نافع في جامعة الخرطوم *** فيديو
|
||||||||||
|
|
12-12-2011, 01:50 PM
|
#2 | ||||||||||||
|
المدير العام
|
غايتو دا انفشي فيهو صاح...........دمو محروق... لكن بكون حجرو اتغطس
|
||||||||||||
|
|
|
12-12-2011, 05:33 PM
|
#3 | ||||||||||
|
حرم يا عمار زولك دا راجل عديييييل .. دا مش محروق وبس دا كمان هبوت عديل
|
||||||||||
|
|
|
12-13-2011, 05:03 AM
|
#4 | ||||||||
|
قرت في وجوه زميلاتها سخط وهاج وتصميم بالعناد مدهون بقت شعله من الغضب النبت فيهن تمد ايدينا تقتات وتصرخ بوجع امه مره هدير غضب كاسح ومره بتنقلب لعنات شتلت في الشوارع صوت صوت بتسلق الشرفات صوت مضطر ابي يهادن صوت وطنا مصادم وحر صوت حالا وقف بدري صوت الوجعه والانات وفي حافة رصيف أغبر كانوا هناك كتايب شايلها ريحة الموت متاريس للمرق مقهور محاوله للوقوف في السيل شرازم تافهه تسترزق خيانات لبلد مطعون خوّذ لامعه وسبل اسكات مارجعت أمل حسره ولاخلت حلم بكره مع موجة جموع ساخطه أمل كانت بتتدافع مواعيد غل حلم بسام لما يهل هناك قدامها بس شبحات وتتساءل سؤال عفوي منو القال الرصاص حايهد حلم اخضر متين الموت بشيل صوت الخلوق ضمّه أمانها العازه ماجابت كتيرولدات وهز الناس حفيف طلقه وفي وسط الجمع زفر الدم المهتاج هدر لوّن خواطر الناس أمل كانت بتتداعي وفي عينيها لمع الصاح بتتمزق وفي انفاسها باقي صهيل بتتحشرج وفي جواها باقي صراخ بتطلع من دواخل الناس مع الدمعات أمل كانت بتنزل من مخاوف الناس شجر اخضر مسار دوغري وفضلوا الناس يرددوا همسه ماداخت ولااتردخت ولارضخت أمل ما بتقتلها الطلقه امل مابتقتلها الطلقه امل صوت ناس امل كتبات أمل تفريخ وافرازات |
||||||||
|
|
|
12-13-2011, 05:10 AM
|
#5 | ||||||||
|
مهما هم تأخروا فأنهم يأتون التحيه لكل الشرفاء الذين يجابهون التسلط وزبانيته اينما كانوا قادة المؤتمر الوطني صاروا كلما ارادوا مخاطبة الجموع حصبتهم الجموع بالكلمات الحارقه والهتاف الحارق والزفرات الحارقه فقبل ايام قليله تعرض غندور في دار حزب الامه اثناء فعاليات ندوه لمناصرة ثورة الشعب السوري بالهتاف المعادي حيث هتفت الجموع الشعب يريد اسقاط النظام و غور غور ياغندور ايضا مصطفي اسماعيل جوبه بالهتاف المعادي في فعاليات انتخابيه طلابيه عندما جاء لمناصرة طلاب حزبه وهاهو نافع يشرب من نفس الكأس التحيه لهذا الشاب الجسور |
||||||||
|
|
|
12-13-2011, 06:03 AM
|
#6 | ||||||||
|
وهاكم الكلام مكتوب - ( .. )من الخوف ..د. نافع ده مكتبو ما كان بدى للاسلاميين عشان يجتمعو فيهو .. خوااااف .. وبعد ما جا السلطه .. الكلام بقى تلحسوا كوعكم وما عارف شنو .. وكلمات كتيره جدا جدا جدا .. ده تأريخ .. وهذا زمانك يا مهازل فامرحى .. محمد حسن عالم , حزب البعث العربي الاشتراكي خريج جامعة النيلين كلية الهندسة .. اول حاجة في مجموعة من الحاجات الاتكلم عنها دكتور نافع و المقامات محفوظة ,, الدرجة العلمية دي لو كانت اخدها في زمن الانقاذ ما كان قلناهو ليهو ذاتو لانو في زمن النقاذ ياما اخد الناس درجات عليمة في الوضو و ما عارف شنو , انحنا الشعب السوزداني ليهو فضل انو انت قريت علي حساب الشعب السوداني و اكلت علي حساب الشعب السوداني في الداخليات و اخدت درجة الدكتورارة من جامعة الخرطوم علي حساب الشعب السوداني الانت حرمتو ابسط حقو و التحية للشهيد محمد عبدالسلام الـ عشان المرتبة جريتوهو من داخلية النصر و الزول الكتلو اسه معتمد في الدولة الاسمها السودان بتقيموهو و بترقوهو , اللي جر محمد عبدالسلام من الطابق الرابع بي راسو لحدي الواطة و كتلتوهو و بتتكلموا عن الاخلاق و الاسلام ؟ والله الاسلام برئ منكم براءة الذئب من دم ابن يعقوب . ما عندي اي علاقة بيهو (محمد عبدالسلام) لكن بنقول إذا الشعب يوما اراد الحياة فلابد ان يستجيب القدر. البنعمل فيهو انحنا ده كلو في تقديري كلام فارغ, مسألة انو نخش ليك و نناقشك و نثبت ليك انو انت كعب , و المصحف الشريف انت مقتنع بي جوه نفسك انك اسواء من وطئت قدماهو الثري .. اسواء من وطئت قدماهو الثري ( تصفيق ) و اكتر انسان ضيع الحقوق في البلد دي لكن الكلام ما مفيد .. النهاية و الفيصل بيننا و بينك الشارع السوداني ده. الفيصل بيننا الشارع وسلاح ما بنرفعو ...........واذا انت لهتك السلطة والعمارات الشاهقة ا الشارهة تقريبا ...في بري عن انك تقرأ التاريخ جيدا ....انا كنت اتمنى ان انو نافع على نافع البتكلم لينا هنا عن الاجندة الخارجية انت ما قاعد مع الناس في همشكوريب وفي دنقو المحس الناس بتعاني زيتا طالع الناس ما لاقية اتكلم لينا عن لقمة العيش الليلة الكليو بتاع السكر بي 53 جنيه في بلد فيها 200 مليون فدان صالحة للزراعة اتكلم لينا عن العيشة البقت عاملة زي الاضان وبي 300 جنيه نحن جعانين تجي انت تقيف لينا هنا وتقول شنو وبتاع يا شيخنا الشعب الجعان دا هو الحا يسقطك ... انت الليلة ما عايش اي معاناة انت اولادك الاثنين اللي قرو جامعة الخرطوم لي الليلة قرو قبول خاص ... ما بتخجل ...... ما بتخجل اولادك بقرو قبول خاص والشعب السوداني 90 في المئة منو ما لاقين اقرو وانت اولادك بقرو قبول خاص من قروش الشعب السوداني وين الاخلاق ولدك محمد نافع اتخرج من الجامعة وراكب عربية بي 200 مليون انا هسي مهندس كهرباء خريج جامعة النيلين عاطل ما لاقي شغل ومؤهل اكتر من ولدك ولد مربت تلاتة سنين في كلية الهندسة هنا وبعد دا كلو حا يتخرج ويتعين ولدك عملو ليهو منظمة خاصة عشانو محمد نافع وانا من اكفأ خرجيجين الهندسة قاعد عاطل .... انتهي ............ نقلا عن سودانيز اون لاين |
||||||||
|
|
|
12-13-2011, 06:28 AM
|
#7 | ||||||||||
|
amal
لا زالت أمل تتمدد فينا وشكلها ما طالعة من الجامعة ربنا يخليها ليك يا عوض بتك دي أمها عازة أمل كانت بتشبه فكره غاصت في خيال رسام تضخ فيهو الضحك عنوه وتجادل حفنة الأحلام تصابحو مع الدغش بدري وتودعو عند تلوت الليل لما الريح يغيب صوتها وتكون نسَام أمل ترنيمه بتسكر محكره في وتر مجنون تداعب في المدي البسّام أمل صوت النحيب فينا وفرح راجينو من كم عام بت منحوته في كل زول تفج وجعا أبا يسافر وتنسج للزهور أكمام أمل زفرة بعيد مشتاق ورحلة عوده شتويه لاحضان بيوت تدفي بالاشواق تنوم تصحي وتوّح احلام أمل بتصب وقت حرقه تسد فرقة خريف طوّل فارق جيتو من أعوام أمل طلة نشيد مفقود وحبه مزينه العنقود تباشير خطوه لي قدام عيون شافعا بدا يميز مرات تبقي فانوس في ظلام دامس يبق ينزف وضوح وانوار ومرات ذي مداد أقلام أمل زغروده بتشق الفريق فجأه وقت الناس تفتش لي فرح غايب يشب يطلع ضحك وانغام امل غرة صباح منشود مداين تستعين بالضو تفتش لي زمن ماجاء تدافع واحتشاد واقدام تعابير حلوه في وش زول بعيش طربان مع عشقو وينفض بالو من آلام أمل نقاره زنجيه بتترك في السكون رعشات أمل مندسه في صمت المغارب ذي طرب بكّاي مواعيد ريد وثوق وثبات أمل بتعطر الدنيا وتخش جوه النفوس منيه أمل نشوه بتهز الزول مع النوبه وتتناثر نقاء روحي مع المدحات أمل غنوه أمل زفه أمل ضحكات أمل ضدين ضجيج وسكات أمل توهان واثبات ذات أمل تعتيم وامل صوتا عميق وضاح أمل صحوه أمل رنات أمل موجه بتحب النيل أمل نسمه بتداعب الليل أمل ماشه الصباح تدرس مستفه بحلم تريان مفرهد وشوشه وهمسات معالم بكره بتبّق يوماتي في عيونها تخضر في النفس روعه وتنبش فينا حس يومداك أمل شقة طريق لينا وتفتح في القلب طرقات مشت مهمومها بالحاصل تلقط من عيون الناس مآسيها وتتوهج مع الذكري تجينا مع الزمان فكره فكره ترج جوانح الزول تمهد لي قدوم غنيات قرت في وجوه زميلاتها سخط وهاج وتصميم بالعناد مدهون بقت شعله من الغضب النبت فيهن تمد ايدينا تقتات وتصرخ بوجع امه مره هدير وجع كاسح ومره بتنقلب لعنات سابت في الشوارع صوت صوت بتسلق الشرفات صوت مضطر ابي يهادن صوت وطنا مصادم وحر صوت حالا وقف بدري صوت الوجعه والانات وفي حافة رصيف أغبر كانوا هناك كتايب شايلها ريحة الموت
|
||||||||||
|
|
|
12-14-2011, 04:56 AM
|
#8 | ||||||
|
زائر
|
هذا الفديو طبعا اخد سمعة في اغلب المنتديات السياسية وحتي الفيس بوك ، نسبة لما يتميز بة من قوة الالقاء والحجج والمتكلم والمستمع ، وتمنيت ان لا ينتهي . لكن ما بلغت ياهندسة . |
||||||
|
|
|
12-14-2011, 08:16 AM
|
#9 | ||||||||
|
في رسالة قصيرة لموقع الراكوبة كتب المهندس محمد حسن عالم ردا على التعليقات الكثيفة المساندة له في شأن مداخلته مع نافع على نافع : ؛رساله للشعب السوداني البطل ؛؛ صباح الخير ياشباب يازينين ليكم التحيه والود ؛؛ حقيقه انا شاكر كل الوقفو معاي وشجعوني بالاتصال المباشر او برساله اوعبر الفيس اوعن طريق التعليق علي الفيديو في المنتديات ؛ بالجد انا عاجز عن شكركم ؛ ووالله وقفتكم جنبي دي تاج علي راسي واكيد حتكون لي دفعه لي قدام ودافع لمزيد من النضال بجانب كل الشعب السوداني صفا واحدا من اجل اسقاط نظام الجوع والفقر والمرض ؛؛ اخيرا انا شايف انو في بعض الناس بقولو الزول ده في السجن ولا بكون اتقتل ؛ عايز اطمئنكم واقول ليكم انا نصييييح وماعندي اي عوجه ؛ لأنو اكيد زول وراهو ناس زيكم مافي زول بقدر يمس شعره منو؛؛ وتقبلو خالص تقديري وودي ؛؛ محمد حسن (بوشي) |
||||||||
|
|
 |
|
|
 |
 |
 |
Linear Mode
