|
|
11-30-2011, 02:48 PM
|
#1 | ||||||||
|
زائر
|
حكاية فاطنة السمحة
حكاية فاطنة السمحة كم ايام يا بت الزين تقول هى سنين كتيرة خلاص تطول وتطول واشتاق ليك وافكرفيك يجينى دعاش سمح بلحيل شايل لى سماح امى وحنين امى و يطرينى صوت امى وكت ما تصيح تنادينى تعالى ضناى وجيبى معاك فنجان شاى واقعدى حداى تحكينى وتهبش لىّ فى شعرى وتجر التوب تغطينى احس بالنسمة هابة على لامة الدنيا بين إيديا واقول يايمة حجينى تقول فرحانة ليك حاج بات خيراً جانا خيراً جاك قالوا زمان في بتاً سمحة عاد بلحيل عيونها جميلة زى القمرة فوق النيل وسبايب راسها متل السيل طويلة عديلة بس البانة قط ما ليها تانى مسيل وزى ما قالوا بتاً واحدة وإيداً لاحقة وأى انسان داير فاطنة ليهو عروس وعاد بى وين ؟ وفاطنة ابوها ما بديها راجلاً شين وفاطنة اماتا بيضاروها فى العينين وكان لى فاطنة عم محمول بسبع بنات فات فوات عليهن وحول قالن مرة كان دى الحالة ما بنرتاح ما دام ما فاطنة ماسكة الدنيا ليل وصباح شبت واحدة لازم فاطنة بس تنزاح ونواصل الحلقات |
||||||||
|
|
11-30-2011, 11:45 PM
|
#2 | ||||||||||||
|
المدير العام
|
فاطنة السمحة... تختفي وتظهر .. بنفس تاني الدخول في تفاصيلها من أي جهه ... يمنحك الراحة ........... واصل راجنك في الخلفية ............. نتابع هــــــــــــــــنا
|
||||||||||||
|
|
|
12-01-2011, 07:57 AM
|
#3 | ||||||||
|
فاطنه السمحه الاسطوره الحجوه الاغنيات القصائد كل ذلك جعل هذا الرمز الذي ينتح في ذاكرة كل منا لافته مضيئه لابد من التوقف عندها والغريب في الامر ان لكل منا نظرته لفاطمه السمحه من خلال ارثه الخاص من خلال الحجوه التي وصلت مسامعه من خلال طريقة الحاكي وقد يكون الام او غيرها و قدرتها علي جعل التفاصيل ال دسمه التي تقطر اغراءا لكن فاطنه السمحه ظلت تعشعش في مخيلة كل منا في البدايه يمكن ان تكون فتاة الاحلام او قد تكون ان الام نفسها التي تحكي الحجوه تغزل بمهاره امتدادها داخلنا او قد تكون فاطمه السمحه هي الهدف النبيل الذي يجب ان نتجه نحوه قد تكون فاطمه السمحه هي الوطن العريض بكل جماله القه سعته قد تكون فاطنه السمحه هي خيوط الانتماء شمعه تنير الطريق لاتخبوء ابدا السؤال المهم هل مازالنا ننقل فاطنه السمحه الي اجيالنا التي تحبو ونضيف اليها الكثير من المفاهيم والقيم التي تتجذر فيهم ام اننا قطعنا هذا الارث المكتنز ونسينا فاطنه السمحه هذا هو المحك |
||||||||
|
|
|
12-01-2011, 08:43 AM
|
#4 | ||||||||||||
|
المدير العام
|
عوض خضر تساؤلك دا ما لقيت غير انجر ليك دي 
|
||||||||||||
|
|
|
12-01-2011, 01:46 PM
|
#6 | ||||||||
|
عبده ياخطير ياخي دي صوره بليغه شملت انقطاع اجيالنا عن تراثنا والغريب في الامر نحن الارتكبنا الجنايه دي لكن عبارة الطفله خلتني افكر انو حتي التقنيه ممكن تستخدم لاستمرار ارثنا المتخم بالقيم |
||||||||
|
|
|
12-01-2011, 02:05 PM
|
#7 | ||||||||||||
|
المدير العام
|
الشكر والتحية لأم رهف ... وعوض خضر .. ومنتظرين جنوبي الهوا يكمل ليها
|
||||||||||||
|
|
|
12-01-2011, 03:36 PM
|
#8 | ||||||||
|
زائر
|
((فاطنة السمحة , ود النمير , فاطنة القصب الاخضر , البعااتي , ود ام بعلو او الغول)) عوالم للدهشة كانت دوماً ً كترياق لنا مضاد للأرق والخوف . .....فربما ذكر الشيء المخيف ومعرفة تفاصيله يجعله في محل المألوف الذي لا يخشى ...... لعلنا نتساءل ونحن نرى الفضائيات ومواقع الانترنت ومجلات الاطفال تزدحم بقصص الاطفال المرعبة والمليئة بالحروب والدماء لنا ان نتساءل اين كل هذا من أحاجي حبوباتنا زماااان |
||||||||
|
|
|
12-03-2011, 04:56 AM
|
#9 | ||||||||
|
زائر
|
جميلة منك تلك الإضافة للقصة أخي عبده .... أعرفك فنان منذ أن كنا بالمدرسة ولكنك أضفت للرسم بفضل الكمبيوتر لمسات وأبعاد رائعة لك التحية قصتك عن فاطمنة السمحة قرأتها مرة ومرتين وثلاث ولا أمل منها ولكن استوقفتني عفاف حمد النيل بهذه الروائع عن فاطمة السمح بإعادة صياغة للقصة بشكل يتماشي مع متلطبات هذاالجيل الذي يعشق الشعر ويدمنة حتى صارت قنواتنا الفضائية تجعل للشعر مساحة 30% مما تقدمه يوميا لك إحترامي ولتداخل الإخوة |
||||||||
|
|
|
12-03-2011, 04:57 AM
|
#10 | ||||||||
|
زائر
|
حكاية فاطنة السمحة (2) وفاتو عديل بوش البيت يا ابو فاطنة جايين ليك طلبنا يا عمى ماهو كتير دايرين فاطنة نمرق بيها نمشى نسير قال ابو فاطنة شورة فاطنة يا بنوتى عند اماتا يا أماتا خلن فاطنة تمشى وحاتا قالت اماتا شورة فاطنة يا بنوتى عند اعماما يا اعماما فاطنة نسوقها بينا امانة قالوا اعماما شورة فاطنة عند خيلانا يا خيلانا دايرين فاطنة تمشى معانا عاد ما فاطنة بت محبوبة واصلوا الشورة عند حبوبة يا حبوبة جايين ليك وقولاً خير صباح عينيك تمرق فاطنة بس ساعات معانا تسير نجيك صادات مرقة فاطنة صعبة خلاص وفاطنة الساس وفاطنة الراس ومرقة فاطنة بالحراس وكان دا القول بشتت ليكن شوال عيش وواحداً سمسم وأردب فول كان اتلمى تجنى دغيش تسوقن فاطنة وإن ما تلمى عاد معليش تف تف تف وقعن ليك السبع بنات يلمن فى الحبوب ساعات ملن فى لحظة شوالات وقالت ليهن الحبوبة: ها بنوت بقيت مغلوبة سوقن فاطنة بس غنوا با عاد يا ستى فرحوا كتير لا ناموا الليل كبير وصغير ودغشاً طلّ ليك يالله مرقن يناغمن هوى يا فاطنة ارحكى صباح بتملى دربنا كلو سماح وجاتن فاطنة ...كدى كدى جاتن فاطنة لابسة زماما دارعة الشف تقيل قداما كاسية حجولا فوق اقداما داك ياسوار قصيص سيموتا ورىّ تماما مرت فاطنة زى قمرة تضوى سماحة تضوى وسامة وماشات ليك فى درب طويل قالت فاطنة: وعاد ما فاطنة بت العز تهز وترز شن قدر قديماتا على المشى الكتير وطويل قالت ليهن : ها بنوت إخير نرتاح تعبنا كتير اجى يا فاطنةهو نحنا مشينا دابنا متين قومى ارح هداك النيل وجنب النيل شافوا نخيل تمرو جميل عاد بطلع لو فيكم مين؟ وتأتى الاجابة |
||||||||
|
|
 |
|
|
 |
 |
 |
Linear Mode
