|
|
09-06-2010, 11:29 PM
|
#11 | ||||||||||
|
[read] حنين قلبى على الشهيد تحت التراب دافننو وقلبى مع السجين خلف الحديد رامنو وقلبى مع المواطن الحر اذى ملاحقنو ديل سودانا والباقين يمين ما منــــــــو - كل يوم يمر بالمر أشيب فى همومو الليل اتلت سهران اعد فى نجومو شاعرك يا وطن فى الغربة حرقان يومو متين يروق ويضوق القدلة فى خرطومو - يمكن مافى غير الرجعة فى صندوق ويمكن يقولو لا من وين يعرفو الذوق مهما كان نفوسنا عزيزه أنفنا فوق وآخرتها مافى غير الذكرى للمخلوق - يا طير ان مشيت سلم على حبانى جيب خبر الوطن يمكن قليبو طرانى جيب نسام زلالو ال منو مره روانى جيب لمحات جمالو الاصلى مو برانى - عرج على جبال كررى وتوخى يمينك وفى اطراف مقابر البكرى احنى جبينك حلق فوق معالم البقعة متع عينك وسلم لى على الدايما بسأل وينك - أدخل ليهو بالباب الصغير دامع وفى حوش التراب اسجد تحية جامع سلم فى خشوع قول ليهو جيتك راجع اقلع بين ايديهو ال فى ضلوعك ساجع - مجكن فى الوطا تحكيلو محنى الراس ما شغلتنى عنك تب بلاد الناس وما شافتنى من غيرك مغانى وكاس ولا وسوس بقلبى الهامى بيك وسواس - محمد حن فى يثرب لانفاس مكة هل معقول صلاح فى الغربة ما يتشكى يا طير ان مشيت قول لى صديقة مكه ما بنساك حتى لو الارض تندك [/read]
|
||||||||||
|
|
09-08-2010, 07:14 AM
|
#12 | ||||||||
|
مجكن فى الوطا تحكيلو محنى الراس ما شغلتنى عنك تب بلاد الناس وما شافتنى من غيرك مغانى وكاس ولا وسوس بقلبى الهامى بيك وسواس مهذب امامك لانك محنك الي اخر النص الذي ايضا يلتقي مع هذه الكلمات في نقطه فيها تجاوز الاطر الضيقه بل هي محاولات للتسامي والاقتراب قدر الامكان من ما يجعلنا نصيخ لكل الهمس القادم من هناك احيانا قد تكون الرؤيه غير واضحه ولكنها في بعض اللحظات تبدو جليه حين لاعشق الا الكمال اخونا عارف هذه الكلمات اترعت صباحاتنا والعيد يطرق الابواب بالكثير من الحنين لك الشكر والشكر لعمار الذي فتح هذه الكوه |
||||||||
|
|
 |
|
|
 |
 |
 |
Linear Mode
