|
|
12-09-2011, 07:04 PM
|
#11 | ||||||||
|
زائر
|
يـــافاطمة الســمحة ... جيتي من وين شان تفوتي وفايتة لي وين ؟ مـا كي جاية؟؟؟ جردي الضوء من سجونه عودي لي بلد الحفايا أبقي زي خيط الشمس يكسي الجميع من دون عباية أصله من بعدك خيــارنا نموت , أونموت , يـــا نموت وبرضو تلبسنا الجناية نبقى أشخاص في الهوامش نبقى أبطال دون رباية نبقى أنوار حلوة زاهية وضاوية في مدن العمايا نبقى ألواح طاهرة كانت فوقها مدفونة الدوايا عودي يــا أطهر نقية طريقنا في بحر الخطايا مافي أطفال تاني ناموا حبوبة تحكي نفس الحكاية حبوبة أسكتي , بس كفاية كل يوماً تحكي لينا فاطمة كانت أحلى واحدة في النهاية يخطفوها !! أصله يوم ما عرسوها ؟؟ حتى لمن تحكي قصة بالفرح ينضن علينا !! قصة عن غول في البوادي في السهول , في المدينة فطومة ماسجنوك في قصة انت مــا مسجونة فينا ونحن مسجونين معــاك جوة أحزانا الدفينة !! نحن لافين بي وراك نحن راجنك تمرقي تمرقي مننا شان تجينا وتقيفي لي بحر البلايا عودي يافطومة لينا نحن من دونك عرايا .................................................. ......................................... جنوبي الهوى نحن مازلنا في انتظار إكمال حكاية فاطمة السمحة وكلنا توق لها نأمل ان لايطول إنتظارنا فيغلبنا النعاس |
||||||||
|
|
12-10-2011, 03:49 PM
|
#12 | ||||||||
|
زائر
|
حكاية فاطنة السمحة (3) شبت فاطنة انا البطلع عاد ما ابوى بدورنى ارجع إن ما خفت شفى يقع عمى بدقو ما فى وجع وكان ما خفت خاتمى يطير خالى بجيبو ما هو كتير كمان كان خفتّ حجلى يروح بدقو ابوى وبفدى الروح وطلعت فاطنة الدهب الاحمر تشبه قمراً هلّ ونوّر وصلت فاطنة الشجر العالى وبين ورتابو تبق وتلالى وديلك قالن ووب وانارى وهزت ليك الشجر الاثمر ونزل التمر الاحمر وأخضر وشالن هن التمر الطاعم وختوا لفاطمة التمر الاخضر ولامن فاطمة شافت الفوق فرحت وقالت عاد يا خواتى سمح الذوق هوى يا فاطنة دربنا عديل نوصل أهلنا قبل الليل |
||||||||
|
|
|
12-10-2011, 03:50 PM
|
#13 | ||||||||
|
زائر
|
حكاية فاطنة السمحة (4) وفوق السكة قالت التانية الما رمت حفلتها تموت حبوبتها وهن دسنها رَمَنَ الطين وشالت فاطنة كل دهباتها هاك يانيل قالت التالتة الما نفضت ريكتها تموت حبوبتها ونفضن ليك التمر الأحمر ونفضت فاطنة وطع الاخضر وضحكوا عليها ضحكة شر قالت الرابعة الما مرقت حفلتها تموت حبوبتها ومرقن ليك الدهب الاحمر وخلن فاطنة تنوح تتحسر وعرفت فاطنة ضحكوا عليها ابت ماتمشي فاضية ايديها وديلك فرحوا وفاتو خلاص خلن فاطنة بت الناس قاعده براها دون حراس وقعدت تبكي جنب النيل ومتل النيل دموعها تسيل وهبت ليها هبوباً حمره قالت فاطنة ووباً لي قالت ليها ووباً ليك من الجاييك وهبت ليها هبوباً خضرة قالت فاطنة ووباً لي قالت ليها ووباً ليك من الجاييك وهبت ليها هبوباً زرقة قالت فاطنة ووباً لي قالت ليها ووباً ليك من الجاييك وجاها الغول كبير وسمين وصرخت فاطنة من الخوف وضحك الغول لقيت لى عروس تبرد الجوف وعرف الغول وقال لي فاطنة قول معسول بطلّع دهبك شف وحجول وقفلت ليهو فاطنة اضنينو وسدت ليهو كمان نخرينو وشرب الغول موية النيل لامن كملت وفضل الطين وجاب لي فاطنة الدهب البلمع وماهو خمج من النيل بس قال ليها دايرك لي تبقي عروس وان مادرتي لحمك مني بملى ضروس قالت فاطنة اخت ليك هي ضى عينيك قام قال ليها أخواتي مية قالت فاطنة اماً ليك حنينة عليك قام قال ليها أماتي مية دايرك لي تبقي عروس وان مادرتي لحمك مني بملا ضروس قالت فاطنة حي رضيت ووباً لي من دي حالة فيها بقيت وشال الغول فاطنة في ضهرو وقام مشى بيها مشى مشى بيها ومشى وداها لي عند قصرو وعرسّ فاطنة بت الناس فاطنة الساس..وفاطنة الراس وشعرك ليهو سوّ فراش |
||||||||
|
|
 |
|
|
 |
 |
 |
Linear Mode
