لجتتنا الشعبية البردانة

السلام عليكم
‏ وبعد،،
الموضوع كبير بس أنا حبيت نتناقش عشان نصل لحل يوقف الكوارث البتحصل في الحلة دي أولا أنا مابعتذر لي زول عشان الكلام دا لأنو صاااح لحتنا الشعبية مقصرة جدا في شغلها وبل تكون حاسة بصقط ولا هماها الحاصل ومتساهية وشايفه الغلط وصامه خشمها طيب منو الماسمع بالقاعد يحصل في الحله في الفترة الأخيرة وأنتشر بكثرة طيب ح تقولو الدخل اللجنة شنو؟ اللجنة مسؤله بشكل ولا آخر لأنها قضت الطرف من أول عن الغلط طيب لو الناس دي أخدت موقف وعاقبت مرتكب الجريمة ناهيك عن العقاب البدني أو العقاب المشروع لو كلنا عاقبنا المجرم عقاب نفسي وما إتقبلناو في مجتمعنا الغيرو بيآخد العظه بس لا نحن بنقول علي الحرامي غشاو إبليس وعلي الطماع غاشاو الدنيا وعلي الزاني غشاو إبليس ولا غشتو روحو وبندي فرصه تانية وتالته لكن نحن الغشينا إبليس وفتحنا الباب وفضلناو وقدمنا لي عصير كمان ..
أها كلنا ح نقول علاقه اللجنة شنو؟
‏ الليله اللجنة لو أخدت موقف كلنا كان ساعدناها وكان إنت وأنا وقفنا في وش الغلطان وقلنا لي إنت غلطت كان راجع نفسو ولو إنت وأنا ما إتقبلنا نفس الغلطان دا كان حس بإنو هو ناقص وخلي عندو دم،
وكلامي دا ماخرف بس مجرد نقاش ياريت نفهمو وفي الآخر في كل موقف مامحسوم بنقول إنا لله وإنا إلية راجعون ،،
‏" اللهم أرحم أستاذ الهادي وأغفر له " وأرحم كبارنا وسخر لينا من يحمي أعراضنا وأعراض أماتنا وأخواتنا آمين يارب
‏ "ودمتم"