الشرطة العسكرية تحلق شعر الشباب بالخرطوم

[نضال احمد]

قامت الشرطة العسكرية امس الثلاثاء بحملة حلاقة لجميع الشباب أصحاب (الشَّعر الطويل المنسدل) حيث توقفت عدد من سيارات الجيش تحمل جنود من الشرطة العسكرية وقاموا بمطاردة عدد من الشباب (كثيفي وطويلي الشعر) واجبارهم على الجلوس في وسط الشارع وقاموا بحلاقة (شعرهم) صلعة بالمقصات والامواس وماكينات الحلاقة التقليدية
غايتو عندي احساس انو منعم الشهير بي معروف وزمرته في هذا المنتدي حيطلعوا لينا بوست فوائد الصلع الزمااااااااااان داااااااااك ويضيفو ليهو فائدة اخري

[عوض خضر]

نضال لك التحيه

مازال ابولهب يتمطي بين وسائد هذا الشرق

الشرطه العسكريه الآن صار من مهامها حلاقة شعر الشباب فعلا انها مهمه جليله

واذا اردنا القياس علي ذلك

نقول أن المهام تداخلت بين الحلاقين ومنسوبي الشرطه العسكريه

وعليه لابد لمن يريد الإلتحاق بسلك الشرطه العسكريه أن يأنس في نفسه الكفاءه والسؤال هو كيف يأنس في نفسه الكفاءه

الإجابه بسيطه أن يكون ملما بمهارات الحلاقه الاساسيه يعرف كيف يتعامل مع الموساة والمقص وماكينات الحلاقه

وليس عليه جناحا ان لم يكن يعرف كيفية إطلاق النار

هذا يؤدي بالضروري الي إعلان مهم

بهذا تعلن قيادة الشرطه العسكريه

عن فتح باب التسجيل لكل الحلاقين قديمهم وحديثهم للالتحاق بوحداتها المتمركزه في الشوارع الرئيسيه

ملحوظه الرواتب مغريه

ويامعروف اظن ان الكثيرين يتحسسون رؤوسهم الملساء الآن

نحمد الله كثيرا علي نعمة الشيب

ا

أسي بس البلد ناقصة مظهر عام ؟؟؟؟؟ وبعدين مين القال انه سدل الشعر جريمة يعاقب عليها القانون ؟؟؟؟؟؟؟؟

في السعودية محل بدا الدين الولد من البت ما بتعرفو من طول الشعر وما حصل مطوع اعترض عليهم ولا حلق ليه لي واحد فيهم

طيب وين بسط الحريات اذا انت في شخصيتك دي ما حر كيف تكون حر في فكرك او معتقدك ؟؟

اسي بس دا الناقص والبلد في الحال ده ؟

يعني اتوقع الناس ديل يمشوا المسيد يحلقوا لي الصوفيه والدراويش السايبين شعرهم ؟

يا نضال اعملي حسابك انا شايف طرف المقص حايطولكم انتو كمان لانه دي ساديه وليس نظام وما يفرق بين ولد وبت

[عبده مصطفي إبراهيم]

ذي ما قال محمد الحسن بن عوف في مسدار الحقيقة
حليل جيشنا اللكان عسكر جرارقو اسوده...
وسيفو يفرتق الدرع ابحديد والخوده...
بعد يا عبد الرحيم ادوك رسينتو تقوده...
اصبح قربه يا بسه مطرطره ومقدوده..

علي ذمة نضال الجابتو بي غادي

بس بدور أسأل
الزول البطول شعرو بحلقو ليهو
الزول المنزل بستم... برفعو ولا بدلو ليهو

اللهم لا نسأل رد القضاء ولكن نسألك اللطف فيهو


دين أبوهم إيه؟؟؟؟

[نضال احمد]

عوض خضر
قبل عام تم فتح تقديم بوزارة الداخلية اصريت علي التقديم رغم معارضة الجميع
اجتزت المعاينة والكشف الطبي وتم تبشيري بالقبول لكن تفاجأت بالنتيجة التي لم تكن في صالح جميع الناجحين
سر تداولوه المتقدمين بتلك الفترة وهي ان عبدالرحيم قد جاء بمجموعة تم تنسيبها ولغي كشوفاتنا بجرة قلم
تمنيت بذلك الوقت ان اتعرف هؤلاء الذين تم تذكيتهم علي مستوي وزارة الدفاع بالنظر
الان عرفت من هم

[نضال احمد]

عاطف علي البدوي:
المقص وليس طرفه طالنا زمااااااااااان
انت قايل الحلاقة دي الا اخلو الزول صلعة
حلقتنا الحكومة يوم ان اضاعت مشروعنا الاسلامي الحضاري
يوم ان تغيرت لدي قادتها كثير من القيم والثوابت والاخلاقيات

[نضال احمد]

عبدو :
ياخ اقطع السند او شيلا ودابنعوف واعمل رايح
ثم بما انك كركتيرست وكدا اعمل لينا رسم لي واحد بغني
الهالك مالنا وحالق شعرنا اريتو جيشنا جيش الهنا