نسوان فنانات

الفن حلا بس
بعض الفنانات من بلادى تتمتع بدرجة عالية من الجمال والحلا والجماهيرية لدرجة أنك تحب فنها وهى وناس البيت ، وإن كان الاختلاف وارد لكن فى قاسم مشترك فى نسبة الجمال ، مثلاً ندى القلعة جمال مبالغة وإيمان لندن رهيبة وريماز براءة شديدة من شدة الجمال وأفراح عصام منتهى الرقة والجاى أروع من دا ، وطبعاً حاجة ترد الروح لمن الزول يشوف فنانة جميلة وسودانية ( بريد من بلدنا مابرهـ البلد سودنية تهوى...... )،والشباب أصبحوا يستمعون لهن بكثافة ومعاها إعجاب كمان و خلو اليسا وشرين نجوى وغيرا عارفين أخبارن بالحته ولهن أصوات موهبة وابداع يحكى روعة هذاء البلد المعطاء صحى إستاهلن دا كلو
شخصياً بسمع ليهن باستمرار

تعرف يا اخوي النسوان ديل فنانات بي طبعهن وكلا في تخصصا فتجد الواحدة فنانة في طبخها وتسبك ليك الحلة سبيكة جد تحلف انك ما دقت ليك ملاح زي دا من ما خلقوك وتلحس في يدك والصحن لمن تقلبك القومة ، ومنهن الفنانة في البيت التي تجيد تنظيم البيت وتهذيبة ومرات يغباك البيت وتقول انك دخلت بيت الجيران من التعديلات الدخلت في البيت وشي رش وشي رملة حمراء وشي بخور وشي ستائر وشي ما شي المهم راقية ، ومنهن الواحدة لمن تجي طالعة تحلف ماهي مرتك من التعديلات والعمرا الدخلت فيها ، ومنهن بتاعة الحلويات والسكريات كل يوم تعمل في كيك ومر خبيز ومرة طورطة ومرة بلح شام غايتو تقد جيبك دا قد لمن ما يلقوا لية رقعة مناسبة ودا نسبة لفشل الاختيار من البداية .
واوصيكم اسعوا ليكم واحدة كدا من النوع بتاع الكسر واللوايق واختوا المفلهمة والمتعنطسة وبتاعة احشوا ليك معاكم ساندوتش لمن تتحشي ليك في سجن والله يسترنا .

ياسر متعك الله بالصحة والعافية
النسوان هيلاتنا فيهن واحدات لايجداً بعض الاشياء وتكون عارف وبرضو هى تقول اى شى بعرفوا لكن تلاوز ساى منها ( بتشُمك تانى)، المهم ياسر جزاك الله خير ونتمنى النسوان يمشن لى قدام ويقنعن من اللوم والنقة ويعفن للمقصروالمقصرة خالص شكرى

[نضال احمد]

الاخ :ابراهيم عبد السلام

السلام عليكم ورحمة الله
الفن يا اخي كما تعلمنا مهارة – حرفة – خبرة – إبداع – حدس
اما وقد ذكرت بان:

الفن حلا بس

فانا لم نسمع بهذا في ابائنا الاولين
ثم اين هذه الحلا؟؟؟؟؟؟؟؟
لا اجد فيما ذكرت من أسماء غير تكلف وتصنع ومسخ
نعم مسخ
وان تدبرت قليلا او القيت السمع
تلاحظ التشابه الكبير بين الشخصيات
حتي اصبحنا لا نتاكد هل هي ندي ام افراح ام اخري لم تاتي بذكرها لعلها حرم النور
فكل واحدة منهن قادرة علي تقليد الاخري بطريقة جعلتها نسخة اخري تااااااااااامة بملامحها وتصرفاتها
وانصرفت عن الاهتمام بما يقدمنه من كلمات والحان فانتفت عنهن بهذا الفعل صفة الفن والطرب
سامحك الله اذا اطلقت عليهن لقب فنانات
يا اخي انما اهتمام الشباب بمثل من جئت علي ذكرهن هو من أفسد الفن وادي الي انتهاء رسالته
فقد كان الناس بزمان تغنوا فيه الي العلا الي العلا
فتقدمو الي الامام
ثم اتي عليهم زمان صويحباتك اللاتي تغنين ب:
وراء وراء وراء وراء
فصارو الي الورااااااااااااااااااااا اء حتي وصلو الحضيض
كان الله في عون جيل لم يتفهم معني الفن وليس له معايير ليقيس بها الاشياء
وكان الله في عون بلدي الذي صار شبابه يستمعون بكثافة واعجاب او كما ذكرت لمثل هكذا شكليات

التحية لنضال أحمد
ومشكورة على الإضافة الجميلة ؟
طبعاً كلامك لا يخلو من زعلة لكن دا زمنا والفنانات بقدمن فن وبياخداً جوائز من وزارة الثقافة وهى الجهه المسؤولة من دا فنان ولا وإجازت صوت وشاركن مع الفنانين الكبار وأشادو بيهن ........وقالوا لهين عندكن مستقبل تجى إنتى تقولى ( الى العلا الى العلا ....... ) غنن الى العلا هن ذاتن أمشى أسمعى وتعالى