ست التسالى

ست التسالى والشاى والكسرة
كنت فى الخرطوم ورايت كيف تفكر محلية الخرطوم و وزارة الصحة ، تقوم بمطاردة الباعة المتجولين ( ناس تحويل الرصيد ، برد ، النسوان ، الطبالى وغيرهم)، لان الخرطوم عاصمة متحضرة ( إعلام بس)، سبحان الله طاردت الشرطة بت التسالى ذات العشرين ربيعاً من شارع لشارع وتم القبض عليها ومصادرت التسالى ( البضاعة ) ، هذهـ الفتاة تنضح بالإنوثة وفتانة الجسم والقامة الجميلة ، أرادت العيش بشرف وعرق الجبين فى ذلك الهجير الساخن ( نص النهار ) ، بربكم أين تذهب هذهـ الفتاة وأين تعمل وما مصيرها ، لو ذهبت الى الرزيلة سيتم القبض عليها وستحاكم أيضاً بالجلد والغرامة ، وبكرة ناس الصحة يتكموا عن إنحسار الإيدز والأمراض الخبيثة ( حمنا الله ) ، أرى فى هذهـ التصرفات يتم دفع البنات الى الغياهب ، وأحياناً يتم ضرب هؤلا أمام أعين الناس والله منظر قبيح بمعنى الكلمة ، قيس على هذاء الأساس ست الشاى مصادرة العدة وست الكسرة مصادرة الريكة ، العبرة فى حضارة الخرطوم بالمعانى لا بالمبانى نعم هؤلاء سودانيون وينبغى إحترامهم وتوفير المشاريع لهم تحت إشراف محلية الخرطوم ، ودراسة أوضاوعهم الإجتماعية لان البلد غير مستقرة ( نازحين)
أتقوا الله فى هؤلاءالعزل

ان تقوم الحكومة بدراسة هؤلاء وتوفير العمل المناسب فشي جميل ومطلوب وانا معاك في دا والاختلاف بيناتنا في القسم الاول من الكلام لو مشيت في جميع الاتجاهات ( القارات الاربعة ) من السودان مابتلقي زي الحاصل عندنا دا وخرمجة زي الحاصلة عندنا التقول نحن في العصر الحجري ستات الفول والطعمية والكسرة والكبكبي والترمس والدرداقات الفيها قصب العنوليب والفيها حلاوة حلي والفيها سجم الرماد الي اخر الاشياء دا شنو دا ؟
انا مع تنظيم الاشياء وتنظيمنا نحن زاتو لانا ناس غير منظمين وماشين ساكت واذا قدر لك ودخلت السوق الساعة اتنين فما فوق بس في سوق مدني لرايت العجب العجاب والله داير ليك بتاع حركة حتي تتمكن من ان تشق طريقك .
التنظيم مطلوب وبشدة وبعدين بنوريك مكان الفول والترمس يابتاع التسالي انت .