نكات قبال رمضان

[عبده مصطفي إبراهيم]

قد تكون بعضها معاد بس في كم واحدة اول مرة اسمع بيها

مسطول مشي يخطب بت ..
قدمو ليه كباية شاي فيها (كيس لبتون)
قال لي صاحبو : أها من قولة تيت ساوين لينا عمل!!

مسطول قالو ليهو ما هو أصعب موقف مرة بك ؟
قال:

موقف الكلاكلات

أدروب بغازل في حبيبتو بالمسجات، أهلها زروهو، قال ليهم والله دا ما خطي


مسطول اشترا موبايل سوداني لي خطيبتو وقال ليها العرس لمن الاستقبال ينتهي

مسطول سطلة شديد سمع المعلق بقول فاول لصالح رونالدو... قال أول مرة أعرف انو رونالدو عندو ولد اسمو صالح.......

مسطول شديد مشى سلاح المظلات .. قال ليهم داير أعمل مظلة للمرحوم الوالد و كده

مسطول سمع دقة في باب البيت فتح الباب مالقي زول قال ده (مسكول ) ولاشنو؟

*مسطول قال لي صاحبه أنا حلمان إننا بقينا فنانين ،،،
إنت فنان تشكيلي ... وأنا فنان أشكيلك

مسطول وزنه زاد .. مشى للدكتور .. الدكتور نصحه يمشي كل يوم 3 كيلو .. بعد إسبوع ضرب للدكتور قاليهو أنا في الحصاحيصا أواصل ولا أرجع
"دي قوييييييييييييييييييييييي ه"

*واحد نام متأخر لقى الحلم بادي

* واحد بنى بيته في شكل دائرى لمن سألوهو عن السبب قال: عشان مرتى ما تقول لى حابسنى بين أربعة حيطان


واحد مزاجى عندو موبايل تلاتين عشرة جدعو في الكوشة لما سألوهو ليه؟ قال ليهم عاوزو ينقلب إلى شيطان

* بت بلدياتنا خطيبها رسل ليها خطاب عاطفي وبين كل فقرة والثانية كتب ليها آه.. آه.. ردت ليهو: كلامك حلو لكن واحد وخمسين دي ماعرفتها؟ مصاريف ولا شنو؟

رباطابي دخل المستشفى سألوه: زيارة؟ رد: لا عمره.

السيد المدير مشكور أضحكتني كثيراً ومن غير مجاملة نكات حلوة ولا واحدة ما قديمة بالنسبة لي وأحلى حاجة تلاتين عشرة

[عارف عبد الرحمن]

شافع امو مرقت خلتو مع حبوبتو الشافع جنن الحبوبة جن شديد امو من ما مرقت اداها ليك صرخة وهاك يا بكي المهم الحبوبة غلبا نهائي تسكت الشافع.. الام لمن جات لقت الشافع عليهو حالة غريبة شي طراش وشي اسهال طوالي اقرب تكسي والحوادث لما عملو تحليل لي الشافع طلع شرب لبن مدتو منتهية (؟؟؟؟؟؟؟؟؟؟؟)

ـــــــــــــــــــــــــ ـــــــــــــــــــــــــ ـــــــــــــــــــــــــ ـ
سألوا ادروب وقالوا ليه رمضان جاء أنت صايم ..قال والله نحن رمضان بنصوم .. لكن نجهجهو ليك بالسفر

ـــــــــــــــــــــــــ ـــــــــــــــــــــــــ ـــــــــــــــــــــــــ ـ
شايقي عاوز أعرس أصحابو قالوا ليهو أعمل ساونا ,, قالوا ليه ب50 الف .. قال ليهم شطفوني ساي
ـــــــــــــــــــــــــ ـــــــــــــــــــــــــ ـــــــــــــــــــــــ
مسطول دخل مسابقة أسرع لوحة .. قام عمل نقطة .. وقال ليهم أنتهيت .. قالوا ليهو ياخي دي نطقة بس .. قال ليهم دا فيل جاي من بعييييييييييييييييييييييي ييييد
ـــــــــــــــــــــــــ ـــــــــــــــــــــــــ ــــــــــــــــــــــ
سواق تاكسي مسطول ..أشرن ليهم بنات .. قال ليهن ماشات وين .. قالن ليهو أركويت .. قال ليهن أمشن بس ما تتأخرن

ـــــــــــــــــــــــــ ـــــــــــــــــــــــــ ـــــــــــ
مسطول عجبتو بت في الحافلة لمن نزل شال نمرة الحافلة

أليسا وهيفاء وهبي ونانسي عجرم راكبين قطار
وبيتكلموا عن فارس أحلامهم
إليسا قالت : نفسي أتجوز ضابط
هيفا قالت : نفسي أتجوز صيني
نانسي قالت : نفسي أتجوز لاعب كرة مشهور
سمعهم واحد دخل عليهم وقال:

معاكم العقيد شونج يونج الشهير بأبوتريكة !!

[صادق محمد عوض]

ههههههههههههههههههههههههه ..... مشكورين تبسمك في وجه اخيك صدقة....... وانتو ضحكتونا عدييييييييييييييييييييييي يييييييييييييييييييل....

[عارف عبد الرحمن]

يمين دا طماع طمع ؟ دا داير أسويهن البلابل خلي بالك

مسطول اتصل يشاغل ردت عليه واحدة قالت ليه انت مسطول ولا شنو؟ قفل الخط وقال بالله شوف بت الكلب طلع عندهم كاشف !!!

...... مسطول اشترى سيارة شبح جديدة وهو سايقها فتح الراديو سمع هنا لندن قال إنعل أبو السرعة زاتو مرقتنا في لندن......‏

مسطول متجرس من رمضان سألوا واحد قال ليه: رمضان كيف قال ليه والله حقو رمضان يسوهو زي كأس العالم كل أربع سنوات في دولة...‏‎ ‎

روحوا القلوب ساعة فساعة فإن القلوب إذا كلت عميت وهذا من باب الترويج ، لك التحية يا أخ عبده مصطفى على هذه النكات الظريفة ، وبالجد الليلة رسمت البسمة عل وجوهنا ، ولك التحية مرة أخرى ورمضان إجمعنا.

[عارف عبد الرحمن]

عربي في رمضان سألوه الجو كيف عندكم .. قال والله جنس حر وسموم ولو ما جغمات الوضو ديل الواحد كان فطر

[عبدالمنعم]

نكته واحدة بمناسبة زيادة عدد العمالة الأجنبية في السودان:

الهندي رجع أهو في الإجارة
قالوا ليهو: السودان كيف ؟
قال: والله السودان كويس لكن كفيل شايقي ما كويس