|
|
05-19-2010, 05:09 PM
|
#1 | ||||||||
|
زائر
|
منــــتدي حلمــنـتــيـشــيات
رايكم ايــه اي زول يكتب لينا قصيده حلمنتيشيه اعجبته |
||||||||
|
|
05-19-2010, 05:19 PM
|
#2 | ||||||||
|
زائر
|
في الليلة ديك القصة ذاتها بقت عليك يا عبدو وأدوك الشريط يوم قولنا ليك أنضم معاها وكلّما أبيت تسمع كلامنا وبقيت لميض وقلته أحسن أكون تقيل أنا ما جميل وبقيت تقيل لامن سقوك موية الغسيل وجيت تنطط زي زمان وتباري بقعور الشجر كايس كراسي الخيزران .. وقعدته يا زينة الرجال.. كهربجي قال رفعوا الستار والبت تجي ومرات تقيف ومعاها يا زول ولداً حريف والوقفة كانت وقفة ولف صاحبنا بالاحساس عرف سألته والناس كلّموك ووقعته في شارع الزلط تبكي وتجعّر والعيون اتورّمت ويد القميص ضهر القميص كم القميص حتى الفنيلة اتشرّطت يا عبدو عيب قوم يلا صلي على الحبيب الواطه صبحت دايرين ننوم يا أخوانّا لأ أنا عايز أموت أقع البحر يا عبدو عيب الدنيا حر .. والموية بتسخّن عليك ثلاثة ساعات زولنا يسب ويكيل ودموعو سايلات بالكفوف وشرايطو تلمع في الكتوف بقى فيلسوف في علاقة بين يوم السبت وعين الحسود؟! ومقارنات بين الجهل والجمال!! وسوء الإختيار قال شينة قال ...! قال شينة قولنا كلام صحيح وخطيبها زاتو ولد قبيح بس ياخي قوم الواطة صبحت دايرين ننوم قام تاني جاب سيرة البحر وقام تاني جاب سيرة البحر ملحوظه كتبت هذه القصيدة في طالب في جامعة الخرطوم اسمو عبدو |
||||||||
|
|
|
05-20-2010, 04:57 AM
|
#3 | ||||||||
|
مشرف قسم العلوم والتكنلوجيا
|
والله ذكرتنى بايام زمان ياود يا عصام وناس الهيلاهوبة والجو الطب وتيراب الكوميديا وبالمناسبة هذه القصيدة بتاعة طارق امين عضو فرقة الهيلاهوبة واليك القطع الاخير منها مالكوم ومالى خلونى براى يا اللى كل يوم جاينى برائ البس بدلة تقولوا واد هاى ..... البس سلساة تقولوا هناى والله بكره باجى ساى |
||||||||
|
|
|
05-22-2010, 12:08 PM
|
#4 | ||||||||
|
زائر
|
من بعيد القاكي واقفه تلقى حالة قلبي فره كلمتين نابحاني بيهم ( موش كده ) و ( ماعندى فكره) أصلو زى الدوم كلامك واحده حلوه ودسته مره عايز اقولك انتى سمحه وبرضو بنفس الصراحه ماخده دبلوم فى اللماضه غير تخصص فى الفصاحه وبكره عقبال لما تمشي تجيبي ماجستير لداحه |
||||||||
|
|
|
05-23-2010, 12:36 PM
|
#5 | ||||||||
|
زائر
|
بت هندسه
انا راسى جاط ما بين هواك والدبرسه الفت عشرين الف بيت سبعين قصيده مؤسسه شان مره الفت انتباهه ومره اقدر احسسه يا حلوه يا بت هندسه يا حلوه يا زينت البنات يا نجمه الليل و المسا انا رغم اشكال الشتات حاضن عواطفك وحارسه انا فى هواكى بقيت فتات ودخلت عشرين مدرسه جنيت مع كلمات هواك بى قلبى قاعد اتنفسه يا حلوه يا بت هندسه كان شفتى يا بت هندسه........ خطواتى دايما بالغلط وامورى ديما معكسه يوم داك مساهر فى الهدوم وكويتا جت شان البسه لقيتا الصباح حقات اخوى وهدومى قاعده مكرفسه كان للهدوم ما مشكله بشوف لى مصيبتا البسه لكن هواك اعملو ايه دش دش عضامى وهرسه داير لى فرصه اكون قريب طبله قليبيك افلسه عشان تشوفى هواكى كيف بهدل عواطفى ودعفسه كلماتى ليك اتبشتنت ما زى زمان متهندسه حتى الشعر الكان زمان كلماتوا حلوه مملسه هسى اتلخم بقى كيف كده مافيهو كلمه مهندسه انتى السبب فى كل دا يا احلى اسباب الاسي يا حلوه يا بت هندسه انا ياخ بريدك اعمل ايه ورينى يا بت هندسه امشى واكورك فى الظلط يا ناس بريد بت هندسه كم مره قلت اقوم براى واقد معاها واحدثه لكنى ما بقدر عديل مابقدر انضم اونسه خليك من اشرح ليها حالى وحبى ليك والدبرسه يا هنايه داير اقوليك كلام اصلو السكوت فيو وسوسه انا يا ملاك انا بعشقك وما اظن بلاك ارجا المسا دايرك تكونى لى حبيبه وابقى ليكى حبيب قسا اكسيك هواى وتلبسينى نعيم هواك اجمل كسا ويا ربى كل عاشق نبيل تديهو زى بت هندسه وترعاها من عين الحسود ومن توب جمالك لبسه ويا ربى تحفظا لى براى ويا ربى تحفظا تحرسه |
||||||||
|
|
|
05-31-2010, 12:04 PM
|
#6 | ||||||||
|
زائر
|
حظي التعيس الهردبيس حظي التعيس الهردبيس الناس يرك فوقها الحمام وانا فوقي قد برك الكديس ******************* يوم انقشرت وقلت اكسح بيت عرس يوم الخميس طوالي فو تتفرتق الحفلة وتموت ام العريس ******************* حظي التعيس للترزي امشي عشان اقيس كل القماشات قاعدةface الا قماشي يدخل عليهو وياكلو تيس ******************* حظي الكعب من زمن شافع صغير بلعب اشيل النبلة اقلبا لب وتسمع رب ومن الجو يقع لي ضب ****************** حظي الدلم ما عندو دم في الكبدة يطلع لي عضم ******************** حظي الحشر النحس جواي منتشر في البسكويت القي القشر كرعي جوه البنطلون ما بتنحشر سنارتي في البحر الكبير تقبض جقر ******************** حظي الكعب حظي اللعين سايقني واصل بي وين الناس نضاف ومروقين وانا بي هناك مليان سكن وعجاج وطين ********************* حظي التعيس والدبرسة اي واحدة اكيسا يجي ود لزينة يعرسا |
||||||||
|
|
|
05-31-2010, 12:25 PM
|
#7 | ||||||
|
زائر
|
والله كلام سمح بالحيل ونحنا زمانا فات اقدلو انتو و قولوا الكلام السمح ..... خليك فاكر يا استاذ عصام انو السمح بفضل سمح |
||||||
|
|
|
06-01-2010, 06:12 AM
|
#8 | ||||||||
|
مشرف قسم العلوم والتكنلوجيا
|
سلوا قلبى وقولوا لى الجوابا. لماذا حالنا أضحى هبابا؟! لقد زاد الفساد وساد فينا فلم ينفع بوليسٌ أو نيابة وشاع الجهل حتى ان بعضاً من العلماء لم يفتح كتابا وكنا خير خلق الله صرنا فى ديل القايمة وف غاية الخيابة قفلنا الباب..أحبطنا الشبابا فأدمن أو تطرف أو تغابى أرى أحلامنا طارت سرابا أرى جناتنا أضحت خرابا ونُهدى مصر حباً..بالأغانى فتملؤنا أغانينا اغترابا وسيما الهلس ِ تشبعنا عذابا وتشبعنا جرائدنا اكتئابا زمان يطحن الناس الغلابة ويحيا اللص محترماً مهابا فكن لصاً اذن أو عش حمارا وكل مشّاً اذن أو كل كبابا ودس ع الناس أو تنداس حتى تصير لنعل جزمتهم ترابا أمير الشعر عفواً واعتذارا لشعركَ فيه أجريت انقلابا وما نيل المطالبِ بالطيابة دى مش دنيا ياشوقى بيه... دى غابة!!! |
||||||||
|
|
|
06-04-2010, 02:23 PM
|
#9 | ||||||||
|
زائر
|
لي إيــدينا بنــــــــرفع *** والعازب كلو بيســــــــمع نفوسنا كتير مشــتاقة *** للراعي دوام نتضـــــــــرع شعارنا عريس متواضع *** ياخي ياقدر اسمع أجمع نحن البايرات في لهفة *** والعمـــــــــر ولـــي وودع نحن مساكين ياجماعة *** وللجنة دوام نتطــــــــــلع لو واحد قام وأتقــــــدم *** في لحظة نلبي ونسمع *** بلاش عربيــــة خصوصي *** مالو الكداري دا هســـع بلاش من شبكة وشيلة *** بي أبســط حاجة بنقنع البيت ماشــــــرط عمارة *** دي مظاهر ساكت تخدع لي جنة نضيرة نحــــــول *** البيـــت الخرب البجمـــع ما شـــــرط تجيب تلاجة *** كفاية الزيـــــــــــر البنقع *** ما دايرين كبدة وشـية *** بي ويكة تقيلة بنشـــــــبع ما أصلو شــبابنا الودع *** ما ممكن تانــــــي بيرجــــع أحلامنا الكانت بــدري *** ما عادت تانـــــي بتنفــــــع دايرين الشاب الأغبش *** حتى لو فقــــــران ومقطع لانو الفيهو الفايــــــــدة *** ليهــــــــــــو دوام نتطلــــع حياة الســــــترة أملنا *** انشاء الله ربنــــــا يجمــــع يحن الله عليــــــــــــنا *** ونشــــــيل أيدينا ونرفـــــع *** للرب شـــــكوانا بنرفع *** والبايـــر كله بيســـــــــــمع في دربك يامـــا جرينا *** والعين الســــــاهرة بتدمع كم مرة ايدينا اتمـدت *** والرد الجــــــارح اقنــــــــــع احلامكم والله غريبــة *** وللعـــــــين بتزغلل وتذلــــع طلباتكم لينا تحيــــــر *** جايين تتواضعوا هســــــــــع ما جينا زمان شن قلتو *** يافقير يامقطـــــــع أرجــــع *** ما عندك حق الســــــــفة *** لابس دمـــــــور ومرقع دايرين العنــــــــــدو مصانع *** لو كان لي غيروا بيركع ما جينا زمان شــــــن قلتو *** يافقير يا مقطـــع أرجع في جيوبك ساكنة عناكب *** لو كان باعوك ما بتنفع دايرين العنـــــــدو الفـــــلة *** لو كان حنكوش ومدلع ما جينا زمان شـــــن قلتو *** يا فقير يا مقطـــع أرجع *** لو ماشـــي لآخر الدنيا *** تركــب رجليك تتبرطــــــع دايرين العنــــــــدو البنز *** لو يبقى عجـــــــوزاً أصلع ما جينا زمان شن قلتو *** يافقير يامقطع ارجـــــــــع يا البيتـــك مبني زبالة *** ومن غير فيضــــان يتزعزع دايرين العنــــــدو الفيلا *** لو كان صغيـــــر بيرضــــع ما جينا زمان شن قلتو *** يا فقير يامقطـــــع أرجــع *** وموكيتاً فخـــماً فاخــــــــر *** ونجفاً بالـــدر مرصــــع والكندشة فريون ضــــاربة *** وثلاجة فريــــــزر تجمع بي فيديو كاسـيت وأتاري *** نتسلى لو وكتنا نضيع ما جينا زمان شـــن قلتو *** يافقير يامقطع أرجــــع *** دايرين زنقيل ومقنــــــدل *** لو كان تمســـــاحا يبلع والعملة الحرة ضــــــروري *** والمهر دولارا يدفــــــــع وبشرط الشــيلة العامـرة *** والكرسي الجابر يلمـــع وذهباً مختوم وأســـــــاور *** مليانة الإيد للأصـــــــبع وضروري الحفــــــلة بوردي *** والكابلي اللحنو موقـع ونقضي عسل في أوروبــا *** ونطوف العالم أجمــــع بي لندن وروما وموســـكو *** وفينا المدن الأربــــــــع نلبس في الكاسي العاري *** ولو طلعت موضة بنتبع وناكـــل فاكهة طـــــــازجة *** وبالخير نتمتع ونشـبع أفلامـــكم والله عجيبـــــــة *** خلونا نحمض ونطبـــع ماجينا زمان شـــــــن قلتو *** يامبهدل أوعك تطمـع *** مد رجليك قـــــدر لحافك *** وشوف ليك طـورية وأزرع لي مين تتقــــــــدم انت *** يا قرد ياقبيح يا مبرقـــــع كيفن بتحـــــب يا أغبش *** من غير شاكوش تتفرقع لو كان بنحــــــــب الزيك *** ما أخير الموت الأســـــرع لو مت وفاتك تفــــــــــرح *** ولو عشت حياتك تفجـع ولو تبقي ضراعي الأيمن *** في لحظة بنقطع ونجدع *** ما قلنا الدنيا دي فانية *** وآمالنا مظاهـــــر تخــــدع اختاروا العندو ديانـــــة *** الديمة وشـــــــو بيلمـــــع قلتولنا خلاص انتظـــرو *** الحــور في الجنة بتنفـــــع الليلة قطـــــــركم صفر *** والعمـــــــــــــــر ولى ودع عجزتو قعــــــدتو تقولوا *** واشبابنا الأغبـــــش أجدع ماجينا زمان شن قلتو *** يافقير يا مقطــــع أرجــــــع *** ما جينا زمـــان ليه كنتو *** جاهــلننا زي الشــــــــفع ما خلاص الليلـة وقعتوا *** من قد القفة الأوســـــــع والليلة قطركــــــــم دور *** وقعتوا في وش المدفــــع رافعين الراية البيضـــــاء *** لكن هيهــات ما بتنفــــــع رافعين لعرس جماعي *** وفي العشرة ألف ما بنطمع وهنياً ليكم كبدة وشية *** بعـــد الأضراس تتخلــــــــع |
||||||||
|
|
 |
|
|
 |
 |
 |
Linear Mode
