|
|
06-22-2010, 10:53 AM
|
#11 | ||||||||||
|
عوض دكام وأبوداؤد
قالوا يوم ابو داؤود كان شغال حفلة وانتهت متأخرة ناس العرس اصروا عليهم يبيتوا في بيت العرس وفي الصباح ابو داؤود بتسوك في الماسورة برّه جات ماشة بي جنبه مرة كبيرة في السن قالت ليهو إمبارح العب ساهر بيكم يا ولدي.. قال ليها والله ياحاجّة العتب على النظر ***************************** قالوا ابوداؤود كان شغال حفلة وبعد ما غني الفاصل الاول الجماعة نادوه للعشا فعلى حسب عادته قال عاوز يتعشى مع الجمهور ،قام قعد في طربيزة ومعاه مجموعة جات الصينية الاولي عاين فيها لقاها فقهة (رقبة)..عاين للصينية التانية برضو لقي الضلع فقهة (الجماعة كانوا ضابحين خرفان كمية) التالتة برضو كدا قام نادى العريس وقال ليهو اسمع يا خوي انتو ضابحين زرافة ولا شنو؟؟ *************************** قالو ابو داؤود مشى بيت عرس على اساس انه ح يقوم باحياء الحفل ، لكنه لقى الفنان القدير المرحوم / خضر بشير واقف على المسرح ويغني.. ومعروف عن المطرب المرحوم خضر بشير انه بينفعل مع الغناء عندما وصل ابو داؤود ووجد هذا المنظر سحب ليهو كرسى وقعد يتفرج وهو زعلان جداً جداً ، وكان قدامو شافع واقف يتفرّج في خضر بشير قام ابو داؤود قاليهو ابعد كده ولا كده يا ولد هوي ، ما تقوم تطير فيك شلوفة ولاّ يفلقك اصبع ************* مرة عوض دكام جاء داخل العيادة بتاعته لقى في كشف المرضى اسم فتحي فرج الله لاعب المريخ زمان ... وبعدين ما كان شافو قبل كدا طبعا فتحي فرج الله عيونو في (نص راسو) .المهم دكام عاوز يشوفو قام ناداهو أول واحد، لما دخل عليه ، دكام اتخلع بي شناتو ، كان متخيّله نجم وجيه قال ليهو انت فتحي؟ قال ليهو أيوه أنا فتحي د. دكام ردّ بسرعة طيّب فرج الله يكون كيف ؟؟؟ ****************** عوض دكام قال فى واحد مشى يقلع ضرسو فى مصر الدكاترة قالوا ليه يا زول ما عندكم دكاترة اسنان فى السودان السوداني قال ليهم في دكاترة بس الحكومة مانعانا نفتح خشمنا *********************** عوض دكام قبضوه ناس الدورية وما بعرفوه يا زول شايل شنو فى الضهرية؟؟؟ قال ليهم جنا حرام يا زول نحن ما بنهظر فتحو الضهرية لقو بيض قالوا ليه انت بتلعب علينا؟؟؟ شايل جنا جداد وتقول لينا جنا حرام قال ليهم وده ما جنا حرام !! قبل كده شفتو ليكم ديك عقد ليهو على جدادة؟؟ ***************** قال ليك ابو داود كان بغنى فى عرس والحفلة اشتغلت لحدى الصباح، ولغاية الوقت داك العروس والعريس ما جو، فهو لا شاف ليهو عروس ولا عريس لحدي ما الحفلة انتهت، بعد ما الحفلة انتهت قام قال للجماعة فى الميكرفون انتو يا اخوانا عرسكم ده خبر ولا شنو ********************* ابوداود كان فى رحلة مرّه فى بورتسودان، بعدين الجماعة طبعاً ضابحين ومهيصين وبعد الضبيحة قاموا جابو المرارة والشيّه وبدو ياكلو، بعدين من ضمن الأكل كانوا عاملين ليهم خروف كامل معلق فى شواية والنار مولعه تحته والدخان ضارب قالو ليهو تعال يا عبد العزيز شوف المراره دي قال ليهم لالا ما عايز، انا مستنى الكمينة ديك تطلع ******************* في عيادته في بحري وهو يعالج احد المرضى ..وعنده تلفزيون في داخل العيادة ذاعو مباراة هلال مريخ ..ومعروف عنه انه دايماً بيحضرها في الاستاد ...خرج الى الصالة ووجد مجموعة كبيرة من المراجعين والمرضى ...واتلفت الى التلفزيون ورأى ان المباراة ستبدأ واللاعبين بدأوا الدخول للملعب ...فالتفت الى المرضى قائلاً انتو عاوزين الجد ولاّ ود عمو؟ انا من ما فتحت العيادة دي ما شفت لي زول كتلو ضرس امشو وتعالو بكره وما في واحد بيكتلو ضرس *********** في مرّه سايق العربية بتاعتو وقف في الإشارة اتلفت يمينو لقى حامد بريمة حارس المريخ السابق سايق "لفت باك" حمراء جديدة ضرب ليهو العربية بيده وقالليهو ياعب لو ما كورتك دي والطب بتاعي ده كانت مكاوينا تتطاقش هسه **************** ومن الطرائف التى يحكيها عبد العزيز محمد داؤود عن زوجته الفاضلة/ فوزية محمد حسين عبادي "رحمها الله" انها ابان الفترة الاولى من زواجهما.. ظلت تسأل عبد العزيز كحال اي عروسة جديده تود ان تعبّر عن حرصها على زوجها.. تساله:عبد العزيز ماشى وين ؟؟ يقول ليها: الإذاعة… هى: وحتجى متين انشاء الله ؟؟؟ هو : بعد ساعتين.. و فى وقت آخر: عبد العزيز ماشى وين؟.. هو: عندنا حفلة عرس فى امدرمان... هى : وبتجى متين انشاء الله ؟؟؟ هو: بعد اربعة ساعات ..وهكذا من يوم لآخر..وفجأة بادرها يوماً... تعالي انتي يا فوزية بتسأليني كده، انا مؤجر منك عجلة؟؟ ***************** ----------------- أبو داؤود كان سايق عربيتو أشرّت ليهو واحدة متحنكشة دايرة تملـّح وقف ليها وقام شغل شريط خاص بيهو أغنية نعيم الدنيا وهي طبعاً ما عارفة انها راكبة مع أبو داؤود في نص الأغنية سألها بتعرفي الفنان دا ؟؟ قالت ليهو .. ياي.. فنان شنو؟؟ دا حمار قال ليها قلتي شنو؟!!!! قالت ليهو قلت ليك دا ما فنان .. دا عبارة عن حماااار.. ياي ... أبو داؤود وقف العربية ونزل مشى على الباب الراكبة جنبو، قام فتحو وقال ليها.. أها بتنزلي ولاّ أرفسك . إيميل واصل طازه ياجماعة -وأنا مازول نكات لكن حبينا نفرفش زي ماقال ولدنا محمد إبراهيم
|
||||||||||
|
|
06-22-2010, 02:23 PM
|
#12 | ||||||||||
|
حلوووووووووووه ياولد.. اليلة دمك شربات جبتو من وين دا
|
||||||||||
|
|
|
06-22-2010, 02:24 PM
|
#13 | ||||||||||
|
حلوووووووووووه ياولد.. الليلة دمك شربات جبتو من وين دا
|
||||||||||
|
|
 |
|
|
 |
 |
 |
Linear Mode
