سلسلة الأمثال الشعبية

[عبدالملك مصطفى]

حبابكم أهلي الزينين رجعنالكم من جديد وبعد إنقطاع ماكان عندي فيه لا إيد لا كراع وزي ماقالوا اهلنا الزمان (الحي بلاقي ) كدي هسي تعالوا سوا نخش جوة رواكيب قدامنا ونفتح جراباتهم ونشوف في شنو خلوه لينا من امثال شعبية حروفها طاعمة ونحس بيها جوة قليبنا أهلنا قالوا
( الباع بلادو أخيرلو النجعة باولادو)
يعني الزول الببيع مشهادو وأرضه البزرعها وبترزق منها تاني قاعد لشنو ؟؟؟ احسن ليه يسوق أولاده وينجع ويرحل يعني تاني مافي فائدة من قعاده وهنا في وصية بعدم التفريط في الأرض ياها زادنا وياها عيشتنا وياها خيرنا كله
وبنتلاقى لو المولى هون

راح شمار في مرقة
المرق من دارو قل مقدارو
اهلك قبال تهلك
الجاتك في مالك سامحتك