سلسلة الأمثال الشعبية

[عبدالملك مصطفى]

( العندو الدقيق مابعدم النار)
الدقيق بإعتباره حاجة أساسية في البيت ومن الضروريات والنار عبارة عن مكمل فقط يعني الحصول على النار حاجة ساهلة مازي الدقيق والمثل بضربوه لما الواحد يكون عنده الحاجات المهمة وناقص بس كماليات ويوم من الايام كنت بتونس مع واحد وامكن يكون ده مثل لمكان ضرب المثل واحد من أصحابي كان ماشي السودان يتزوج قال لي ياخي انا ماشي اتزوج ومحتار في العروس وين القاها ؟؟؟ قلت ليه انت جاهز من كله قال لي أيوة جاهز ؛ قلت ليه اهلنا قالوا العندو الدقيق مابعدم النار يعني اكيد عندكم بنات في منطقتكم وعندك بنات اهل يعني دي ماحاجة مفقودة ولا حاجة صعبة .
نتلاقى لو المولى هون ...............

[نضال احمد]

الاخ عبدالملك
ومن هنا ايضا اقدم لك جزيل الشكر والامتنان
من امثالنا ايضا
يكبرو الصغار وينفضو الغبار
مثل كنت دائما اسمعه من الخاله طيبه طيب الله ايامها وايامكم
واليوم اعادته الي ذاكرتي قصيدة بعنوان ام الحسن
ام الحسن انسانه صابره موحده
هذه المراة التي كافحت من اجل ابناءها
فكان حصادها:
كبرو العيال درسوا العيال نجحو العيال برزوا العيال

أحمد مهندس كهربه وعمر طبيب واشراقه صيدلة بي وقار

مااضعوا لي تعب السنين أشرف زراعة مع انتصار

وماخيبو االأمل الكبير غلبوه بالصبر المحال

ونجحوا العيال حتى الصغيره سميه في أعلى المنار

كبرو العيال نفضو الغبار وام الحسن الليلة ذي ملكة ديار

فرحانه بي تعب العيال وسعيده بي فوز العيال
فالتحية عبرك للخالة طيبة ولي جدو مصطفي ولجميع الاهل