سلسلة الأمثال الشعبية

[عبدالملك مصطفى]

( يدق في البرمندي والحمار في شندي)
البرمندي للذين لايعرفونه هو عبارة عن شنكل مصنوع من الحديد وياخذ شكل الرقم تسعة ويربط عليه البهائم كالحمير والخيول ويثبت في الأرض ويستخدم بربط الحبل مابين حلقته الدائرية ورجل الحمار ؛ طبعاً هو بدقوه في الأرض بعد الواحد يشتري الحمار لكن المثل هنا بقول لينا إنه الزول ده الحمار لسة ما اشتراه من السوق وبدق في البرمندي حقه هي رسالة للناس المستعجلين في الامور وما بتأنوا ولا بتريثوا ودائما بخلطوا بين الاولويات يعني انت أول شئ أضمن الحمار حتى بعد كده امشي دق البرمندي وتم إختيار كلمة شندي أفتكر أنه لبعدها من موقع قصة المثل يعني لسة انت حمارك بعيد ؛ عشان كدة المفروض الواحد يتانى ويتريث ويقدم الأولويات على الكماليات ؛ الاهم أول والأقل أهمية بعده
لحدي مانتلاقى في مثل تاني ..... فتكم بعافية