عسل سوداني

[عبده مصطفي إبراهيم]

الشئ ذول هلالابي ساي مافي.............إرد انشالله ...."كوبي اند بيست"

[عبدالمنعم]

ها العام يمين أولادنا ما بنقـــــــدرو
وكل البلاقينا لابد نوســـــدو حجرو
ناس سـيد اللبن حرم يخـافو ويجرو
ما نحن الأسود ومريخنا فارد سدرو

[صادق محمد عوض]

سويت النضم خاتيه جت للزعيم الحربي
بنختو الكفر نعزف كمانو سقيد وحدربي
سعرانين كؤوس اوعاك تقيف في دربي
بنخمج البلد شرقا شمالا جنوبنا وغربي

[عبدالمنعم]

مريخنا العظيم مابهمو قــــــــول الواشي
دايماً للخصوم بضرب ســـريع عالماشي
في يـــوم النزال مــن غير هوادة يواسي
في نص الشباك بي كورتو داخل وخاشي

[مأمون عبد الله النور]

هييييييييييييييييع أبشروا أبشروا
إيدك فوق هازول هه
يمين ده شغل صقرية بس -نملص للجلد ولا شنو آآآناس
لا أسكت الله لكم فاها يا شعراء المريخ بالمنتدى
إنت آآزول مسعول من الخير الناس دي لما عندهم شاعر بالمنتدى ولا شنو
بشوف ود البدوي من يومها ما طلع ليه نجم عل المانع خير

تحيايت لكم
والله بداية عام بهذه الأشعار الراقية

[صادق محمد عوض]

مريخنا العظيم السم الكروف الناقع
ويا الضل الوريف اللي المقيل متلاقع
يا سم اب درق الشاق خصيمو مفاقع
يا الجدري النخور الفي الجلد متراقع

آه يانفسي من هذا الاذى المحقون
نفسي سقيمة من العافية راقد دون
أنا والله من فرق المتبر لون
بشيل الليل نويح وأرجا النهار مغبون

عندك قاهر الجن

والانس غبيوها
هيبة عنتر الكل العرب هابوها
ان سلطت على أعمار البشر ولوها
ترد الروح بعد ملاكها مايشيلوها

أنا كان عندي والي ولا صاحبي صليح
كان جنزرني مادام قلبي ماهو نصيح
بقيت في صلاتي اتذكر هواها وأصيح
أنم في الركعتين والباقي اتمو نويح

[صادق محمد عوض]

ألفح يا نسيم من الحبيب جيب ليه
الهم والبعاد في قلبي خلف الكيه
الخلاني مكتول وغيري طالب الديه
شوقا في القلب ناتح كلسع الحيه