شخصية اعجبتني ( ابوزر علي التيجاني )

ابتداءا الزول دا ما قدري ولا قريت معاهو ولا تربطني بة صلات رحمية كدا قريبة لذلك ماكنت اعرفة الا مؤخرا وحدث هذا في مرحلة الدراسة الجامعية وبالتحديد في داخلية عوينات المجمع الجنوبي لجامعة السودان والتي كان يدرس بها في ذلك الزمن تخصص مساحة المهم التقيت بة صدفة في تلك البقاع لا يعرفني ولا اعرفة الا من بعيد لبعيد وادهشني بطبعة الذي تعلمت منة الكثير الكثير فهو رجل حبوب بما تحملة الكلمة من معاني ورجل اخو اخون وكلس وجعلي اصلي فتراه يصرف من جيبة صرف من لايخشي الفقر فيعزم هذا ويدفع لهذا ويساعد هذا ويسلف ذاك وبالجد كدا لمن تجلس معة يحرجك لمن تدخل في اظافرك يكرمك لمن تقول بس وتقول الزول دا مالوا ويمكن اسوي اي حاجة حتي ولو انت لاترغب فيها المهم يرضيك بما يراهو هو مناسب ويمكن اركب معاك الحافلة او البص ويدفع لمجموعة من الناس حتي تخجل منوا غايتو الزول دا ربنا يخليهو ويجعل البركة في زريتوا بسيط ومنظم ونظيف جيب واخلاق ودقري .
الذي لايعرفة ويعاشرة بالتاكيد لمن يعرفة يكون قد وجد شيئا عظيما ، دا ماكسير تلج عشان انا داير منوا حاجة ولكن الزول دا بستحق وشاح من الطبقة الاولي بما يحمل من قيم نبيلة واخلاق سامية .
الكلام دا بسيط في حق ابوزر لمن يعرفة وان تكلمت حتي الصباح ربما لا اوفي هذا الرجل حقة لذلك اتمني لة دواما الصحة والعافية والتوفيق .