رسومات بقلم الرصاص...

[عبده مصطفي إبراهيم]

هذه الرسومات ... كلها كانت في منتصف 2007
لما كانت اليد ثابته ....... نتمني أن تعجب الجميع.....
الأولي إبن صديق عزيز جدا ...أما الثانية...واضحة والثالثة تبع النسايب

[عارف عبد الرحمن]

خطيرة والله ياولد .. وبالذات صورة الشافع وكأنك فيها متأثر بلوحة الطفل الباكي .. وصورة الشافع ما عارف ليه كأنو في ملامح لطفل أعرفه .. حلوة اللوحات .. ولو تذكر زمان في النادي كنت أنت وانور عمر ومجموعة من الشباب تصدرون جريدة بأسم الأشبال تحت أشرافي وكان أخونا عمر سعيد معجب بخطوطك ..كأنه يقرأ بحسه الشفيف مشروع فنان فنان .. يالله أنكت المدفون وجيب .. الكلام في الفن حلو وبجد مللنا كلام السياسة الماسخ..

[عبده مصطفي إبراهيم]

الأخ عارف.....كيف انسي تلك الأيام ...وكويس إنك ذكرتني إسم الجريدة....ومن الأشياء التي أذكرها جيدا
كتبت مقال بعنوان في ما معناهو " الدين بين مطرقة جهل الكبار وسندان بعد الضغار عنه" .. وفي يوم من الايام
أوقفني "عدوي الأمير" في كورنة بيتم ودار بيننا نقاش راقي جدا...إحترمت فيه وجهه نظرة
التحية له وللأخ أنور عمر
وتحية خاصة لعمر سعيد
نتمني أن يكونو جميعا بخير

تخريمة:
الطفل دا ما اظن تعرفو لان أبوه سوداني وامو فرنسية
وشاف السودان مرتين بس ههههه

والله ياعبدو الابعاد والظلال ولا كلمة...
بالمناسبة زي ما قال عارف الناس الناس تعمل brake من السياسة.......
فهذه اللوحات نواة لمنتدي الفنون الجميلة....يهدف لرفع الذوق الفني ويهتم
بالفن كثفافة (الرسم, التشكيل , التلوين, النحت...الخ), طبعا السياسة اصبحت
مبتذلة والأغاني في هبوط دائم .....
هذه دعوة لخلق واحة في رمضاء الغربة ونار الوطن,
وليست نوعا من الترف الفكري...

بمناسبة الرسم هذه بعض انواع ومدارس الرسم..( شخصيا لا اعرف سوي
نوع او نوعين منها)..
انواع الرسم :
الرسم التشيكيلي ( تشكيلي و اشكيلك)
الرسم التجريدي
الرسم التخطيطي
الرسم التنقيطي
الرسم الزخرفي

ومن المدارس الفنية:

المدرسة الكلاسيكيه

المدرسه الرمزيه

المدرسه الرومانسيه

المدرسه الانطباعيه

المدرسه السرياليه

الندرسه التجريديه

المدرسه التكعيبيه

المدرسه المستشرقه

المدرسه الواقعيه

المدرسه البناء

المدرسه الفوفيه

المدرسه الملتصقه....



بالمناسبة يا عبدو دي تابعة لأي مدرسة؟؟؟؟