الليلة حوبتك سعادة المحامي

بسم الله الرحمن الرحيم

الى سعادة المحامي الفاضل / الا ستاذ الطيب محمد عبد القادر

السلام عليك ورحمة الله تعالى وبركاته
اما بعد

القضية وليس المشكلة وهي الاسم الحركي وهنا انت الطيب المحامي وليس الطيب الاخ لو سمحت تكرمت لي بالشرف

وانا اتكلم عن نفسي ولا امثل شخص لانو ايمكن الناس عندها قلم ولا يراع , اما انا عندي اصبع وخلاص انعوج من الكلام الكتيييييييير

انا متاكدة الاسم الحركي غير مريح في التعامل بين الاعضاء وخاصة لو كانوا من قرية ومعروفين لي بعض ....... لكن لللظروف احكام

والضروريات تبيح المحظورات هسة انا كان طلب مني اسمي علي cnn ولا الجزيرة ما عندي مانع ولاكن المنتدي مستحيل في الوقت الحالي

وانشاءالله في المستقبل وعندكم تجربة سابقة وانشاءالله نملك الشجاعة لذلك .

والسكلي والرماد في الكرسي الساخن كان جد لانو انا متاكدة القعاد في الكرسي لانسان غير معروف لا يكون واضح وشفاف ودا راي

الشخصي .

والكلام دا ماخوف من الكرسي لاكن الكرسي مناسبة لانو دايما مطالبين ننزل القزاز المظلل شوية والمنتدي مليان بالاسماء الحركية

خلونا اخوة لانو والله نحن اكتر من اخوة ودا اجمل ما في المنتدي .

اي شخص فينا عندو طريقة في طرح المواضيع , واي واحد عندو اي ملا حظة عنده الضل دا اجي وقول الفي خاطروا ........

القضية قدامك

يلا يا سعادة المحامي شوف اي مخرج قانوني لانو رايك الشخصي اخير اخوانك


نزل الستارة

تحياتى ام محمد ......

رغم انو البوست موجه لشخص معين ولكن القضيه التى طرحتيها عامه ( ولو انو كلمة قضيه دى كبيره خلاص لان الموضوع مابستاهل )

بالنسبه للاسم الحركى او المستعار فى نظرى هو عادى جدا ...... لان المنتديات معروفه لتبادل الاراء والافكار فقط وليس المعلومات الشخصيه

ان كنت لاتريد ذلك فهذا حق من حقوقك ......

استنكر فكرة الاسم المستعار اذا استخدمه( رجل) ويكون هنا نوع من الغموض فى الشخصيه وممكن تتعامل معاها فعلا بحذر ........

المجتمع عادة لايتقبل فكرة المنتديات مهما كان مثقف ومتعلم وخاصه من جانب النساء واعتقد هذا مااخر تسجيل النساء بالمنتدى

نعم الناس مابتعمل شئ غلط ولا تتجاوز حدود الاحترام والادب ولكن المجتمع تربى على عادات وطقوس مغروسه فيه من الصعب

ان تتلاشى بين يوم وليله ......... نحن لم نعلن عن اسمائنا احتراما لذلك المجتمع حتى وان لم نقتنع بالفكره . واتمنى من الجميع مراعاة ذلك .

وبعدين ياام محمد سيبى الجرسه دى ....... انتى براك البتبحتى ........ مره ( تعرف على ام محمد ) ........ ومره ( ختو صور اولادكم ) ......وبعدين تجى تجرسى .

غايتو انا شايف انو الواحدة او الواحد لو ما داير يفصح ان اسموا الحقيقي ومستخدم اسم مستعار لاسباب يراها هو مقنعة فلة مطلق الحرية في ان يختار ما يراهو مناسب وربما يكون ان الاسم المستعار عاجبوا فاري من الديموغراطية ان نترك للناس حرية الاختيار لة ان يفصح ان اراد ولة غير ذلك .
لكن دائما الاسماء المستعارة في المنتديات بتجي لاسباب امنية خوفا من الملاحقة والمضايقة دا ما اراه وشايفوا في الكثير من المنتديات التي اغشها وامر عليها وبحكم تجربتي بيها .
ام محمد اسم جميل وام رهف اسم جميل واسماكم بالتاكيد جميلة نتمني لكم لحظات سعيدة معانا .

الاخت ام محمد والاخت ام رهف
لكم مني خالص التحية والسلام عليكم ورحمة الله
في الحقيقة الاسم المستعار اذا استخدمه صاحبه وذلك تمشيا مع العادات والسلوك الاجتماعية التي تحكمنا او بالاصح التي تقيدنا كمجتمع شرقي خصوصا نظرتنا الي النساء فهو مقبول ومنطقي
عموما وجدت لكن العذر يا اخوات مهيره
ولكن ان يستخدمه شخص لغرض المهاترات وافتعال المشاكل فهو غير مقبول او الهروب من ملاحقته اذا ما اخفق او تخطي حدود اللياقه فهو نوع من الجبن وعدم القدره علي المواجهة
الاخوات الكريمات
في الحقيقة كل نظره سالبة من المجتمع تجاه اي امر ان لم تواجه بحزم وحسم واصرار ستظل سالبه - لابد ان تكون قناعة اي شخص بما يفعله قناعة تامه وكامله
الجلوس مع النفس ومحاسبتها يوميا يقوي العزيمة
عندما كنا اعضاء في رابطة ابناء فطيس للجامعات والمعاهد العليا لم تتجاوز عضوية الرابطة 50 شخصا من الجنسين
وحينما اقمنا الاسابيع الثقافيه كانت مشاركت الاعضاء من النساء قويه وفعاله مما جعل نظرة اهلنا في القرية نظرة امتنان واعجاب بهن
وقد كسرنا في تلك الحقبة نظره سالبة كانت موجوده وكسبنا احترام الجميع
واعتقد انكن تعرفهن جيدا ولا اريد ان اذكر الاسماء
انا لا اعرف نظرة اهل القرية تجاه اعضاء المنتدي ولكن اهل مكة ادري بشعابها وذلك لبعدي من القرية وانشغالي بعملي في العاصمة
عموما
لكن العذر و ان شاء الله تتغير نظرة المجتمع مع تطور حركة المجتمع والامثله علي ذلك كثير
منها نظرة الناس لتعليم المراة في بدايته
مع خالص احترامي

[نضال احمد]

والله الشهادة لله كل ما حاولت امنع نفسي من التعليق غلبني عديييييييييييل كدا
والغلبني دا هو شنو؟؟؟؟؟؟؟؟
العبارة دي

واسماكم بالتاكيد جميلة نتمني لكم لحظات سعيدة معانا .

قدر ما اقراها وعلي طريقة اعضاء فرقة الهيلاهوب بتاعت:
- فلان انكسر مرقدنو في مستشفي العظام
-عصام محمد نور هيييييييي يكااااااااااااااااا
طوالي اول ما اقراها اررد
-اسماكم بالتاكيد جميلة
-جميلة بوحيرد ................
وعلي ذكر هذه الجميلة
والله يا حليلا جميلة بوحيرد بي زمنا اندرشت درش في المنتدي دا ما لقت زول اتعاطف معاها غايتو بما انها اسي ما موجودة فما في داعي للغيبة واذكروا محاسن اعضاكم الغيرو اسماهم الحركية
وبالرغم من انها مدعاة لفتح عمل الشيطان
لكن جميلة لو عارفا ممكن تلقي التعاطف دا كلو كان سجلت بعد ناس ام محمد وام رهف ونابا من الطيب نصيب

مشكورين ياكرام
طبعاً أنا لا عارف أم رهف ولا أم محمد ولا أم صفقاً عراض على الطلاق نضال دى قالوا لى بت عمك صاح ولا كضب ما عارف بعدين كضاب البعرف بالشفع الكتار ديل ربنا يحفظهم وكلهم بنات بس ربنا يزيدهم أكتر شخصياً ماشايف فيها حاجة لو الزول كتب إسموا ما دايرة محامى عشان يقول داير أعتاب ، غايتوعندى تجربة مصادق زول فى الفيس ولد طلع بت وبت طلعت ولد بحسبان درسوا معاى وكدا عشان كدا الوضوح زيو ماف وبنات بأسماء أولاد والعكس أيضاً
وبرد على زول ولد بت وبين الاتنين
أظن الفنان قال كدا :
قبال تغير رايك كوس الدلائل جيبا بدل تفوت بالمرة أخير تتحرى