فطيس- السوق - المدارس - الشفخانة في الستينات

فطيس هي اكبر قرية في المنطقة وبها سوق كان عامرا جدا في تلك الفترة وكما ذكرت في حديث سابق كان التجار والفراشة يأتون لها من حدب وصوب لعرض بضايعهم والسوق بالشكل الحالي غير انه لايوجد دكان مقفل كل الدكاكين كانت مفتوحة وشغالة , الصف الامامي من ناحية الشرق من محمدصالح شامة/ جعفر/ ابراهيم الحسين/ ودكان الحسين-ادارة مهدي والطيب الطاهر /ثم عبدالله محمد احمد /عبدالغفارحامد/ قهوة نصر /دكان محمدابراهيم سالم/ الطيب الفكي عبدالله/قهوة ابوزيد/وقهوة الجاك ابوكريع / الناحية الشمالية/علي الجاك/ابراهيم الحاج /الطيب محمد احمد/ واحدمن الشوايقة نسيت اسمه/الامين احمد/محمدعبدالعزيز/محمدالحسن ودزريق/حسن كري/ الناحية الغربية /ودكان فنقلن/ الصديق بادي/ماعداحمدابو النويري/ناصر /ودةكان متزوج سكينة قبل فتحوالجاك وعنده ولد منها اسمه عبدالكريم الان في فداسي بلد ابوه /يوسف ريس/ ثم قهوة حجازي المشهورة/عبدالحفيظ السيد ودةوالد محجوب عبدالحفيظ رحمه الله بتاع الصلات الطيبة/ الناحية الجنوبية/عبدالحميد جد عبدالمنعم والد امه /محجوب ابوطليح/احمد السيد/ابرهيم فكي حسن/ سعدعدلان/سيداحمد بابكر/محجوب التنقاري/سليمان النضيف/واخيرا حدباي /,,داخل السوق توجد العشش وهي الانكشاك الفيها احمد البشير وكانت اتجاهين يفتحو شمال وجنوب لبناحية الشمالية يسمو التشاشة وهم يبيعون / حبال الوسار من السعف والسعف ومشتقاته /القفاف /المقاشيش/بالاضافة الى البلح/ اللالوب/النبق/ جميع انواع اللوبة/السمك الناشف (الكجيك) وهم واحداسمة عثمان ال؛؛؛؛؛ حمزة الكلحي سعد يوسف/علي ابراهيم الشيخ/صديق العبيد الجعلي/ الناحية الجنوبية فبها الحلاقين/حاج عبالله/ حاج حسن/ حاج يوسف/وواحد من اللعوتة اسمه سنكرة,,,,,,, الجزارة بوضعها الحالى والجزارين كانو كثر /ابراهيم الحاج ومساعده شرف الدين هجو/يوسف تنقر ومساعده حاج مينا/ ودعمرومساعده محمداحمد (جرم جرم) خضر ومساعده سعدالله /كباشي السيد ومساعده عبدالفراج/ وكان سعد ابوزوعة رحمه الله يرحل من السلخانة الى الجزارة بمساعدة جمعة محمود,,,,,,كمان السوق كان فيه ادبخانات واحدة شرق واخرى غرب وكل واحدة فيها اربعة مجالس
اما المدارس كانت مدرستين بنين وبنات وبكل مدرسة ناظر وثلاثة معلمين ومدرسة البنات الطاقم كله نساء عدا عمنا حاج حسين وهو خفبر المدرسة رحمة الله عليه
الشفخانة هي الوحيدة فئ المنطقة وكان فيها مساعدطبي وممرض وفراش وسواق لانو كان عندهم سيارة اسعاف مجهزة لتوصيل الحالات المستعجلة الى مستشفى ابوعشر والبنزين كان يصرف من المكتب
ميدان الكورة كان غرب السوق وكان عندهم دوريات رياضية قوية جدا وهي /كأس الكتب تشترك كل القرى التابعة للمكتب /كأس القسم والقسم مكون من مجموعة مكاتب ثم اخيرا كأس المشروع وهو مكون من مجموع الاقسام
الطاحونة وهي الاخرى كانت وحدها في المنطقة واقرب طاحونة ليها في الفريجاب وكان صاحبها هو مساعد وداحمد ابو النويري,,, لو نسينا سئ بنرجع ليكم,,,,,,

والله سرد جميل جميل جميل ورائع وممممممممتااااااااااااااا از سبحان الله الناس بتتقدم ونحن بنتاخر شوف زمان كيف واان كيف

واصل الله يديك العافيه

[صادق محمد عوض]

الصور رائعة..... واصل ...... نحن نتابع الماضي كلمة........

[عارف عبد الرحمن]

عبدالله خير الله ... الله أديك العافية والله الواحد جسمو قام نمل نمل وأنت بتسرد في التاريخ الجميل دا وفي بعض الاشياء المذكورة بتذكر منها حاجات وفي بعض لا أذكره بس عشت زمان كان والله أجمل .. بس أسعاف الشفخانة ما بتذكرو بس بتذكر أسعاف المحطة وعمنا عثمان الحاج .. ومحيسي وحاكم خالد وعبدالغني من طابت وواحد من الحلاويين نسيت أسمو وبتذكر مصري وحسين أخوه وأيجار العجلات وعبدالغفار وكان بيتو بيت محمد النضيف الآن وسليمان السيد وعبدالحليم العياشي وعلي الأمين وحسون ومحمود الترزي والشاذلي النجار من طابت وجودة كسار الحطب مع جدنا محمد عبدالرحمن واليمانية والحبش الكانوا ببيعوا الرغيف للحلال المجاورة وواحد من تنوب وواحد من المريبيعة كانوا سريحين بالرغيف وكبانية السواق مع المرحوم الجباقي والصعيليق مع الفنقلن وجمعة المساعدي وأحيانا غسال .. والله سرحت مع الذكريات الحلوة ولو بتذكر عربية سعيد الدود السوداء وتاكسي مصري الأسود بالأبيض والكنده بتاعت محمود الكلب والبولمان حق حسن محمد عبدالرحمن والأخر عند حسين بخيت .. أوعي تقول لي عجوز ومأمون ما يسمع ؟؟؟الكلام دا بيني وبينك

الاجلاء عاطف وعارف وصادق وكلها صفات جمبلة اشكركم على المرور وعارف ذكرني بعض الاشياء ومنها انو كان عندنا مكتب بوستة وكبانية اتصال ولكم منها هذه الذكرى في العام 1962 م كنت مرسل السوق اجيب غرض ما فناداني المرحوم محمد الحسن فنقلن وسألني ياولد بتعرف عمك محجوب ابوطليح قلت ليه بعرفو قال لي امشي فول ليه ولدك على التلفون عاوز بكلمك ,,,, هل تدري انو ولده كان يدرس في تشكوسلفاكيا ,

[Amhar]

[marq]حقيقة أم أحلام .. كل ذلك الجمال .. وكأن القلم يكتب بالعطر فيا له قلمك يستقي من روعة الماضي ويساير اللوحة تلك التي
تسكننا حد النخاع .. أو أنها دمنا الذي يجري.. او أنه واقعاً يرتسم نصب خواطرنا الملتاعة بجمالهم .. أجدادنا .. .. هم خلقوا
ذلك الماضي الجميل بحضورهم وبوجودهم .. أو أنه قلمك نكاد لا نريده أن يتوقف طالما أنت وطالما هم وطالما نحن .. ..[/marq]

[عبدالمنعم]

Originally Posted by عبدالله خيرالله الحسن

ميدان الكورة كان غرب السوق وكان عندهم دوريات رياضية قوية جدا

الأخ عبدالله كانت ميادين الكرة في المساحة شرق المدارس مكان ثانوية البنات الحالية الميدان الشمالي وهو الميدان الرئيسي (ميدان النادي)وهناك ميدان من الناحية الجنوبية وهو خاص بالمدراس. يجلس الجمهور في الناحية الغربية للميادين وكانت تظللها أشجار الكتر الخاصة بحوش المدارس ويجري على طول هذه المساحة جدول مياه دائم الجريان يخترق كل هذه المساحة مروراً بمنزلكم حتى المركز الصحي والمدارس الإبتدائية .. أمام هذا الجدول يجلس الجمهور لمشاهدة التمارين اليومية والمباريات ولك أن تحكي لنا عن لاعبي تلك الفترة .. أنا ماذلت أذكر عمنا علي فحيل وهو يرتدي الزي الأسود الخاص بالحكام كأشهر حكم في تاريخ فطيس

الاخ عبدالمنعم انت تتكلم عن فترة السبعينات وهذه فعلا فترة ثرة جدا وسوف اتحدث عنها باذهاب لاحقا

والله باعم عبدالله ده كلام جميل وياريت بس الكلام يترتب شويه واكون توثيق كامل ويكون مقسم لي مواضيع بالاشخاص او الاماكن او المهن وناخدهم وممكن يكون في ناس يساهموا معاك ويذكروك البفوت عليك وده في رايه مش موضوع ونسه وينتهي ده ممكن يتنظم ويكون موضوع لكتاب ونحن قاعدين والله ماورانا اي حاجه والفوره مليون