مالذي يجعل الاحتجاجات في السودان اقل من المسوي المطلوب مقارنة بما يدور حولنا !11

كلنا ( اي الشباب ) نعتبر اولاد الانقاذ يعني اولاد عمر البشير
واماتنا بقولن لينا ابعدو عن السياسه ويوجد نوع من التخويف من السياسه
يتتجسد في عده عبارات والحته دي زرعتا الانقاذ في كل الناس طبعا


المهم انو ده نفس الحاصل في التعامل مع المظاهرات قبل ما تقوم في عناوين الصحف علي لسان نافع وغيرو
وبعد داك المظاهره بتكوين احزاب بس
كلام نافع ما بخوف الاحزاب بس شال باقي الشباب
ناس الاحزاب في البخوفن
ناس الشرطه البملو الواطه علي خبر من الفيس بوك بس
لو كنتو ماشين اثنين سوا وزولك زحا منك بعيد كورك لي
بس براحه
وشوف عيني جلدو البنات ديل جلد ماشات في الشارع ساي بس كان في واحد داير يقوم المظاهره
طبعا زي البت حا تنجب اولاد بخافو من الانقاذ

وطوالي

[محمد ابراهيم احمد ابراهيم]

لماذا نحن نحاكى نقول مصر وتونس وليبيا واليمن الخ
السؤال هل نحن نحتاج الى تغير النظام الحاكم فى السودان ولماذا التغير هل هناك احزاب جاهزه لكى تكون البديل
انا فى فى نظرى الخاص نحن لانريد تغير النظام بل نحن نريد تغير السياسات وايضاً هناك شى مهم جداً ان يكون لنا ضمير وان نعمل لاجل السودان
نحن الان بقينا دولتين جنوبا وشمالا المفروض ان تجتمع كل الاحزاب السياسيه لتعمل على علاج كل المشاكل الداخليه ومشكلة دارفور والموتمر الوطنى فتح الباب للجميع لتشكيل الحكومه العريضه وسيلتقى الصادق المهدى بالبشير قريبا
اتمنا ان ينصلح الحال السياسى فى السودان ليكون احلى مكان

[عوض خضر]

محمد ابراهيم الله يديك العافيه

سررت لمرور شباب المنتدي ( جيل الانقاذ ) كما سماهم الابن عصام علي الموضوع

الذي يشغل الناس الان

فهم علي الاقل اقرب لفهم عقلية الحكام الان

محمد ابراهيم اثرت سؤال مهم وعلينا نحن ان نجيب حسب رؤيتنا

واشكرك علي اثارة السؤال لاننا تجاهلناه في طرحنا

ليس المطلوب طبعا نسخ ماحدث في مصر وتونس واليمن وسوريا

ولكن المطلوب ديمقراطيه حقيقيه تجمع كل الفرقاء تحت سقف واحد

وانا اقصد هنا فرقاء السلاح اي الذين يحملون السلاح ويناصبون حكومة المؤتمر الوطني العداء

والفرقاء الذين لايرون لحمل السلاح داع ويبحثون عن وسائل سلميه تؤدي الي خارطة طريق لازمتنا الحاليه

والفرقاء الذين يحملون السلاح ولايظهرون الان عداوتهم ولكنهم في كامل الجهوزيه للعوده للمربع الاول

قد ينبت هذا الطرح سؤال آخر اين هذه الازمه التي تتحدثون عنها وقد يكون السائل لايري في مايدور ازمه

ولكننا نري ازمه وبوادر تشظي ودعونا نعدد

النشطاء السياسين في المعتقلات حتي كبار السن والمرضي

الصحف تصادر وتغلق دورها دون سابق انذار

المواكب السلميه تسحق ويزج بافرادها في السجون

الفساد طال قمة السلطه باعتراف السيد رئيس الجمهوريه

المؤتمر الوطني يستاثر بسلطه نتجت عن انتخابات صوريه

الغلاء الطاحن قضي علي امال كل السودانيين في دحر شبح الفقر

بلادنا مستباحه لكل من هب ودب

فشل مشروع الانقاذ فشلا ذريعا ومايحدث الان كنكشه تخدم مصالح مجموعه معينه


وقس علي ذلك فمازال في الجعبه الكثير