سؤال عن الاخوة الغياب

[عارف عبد الرحمن]

يا جماعة وين الاخوان عوض خضر وعبدالمنعم .. مختفين .. عاوزين تلحقوا الجماعة ..؟ ما عندنا مانع أكون جماعي ونختفي معاكم .. عوض طبعاً بجهز للسفر .. طيب منعم بجهز لشنو ؟ الا بجهز لرمضان .. طبعاً فقدنا الأمل في معاوية وأمير ( خلاص بطلنا نجيب سيرة الصلعة تعال راجع ) وكمان اخونا جنوبي الهوي ووليد علي صديق وكابلي وود المبارك ودجرجور ويوسف طه وعصام محي الدين ومحمد أبراهيم وياسر مهدي وكثيراً منهم فاتني ذكرهم .. الناس دي مشت وين ؟؟ عاوزين دفتر حضور لازم يسجل كل واحد قبل الدخول

[عبده مصطفي إبراهيم]

القائمة طويلة يا ابوعبدالرحمن
إلا تشيل تفتر غيابك دا وتمش لي الفيس بوك

علي حسب علمي ان الاخ عبد المنعم في اجازه من العمل
لكن علاقة الاجازه بغيابو شنو انا والله ما عارف يا اخونا عارف هل لديك تفسير
اخونا عوض مفروض يكون وصل السودان يوم 25/7/2011
ونتمي له اقامة طيبه في وطنه الحبيب

[محمد ابراهيم احمد ابراهيم]

والله يا عارف موجودين بس مشغولين شويه وحياتك اليوم بقى ما بكفى بس دا حال الدنياء
تحياتى لك اطنان ربنا يخلينا موجودين من داخل المنتدى ومتواصلين بلا انقطاع ..........

[عبدالمنعم]

الأخ عارف

يظهر أنني أدمنت المتاوقة كالآخرين وتسوءني حالة الركود التي أصابت المنتدى وبالذات مجهوداتك مع الأخ حيدر التي لم تجد التقدير رغم ثرائها
منتديات قرية فطيس تحتاج لتضافر الجهود والغريبة أنكم تبحثون عن طرق لتفعيل دور النادي من خلال المنتدي والمنتدى نفسه يحتاج لشاشة خمسة شنكل لتفعيله وجذب الأعضاء

كتر خيرك لسؤالك عن من طال غيابهم ويا ها المحرية فيك

Originally Posted by عبدالمنعم

[right]

[gdwl]الأخ عارف

يظهر أنني أدمنت المتاوقة كالآخرين وتسوءني حالة الركود التي أصابت المنتدى

[/gdwl]


الاخ منعم ربنا يزيل الدبرسة والاستياء وتعود للمنتدي ولك العافية....
أنت أحد أعمدة هذا المنتدي وانهيار أحد الاعمدة خطير جدا...
فبالله خلي التصريحات الخطيرة دي...ممكن تتقبل مني او من اي زول تاني
بس انتو لأ...
خليك زي مدير الموية قالوا ليه تستقيل قال دة زي التولي يوم الزحف؟؟؟؟؟؟؟؟؟؟؟؟؟؟؟؟؟!!!!!! !!!!!!!!!!!!

[عارف عبد الرحمن]

أضم صوتي لصوت أخونا ياسر .. انت مش ركن أساسي أنت كل الأركان والدليل أن المنتدي فقد طعمه ورائحته المميزة وبهاره وحداقته .. أنفض عنك الأحباط عشان ما نفقد آخرين من الأعمدة المهمة زي معاوية وامير وعمر وكل من أثري المنتدي بالجميل .. وبسببك شوف وينو حريش الدين كمان فترت همته وبقي أتاوق ترضية بموضوع وازوغ .. لكم التحية والتقدير

[عبدالمنعم]

الإخوة ياسر وعارف

لكم التحية والتقدير وبارك الله فيكم

يجب أن يلتف الجميع حول المنتدى والمحافظة عليه ومن هنا نناشد الجميع بالعوده القوية .. تسجيل الدخول دفعه قوية والرد على مشاركة دفعه أقوى و إضافة موضوع جديد كالتبرع بالدم ينعش المنتدي ويزيده حيوية.
تقديراً لمجهود أخونا عبده يجب أن نحاول الإرتقاء بالأداء داخل أروقة المنتدى ما شاء الله الإستايل الجديد روعة وكمان جابت ليها ونسة وفيس بوك ومن اليوم دا الناس الحايمين في ترعة الفيس ديلك .. ناس أمير خلاص بقو مكشوفين وما عندهم عذر