بلد رايح للشاعر السوداني الطيب عمر الدوش

بلد رايح للشاعر السوداني الطيب عمر الدوش

حأسأل عن بلد رايح
وافتش عن بلد سايح
واسأل عن امانينا
اللي ما بتدينا
صوت صايح
وأسأل وين مخابينا
إذا جانا الزمن...
لا فح
واسأل عن بلد مجروح
وعارف الجارحو ليه جارح
وابكى على بلد ممدوح
وعارف المادحو
ما مادح
واحلم بي حلم مسروق
لا هو الليلة
لا امبارح
أعلق في جناح سفري
خطابات لي زمن فجري
وادخل من درب سري
لكل مضاجع الأحزان
واضفِّر من شجر بلدي
بروقاً مارقة من صدري
حأسأل عن بلد غاطٍ
لحدِّ الليلهْ في الوجعة
أَنط فوق سرجي واتْحزَّم
أقوم من وقعة
لي وقعة
أخُتْ ايدي البتوجِعْني
على السأم البراجِعْني
واسأل..
يا وطن يا بيتنا
ليه شوقك مواجهني
ليه حبك مجهجهني
وليه تاريخ زمن خسران
موكّر لسَّه في شجني؟
حأكتب لي شجر مقطوع
مسادير