الكــــرسي الســــــــاخن..يجلس عليه (-)

اهلا وسهلا بام محمد على الكرسى الساخن وحجز فى الصفوف الاماميه ، واخونا عارف ماقصر جاب ليك

كرسى افتح النفس ، مستنين مديرنا العام ادينا الاوكى وبنجى راجعيين .............

[عبده مصطفي إبراهيم]

والله كدا حيرتونا نختار منو.....لكن لقيت لي سبب
أم رهف القال ليك منو ام محمد
تعالي .....اقعدي هنا
...............................
تم إختار ام رهف ....واتمني ليك....أجمل الأوكات
.........................

الاخوه الكرام
السلام عليكم ورحمة الله
حقيقه قبل ما ابداء بسؤالي لام رهف
ام محمد ما باقي ليها الا تقب الرماد في راسه وده جرسه عجيبه والله لا حكة ولا بقت
وبقوليها كتلوك ولا جوك جوك
عموما لدي سوال واحد لام رهف عليه ابني بقية اسئلتي
السؤال هو
رهف اسمها الرباعي لو سمحتي

نقطة نظاااااام ...... قبل ما تبدأ أم رهف فى المداخلة أى اجابة مبهمة او مبتورة او رمزية او دبلوماسية ... مردودة ومرفوضة وينبغى ان يترتب عليها شرط جزائى
بسحب كل مشاركاتها من مديرنا العام .... اعتقد الجميع بتفقوا معاى الراى ..... شنو ليكم ياشباب شغل نضيف ولا ما نضيف ؟ يلا يام رهف الكرة فى ملعبك بكل شفافية
انتى قايلة الدار طلق ؟

لك التحيه استاذ عبدو وشكلك بتنتقم ( انا الودانى ابحت فى البوست دا شنو ) .

ام محمد كنت اتمنى ان تجلسى انت على الكرسى ....... بس الظاهر حنو عليك من المناحه العملتيها دى .
__________________________________________________ _______

كل امنياتى ان اكون بصحبتكم نعانق الاحرف بكل رقى وتحضر .. نوجد لانفسنا كيانا يرقى بنا ونرقى به

فنحن احرف ازدهت حسنا وارتدت ثوب العفاف دثار فلتكن كلماتنا قويه، واضحه، شفافه .

(بعيدا بعيدا عن الاسئله الخاصه )

Originally Posted by يوسف سعد

نقطة نظاااااام ...... قبل ما تبدأ أم رهف فى المداخلة أى اجابة مبهمة او مبتورة او رمزية او دبلوماسية ... مردودة ومرفوضة وينبغى ان يترتب عليها شرط جزائى
بسحب كل مشاركاتها من مديرنا العام .... اعتقد الجميع بتفقوا معاى الراى ..... شنو ليكم ياشباب شغل نضيف ولا ما نضيف ؟ يلا يام رهف الكرة فى ملعبك بكل شفافية
انتى قايلة الدار طلق ؟

تحياتى استاذ يوسف .....انا موافقه على الشرط الجزائى اذا كانت الاجابه غير( مقنعه ) فقط ولكن لا بأس ان كان فيها شئ من الدبلوماسيه ...... ماتحكوها شديد يعنى .

أم رهف انتى الان مطروح ليك سؤال من اخونا الطيب وواضح قاليك الاسم رباعى ونحنا فى انتظار اجابتك وبنعرف كل ناس فطيس حتى الشفع الصغار ... دى دايرة ليها
دبلوماسية .... زمنك دا كلو خليناك تبرطعى ساااى فى المنتدى انتى كنت ناسية اليوم دا يلا جاوبى ... والدور جاى على ام محمد

[عارف عبد الرحمن]

ياجماعة الخير خلوها في الأجوبة وافتكر ما تأتي به من مواضيع يشفع لها ومافي داعي تحكوها معاها للآخر .. البنية متجرسة .. ونحن أتفقنا قبل كده العضو ياخد راحتو وأسمو لو الأصلي أو الحركي دا شئ خاص .. وما دام وهي دايرة كده .. دا من حقها .. صُح ولا ما صُح يا ام رهف
طيب من هي أم رهف ـــ طبعاً ما قاصد الأسم ــ
مراحل التعليم والوظيفة الحالية ؟؟ أسئلة بسيطة مش كده

Originally Posted by الطيب محمد عبد القادر

الاخوه الكرام
السلام عليكم ورحمة الله
حقيقه قبل ما ابداء بسؤالي لام رهف
ام محمد ما باقي ليها الا تقب الرماد في راسه وده جرسه عجيبه والله لا حكة ولا بقت
وبقوليها كتلوك ولا جوك جوك
عموما لدي سوال واحد لام رهف عليه ابني بقية اسئلتي
السؤال هو
رهف اسمها الرباعي لو سمحتي

لك التحيه استاذ الطيب ......

رهف اسمها الرباعى لو سمحتى ؟؟

استاذ الطيب ..... رغم التكنولوجيا مازلنا ننتمى الى مجتمعات محافظه جدا ........مازالت ثقافة المنتديات حديثة عهد ،لذا تحكمها قواعد وحدود .

قد لا استطيع ان ابوح باسمى ليس عيبا أو خطأ مما افعل ........ولكن لان مجتمع النساء خاص جدا فى بلادى واعتز بذلك .....وخاصه اذا كان

المجتمع الذى اخصه بالزكر (قروى) .

اذا كنت تريد ان تتعرف على شخصيتى من خلال (رهف) ...ساقول لك هذه الرهف قد لا تكون (رهف) قد تكون ....وفاء او سناء او قل هيفاء فكلها

اسماء وصفات لا تعبر عن شخصية وفكر صاحبها .فارجو ان تتعاملو معى كشخص وليس كاسم ...لان الاسم مجرد (معرف ) فقط لايضيف ولا ينتقص

من شخصية صاحبه .

كنت اتمنى ان ارد على تساؤلك كما تريد انت وليس كما اريد انا .

ولك شكرى وتقديرى.