الكــــرسي الســــــــاخن..يجلس عليه (-)

راجل بمتلك خامه كويسه وسند اجتماعي بخولو يلعب دور كبير في العمل العام كبير المقصود بيها اكبر من شغل اللجان والخدمات داخل البلد, متوفره ليه كل ادوات الزعامه سوءا بخلفياتها السياسيه وغيرها لكن فشل رغم ده , ممكن هو او غيرو يعتبر انه انجز وحقق واشتغل بس في النهايه ده في رايي اقل من المامول ولو حاولنا نشوف الاسباب في رايي الشخصي انه بتمثل في عدة عوامل اولها انعدام الطموح وعدم الجهوزيه الاكاديميه وعدم توفر قدر كافي من الثقافه ده اثر في الكاريزما بصوره كبيره بالاضافه لي دخولو في صراعات وتكتلات لازمه فيها عدم التوفيق مماخلق حاجز بينو وبين الاغلبيه

عماره الزول الوناس الناس كلها متفقه علي ده, ابو التيمان ودي معروفه ,فرتاق الحفلات ودي ناكرها .جرب العمل العام شويه واندس شكلو فضل العوده للقواعد سالم او يمكن عشان الدنيا عصرت والعيال كبرو وطلباتهم زادت قبل ايام اتصلت ابارك زواج اخونا عمر توت كلمتو من ضمن من كلمت قال لي كلام انا ما عارفو شكر ولا نبذ العارفو يشرح لي قال لي( انت عامل زي دوار جمل نسيبتو كان لقي يكركر كان مالقي يكركر) الله يديهم الاتنين العافيه لي وليداتهم

[عوض خضر]

الخليفه اظنك فتحت منفذ جديد الي سيرة مختار الحسين يستحق التباحث حوله

فيما يتعلق بالاستاذ المربي عطا قسم الله فجيلي لم يعاصره في مدارسنا كغيره من المعلمين الاجلاء كأستاذ ابو عاقله سالم ومختار ابوقرن وغيرهم لذا فمعرفتي به لاتتيح لي التحدث عنه خصوصا انه لم يكن مستقرا بيننا عندما تفتحت مداركنا اجتماعيا

حميد اقيف كل الخلوق محنانه

اسم كنا نطلقه عليك ابان فترة تواجدنا بالبلد تلك المده الزمنيه التي كنت تسمعنا فيها بعض قصائدك (بالمناسبه لم اري في هذا المنتدي اي من قصائدك ) نأمل ان تنشط هذا الجانب من المنتدي تحفيزا لكل صاحب تجربه
اما فيما يتعلق بمحمد الحسن سالم حميد فالحديث عنه يطول ولكن نقول اختصارا وليس اختزالا ( زول سمح جاء الدنيا بيه بساطه وانحاز للغبش بجساره وقال العايزو بنفس الجساره ومشي ) مشي بعد ان رسم خطأ واضحا
مابين الصح والغلط عموما هو وبدون اي شك وبقناعه كامله مني اشعر شعراء عاميتنا علي الاطلاق نتمنالو الجنه ونتعذب بيه نارهم

الخلفية حسب الرسول .. كيف حالك ... والأسرة الكريمة ....

جيتْ أسألِك مين علّمِك
إنّو الزمن فى مرَّهْ ناقِص
ومرّهْ تــــــام
جيت أسألك
الشوق مكتّف فى الطريق
والخوف مداخل للفريق
جيت أسألِك
مين علّمِك لُغة الزهور
مين علمك غضب الحريق
وانت باحَهْ
وانت واحًهْ
وانتِ ذاتِك سكَّة الزول للمضيق
فارْدَهَ السواعد
للزوابع والمطر
للْهَم يَولْوِل للشّجر
عايز أسألِك
مين علّمِك
!لَمّ السلامــَهْ مع الخــطــر



انا منتظر تتفك من عمنا عوض علشان ما نلخبط الإختساس ههههههه

حسبو سلام والله رغم المشقوليات بس كمان دا واجب ما بكتر ليك
1- لماذا اعتقل حسب الرسول ورفاقة؟ ومتي ؟ وكيف؟ ومن كان معه؟
محطات 1- فطيس 2- ام عظام 3- القضارف 4- المدينة السكرية حفر الباطن -اين كان اهم انجاز في هذه المحطات ؟
بعد الحديث عن تلكم المحطات..
2- رايك بصراحة عن مشاركات بنات حواء في المنتدي؟
3- اذا كان بامكان حسب الرسول تغير ثلاثة اشياء في فطيس ماذا هو فاعل؟
وبرجع ليك

اسي ما فاضي ليك لكن كان للحول ما بخليك

العزيز خليفة ... منور الكرسي الساخن
عشان ما نلخم ليك راسك ساي ح نديك فرصة تجيب على ماهو أمامك من أسئلة وبعدها نضع أسئلتنا على طاولتك

شكرا لكل الجميليين شديد المرو ديل كلهم واتمني انه الزمن يكفي عشان اجاوب كل اسئلتهم خصوصا انه الفتره المفروض اقعدها في الكرسي قربت تخلص وزي ما بقول المثل الصيني القديم الجاتك في جزء من اسئلتك سامحتك