هوي يا ناس فتحوا اضنينكم

[عارف عبد الرحمن]

شنو ياشباب المواضيع بقت رتيبة ومملة ومكررة .. ومافيها حيوية وفتح شهية وبهارات من ديك الحاجات المثيرة المتحركة .. المواضيع بقت كلها جامدة كترتو في التقنيات .. لانو الناس عاوزة مواضيع حيوية تحرك فيهم النشاط والنقاش المثمر .. أنا بصراحة دخلني ملل .. وأتخيل لي كتير من الناس كدة لاني لاحظت المواضيع مكتوبة زي الواحد عاوز اشارك من أجل المشاركة .. عاوزين نفك الجمود دا .. وينك يا ود الخضر وجرجور الناااااااااااااااايم ومعاوية وأبو عفاف لسه في المتاوقة وكان لعبدو مصطفي مشي السودان وجاء مبلم وفاقد عناصر الحيوية ..ياخوانا عاوزين السخانة ـــ مش نسيب الباقر ــ سخانة المواضيع وقللوا شوية من حكاية الفنيات والتقنيات .. نسيتو الحلة تب تب .. الا من حديث كدي خبيرات شن قلتوا آلحلوين

[عبده مصطفي إبراهيم]

الذول الحقاني عارف...........أخوك فعلا جا ........مبلم تب.....مخلوع لسه...مشواري السودان
يا عارف والله بقي لي ذي المس كووول......ما مركز من ما جيت راجع......لكن أصبر لي شوية
النجر نفس.........واجيك......سامحنا علي المتاوقة
وليك الف تحية

[عوض خضر]

ابو عبدالرحمن الله يديك العافيه في الاول كان الامر يحتاج لكثافه في المشاركه لكن الان والحمد لله المشاركه جيده من مختلف الاعضاء الذين وفدوا للمنتدي حديثا ولكن انشاءالله شده وتزول مزنوقين شويه يادوب الواحد قادر

ينزل موضوع الضباب ويطلع

[عارف عبد الرحمن]

والله نحن في أنتظاركم .. الواحد حاسي بغربة جدا .. لان الواحد متشوق للمدافرة والمعافرة والنشاط الكان أول .. بالتأكيد لن ينضب المعين مادام عندنا زي الأخوة الزي ديل .. وربنا أوفق الجميع

أبو عبدالرحمن لك التحية ... ( وبي صراحه لفته بارعه منك).

الكل منا بيعرف انو النجاح في كل موضع أوالرقي به حتى الوصول للقمه لا بد أن يكون بالتعاون و بالمسانده لبعضنا البعض حتي تضاء لنا الشموع عندما يحتوينا الظلام، فبذلك تتكون الكلمه المعبره والهادفه والحلوه التي تبعث في النفس ألابتسامه المشرقه.

[عارف عبد الرحمن]

لك التحية أخي الباقر .. وتعرف الواحد تخيل أن الغربة قتلت فيهو معاني كثيرة والواحد ما تخيل أن تفرهد روح المرح من بعد الموات والأسف علي الأيام التي كانت .. ولكن المنتدي صحي كل الكوامن والروح التي ظننت أنها همدت .. والواحد رجع وعايش في فطيس القديمة الرائعة الحنينة بلا صبابة وجد ولا حرقة جوف .. نغني للأشواق بالشدو الجميل .. نوقد سراج الدنا وننادي كل الطيوب الحلوة والجيد الرقيق ..ونختلس البوح من سر الهوي المدفون بمعرفة السهاد والرقيب .. نجلب مليون خاطر ونسطر التاريخ علي ساق شجرة حرفين وقلب وسهم يخترق الزمان منقباً وباحثاً نستهض همم الزمان ونحن نبني حوش مدرسة ونادي وميدان كرة ولمة فرح ومجموعة عمل متواجدة في كل الأفراح والأتراح .. ولكن ألفينا بيننا وبين الحزن صداقة لا كنا نعرفها وظننت أنها لا تنقضي .. ولكن شممت رائحة أهلي من ملايين الأميال وعادت بي الأيام الي الماضي وأستحضرناه حاضراً قنديلاً متوهج عبر هذا الزمان الجارف .. يقتلنا الظمأ والتسكع ويرهقنا الحنين والشجن لسحر الأماسي ينوء بالذكري امسنا الحبيب .. قارب نجاة من هم الغربة متمسك به ونحن فيه جمعاً نتواكب زرافات ووحدانا آيبين كالطيور الراحلة عند المساء من غربتنا الماهنتنا ...

عارف عبد الرحمن بالمناسبة احكى لينا شوية عن صاحبك عبدالله الترزى

[صادق محمد عوض]

والله نفتقد الكثير من الاخوة الفاعلين .. ولا زلنا تصل بهم وفي انتظار مساهماتهم ولكن كل واحد له ظروفه الخاصة