بشري لجرذان الظلام هجليج الي حضن الوطن

[عارف عبد الرحمن]

[BIMG]http://vb.futeis.com/uploaded/42_01334926853.jpg[/BIMG]

جيشنا جيش الهنا .. غصبا عن كل المخزلين وجرذان الظلام .. استطاع الجيش السوداني البطل أن يستعيد هجليج من براثن عملاء الخونة والمارقين وكلاب بني صهيون وربائبهم جيش الحشرة الشعبية .. ولا نامت أعين الجبناء .. والذين كانوا ينتظرون أن يجلسوا علي دست الحكم والذين راهنوا علي المحرشين والذين اعترفوا بأن هجليج جنوبية تف علي وجوهكم القميئة .. التهنئة لكل وطني غيور يحب تراب هذا البلد الطيب

دخلوها وصقيرا حام انا فيهم بجر كلام .
التحية للجيش السوداني البطل وللشعب السوداني البطل .
والتهنئة لكل الاحباب بيت بيت .
دار دار .
زقاق زقاق .
ايوووووووو يوووووووووويووووووووووي .

[عبده مصطفي إبراهيم]

التهنئة ....بعودة هجليج...الي أرض الوطن.
والقومة ليك يا وطن

[نضال احمد]

الحمد لله الذي بنعمته تتم الصالحات
هلل وكبر يا سودان وحي معاي الجيش الظافر
هلل وكبر يا سودان وحي معاي الجيش القاهر
هلل وكبر يا سودان يا البي فرسانك دايماً ظاهر
وقول لي سلفا يا رعديد أوعك أوعك تاني تغامر
خبت وخابوا معاك أسيادك
وراح تخطيطم تحصيل حاصل
وما عارفين انو السودان ليهو المولي دايما ناصر
وما عارفين احفاد المهدي الدكا حصون السالب وغادر
لو قايلين السويتوها ممكن تمشي تفوت بالساهل
تبقوا غشامه وناسين انو ابطال كرري السيل الهادر
عندهم احفاد اقوي واشجع واصعب من السيف الباتر
وبرجع اقول لي بلدي الحره حيوا معاي الجيش الظافر
جيش العزة حماة هجليج حماة الوطن البهو نفاخر
ومن اعماقي اقول لي رجالنا اسود الكر الما بتهاظر
الف تحية كمان مبروك آلآف مبروك النصر الباهر
ونطمع ان تكون هجليج خط السير الى جوبا باذن واحد احد

كترتي المحلبية لحدي هجليج وماجاورا وبعد سنة النشوف تاني البحصل شنو

[كابلى]

اللة سبحانة وتعالى يحق الحق وكيف لا وقد سمى نفسة بالحق وكما يقال لا يضيع حق وراءة مطالب وعودة هجليج فية من الحق والمسؤلية ما يجعل اهل السودان يطالبون بعودة الفشقة وحلايب ونتمى ان تكون كل هذة الجلبة والضوضاء تصب فى مصلحة الشعب المؤازر للنظام حتى وان كان يتضور من الجوع ويرزح تحت التخلف والفقر والمرض ونتمى ان لا تكون هجليج كرت رابح تختبى خلفة اجندة شيطانية تطمح فى كسب الشارع السودانى المغلوب على امرة تتيح للمتسلطين الاستمرار فى غيهم وتجبرهم الذى اذل المواطن الذى يلوذون بة فى المصائب التى تجعل كراسيهم تهتز ونتمنى ان يعى المؤتمر الوطنى ان تدافع السودانيين والتفافهم حولهم لايعنى انهم مثاليين ولا يعنى ان الشعب يمكن ان يصطف حولهم فى كل الاحوال

[عارف عبد الرحمن]

الجلبة والضوضاء الأنت شايفهم ديل .. ديل أهل السودان الخلص الوطنيين بلا من ولا أذي .. خرجوا بتلقائية .. وما تصدق أنو شوية جرذان هم أغلبية اهل السودان .. الشعب السوداني عااااااقل وما داير زول أوريه الطريق ويعرف جيداً من الوطني الطيب من الغث والردئ أبشرك الشعب السوداني ذكي ووطني الشايفهم ديل ما في زول بضحك عليهم خرجوا بعفوية وصدق .. أطمئن وانت بعيد تستقي معلوماتك من تلفزيونات الكذب والنفاق ـــ جزيرة وعبرية وغيرها ـــ الناس ديل معدنهم أصل ونبيل وهم للسودان دليل وللعالم خير مثال ونموزج

مبروك ياوطن والتحية لكل وطني غيور والف تهاني اخي ابو عبد الرحمن
والله الفرحه لم نسع الجميع وقد كانت الاحتفلات هنا في ام در احتفالات عفويه

مبرووك هجليج ومبرووك السودان

ايووووووووووووووووووووووو ي


التحية التحية لكم جميعا , الليلة يوم قنوات

السودان , الليلة سمح الخبر جابو

[عارف عبد الرحمن]

والله زغرودتك دي تكلب الجلد وتخلي الواحد عيونو شرارة .. لك التحية أم محمد .. ولك التحية أخي الطيب وشايف التلفزيونات تستعرض مواكب الشعب البطل العفوية .. بكل ألوان الطيف والأعمار .. وهزتني صورة حاجة معمرة ترتدي ملابس العمليات الكاكي وتتوكأ علي عصاة .. ديل هم الخير والبركة والناس السمحين البخلو الزول أموت عشقاً في هذا البلد الرائع .. وصورة فتاة كانت تلقي قصيدة وكانت تبكي .. صورة لن تجدها في أي بلد تاني .. نسخة سودانية خالصة أصيلة .. ربنا أنصر البلد علي كل المعتدين وأبواق الصهاينة المأجورين